Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ អាទិត្យ 27 ឧសភា 2012 -
ព័ត៌មានទើបកែប្រើលើកចុងក្រោយ ថ្ងៃ អាទិត្យ 27 ឧសភា 2012
គណបក្សនរោត្តមរណឫទ្ធិ និងហ៊្វុនស៊ិនប៉ិចជំរុញអោយសមាជិកបោះឆ្នោតអោយគ្នាទៅវិញ ទៅមក
ថ្នាក់ដឹកនាំគណបក្សនយោបាយហ៊្វុនស៊ីនប៉ិច និងនរោត្តម រណឫទ្ធិ
©RFI/ siv channa
គណបក្សនរោត្តមរណឫទ្ធិ និងគណបក្សហ៊្វុនស៊ិចប៉ិចបានធ្វើសេចក្តីណែនាំរួមមួយជំរុញអោយសមាជិករបស់ខ្លួនបោះឆ្នោតអោយគ្នាទៅវិញទៅមកសម្រាប់ការបោះឆ្នោតឃុំសង្កាត់ថ្ងៃទី៣ខែមិថុនាឆ្នាំ២០១២ខាងមុខនេះ។ គណបក្សណាដែលមិនមានបេក្ខជនឈរឈ្មោះត្រូវជំរុញអោយសមាជិករបស់ខ្លួនបោះឆ្នោតអោយគណបក្សដៃគូ។
គណបក្សនរោត្តមរណឫទ្ធិដែលមានព្រះអង្គម្ចាស់នរោត្តមរណឫទ្ធិជាប្រធាននិងគណបក្សហ៊្វុនស៊ិចប៉ិចដែលមានលោក ញឹក ប៊ុនឆៃ ជាប្រធានបតិបត្តិនៃគណបក្សបានចេញសេចក្តីណែនាំរួមគ្នាមួយនៅថ្ងៃអាទិត្យនេះ ជំរុញអោយសមាជិកសមាជិការថ្នាក់ក្រោមនៃគណបក្សទាំងពីរអនុវត្តគោលការណ៍មួយចំនួនសម្រាប់ការបោះឆ្នោតឃុំសង្កាត់នាពេលខាងមុខនេះ។
គោលការណ៍ទីមួយ៖គណបក្សមួយណាដែលមិនបានរៀបចំបញ្ជីបេក្ខជនឈរឈ្មោះបោះឆ្នោតឃុំសង្កាត់ គណបក្សនោះត្រូវតែប្រមែមូលសមាជិកសមាជិការរបស់ខ្លួនអោយទៅបោះឆ្នោតជូនគណបក្សមួយទៀតជាដៃគូរដែលបានចុះបញ្ជីបេក្ខជនឈរឈ្មោះ។ គោលការណ៍ទី២៖ត្រូវផ្តល់លទ្ធភាពអោយប្រធានគណៈកម្មាធិការប្រតិបត្តិឃុំសង្កាត់និងភូមិនៃគណបក្សទាំងពីរសហការគ្នានិងជួយគ្នាទៅវិញទៅមកដោយពលិកម្មខ្ពស់និងស្មោះត្រង់ដើម្បីស្វែងរកមធ្យោបាយយកជ័យជំនះអោយបានជាអតិបរិមាក្នុងការបោះឆ្នោតឃុំសង្កាត់និងគោលការណ៍ទី៣៖ភ្នាក់ងារសង្កេតការណ៍បោះឆ្នោតនៃគណបក្សទាំងពីរត្រូវសហការគ្នា ជួយគ្នាទៅវិញទៅមកក្នុងពេលបោះឆ្នោតនិងពេលរាប់សន្លឹកឆ្នោត។
សូមបញ្ជាក់ថា សេចក្តីណែនាំរួមដែលចេញផ្សាយនៅថ្ងៃអាទិត្យទី២៧ឧសភានេះបានធ្វើឡើងបន្ទាប់ពីគណបក្សទាំងពីរបានចុះហត្ថលេខាលើសេចក្តីប្រកាសរួមគ្នាមួយកាលពីព្រឹកថ្ងៃព្រហស្បតិ៍កន្លងមកដើម្បីបញ្ជាក់ពីការរួបរួមគ្នាឡើងវិញ។ សេចក្តីប្រកាសរួមរវាងគណបក្សទាំងពីរកាលពីថ្ងៃព្រហស្បតិ៍កន្លងមក មានខ្លឹមសារសំខាន់ពីរយ៉ាងគឺ ទី១៖គណបក្សហ្វ៊ុនស៊ិនប៉ិច និងគណបក្ស នរោត្តម រណឫទ្ធិ យល់ព្រមសហការគ្នានិងជួយគ្នាទៅវិញទៅមក ក្នុងពេល បោះឆ្នោតក្រុមប្រឹក្សាឃុំសង្កាត់នៅថ្ងៃទី៣មិថុនាខាងមុខនេះ។ និងទី២៖បន្ទាប់ពីការបោះឆ្នោតរួច គណបក្សទាំងពីរនឹងរួបរួមគ្នានៅក្នុងគណបក្សហ្វ៊ុនស៊ិនប៉ិចតែមួយឡើងវិញដើម្បីចូលរួមបោះឆ្នោតតំណាងរាស្ត្រនៅខែកក្កដាឆ្នាំ២០១៣។
បើយោងតាមកិច្ចព្រមព្រៀង ព្រះអង្គម្ចាស់នរោត្តម រណឫទ្ធិ នឹងក្លាយទៅជាព្រះប្រធានគណបក្ស ហ៊្វុនស៊ិនប៉ិច ឡើងវិញ ហើយលោក ញឹក ប៊ុនឆៃ ជាអនុប្រធាន។
គួរកត់សម្គាល់ថា ការបង្រួបបង្រួមគ្នារវាងគណបក្សអតីតបងប្អូនគូសត្រូវទាំងពីរ បានធ្វើឡើងក្រោមកិច្ចសម្របសម្រួលពីសំណាក់លោកនាយករដ្ឋមន្ត្រី ហ៊ុន សែន៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
សុំគោលនិយោបាយប្រសិទ្ធភាពបន្ថែម
ពួកគាត់និយាយមក សរុបទៅដូចចង់បានតែសម្លេងឆ្នោតទេ ដូចជាមិនសូវបាន គិតគូរពីវិធីសាស្រ្តបង្កើនចំនួននិស្សិតអីទាល់តែសោះ។ សូម្បីតែក្មេង ក៏ពិបាកស្តាប់គាត់និយាយដែរ។
ប្រតិកម្មជុំវិញអត្ថបទនេះ