លោកប្រធានាធិបតីស៊ីរីបាស្ហារអាល-អាស្សាដបានប្រកាសនៅថ្ងៃអង្គារម្សិលមិញថា លោកនឹងធ្វើសហការហើយនិងខិតខំធ្វើឲ្យប្រទេសស៊ីរីមានស្ថិរភាពឡើងវិញ ព្រមទាំងបានសន្យាជាមួយសម្ព័ន្ធមិត្តរុស្ស៊ីនាឱកាសទស្សនកិច្ចរបស់លោក Sergeï Lavrov ប្រមុខការទូតរុស្ស៊ីថា លោកនឹងខិតខំបិទបញ្ចប់រាល់ទង្វើហិង្សាដែលកើតមាននៅក្នុងប្រទេសស៊ីរី នៅខណៈដែលសម្ពាធអន្តរជាតិមានកាន់តែខ្លាំងឡើងៗទៅលើទីក្រុងដាម៉ាស។
រុស្ស៊ី៖« សង្រ្គាមអ៊ីស្រាអែលប្រឆំាងអ៊ីរ៉ង់អាចនឹងបង្កចេញនូវគ្រោះមហន្តរាយធ្ងន់ធ្ងរ »
កាលពីថ្ងៃពុធ ទី៨ កុម្ភៈម្សិលមិញ លោក Mikhaïl Oulianov នាយកការិយាល័យសន្តិសុខ និងរំសាយសព្វាវុធនៃក្រសួងការបរទេសរុស្ស៊ីបានថ្លែងថា ការចោទរបស់ប្រទេសអ៊ីស្រាអែលលើអ៊ីរ៉ង់ថាបាននិងកំពុងពួនសម្ងំផលិតគ្រាប់បែកបរមាណូ គឺជារឿងប្រឌិតសុទ្ធសាធ និងជាការជម្រុញឲ្យមានសង្រ្គាមប្រឆំាងអ៊ីរ៉ង់។ សម្រាប់រូបលោក Mikhaïl Oulianov សង្រ្គាមប្រឆំាងអ៊ីរ៉ង់អាចនឹងបង្កចេញនូវគ្រោះមហន្តរាយដ៏ធ្ងន់ធ្ងរ។