Delicious
Digg
Facebook
Twitter
Yahoo!
Technorati
ពុធ 08 កុម្ភៈ 2012
ភស្តុតាងនៃការស្រុតចុះនៃវប្បធម៌ខ្មែរក្រោមឥទ្ធិពលវប្បធម៌បរទេស
យុវជនខ្មែររងឥទ្ធិពលវប្បធម៌ ដោយអបអរនឹងបុណ្យSaint Valentin ដូចប្រជាជនអឺរ៉ុប
©សុវណ្ណារ៉ា
ពីធីបុណ្យមាឃបូជាដែលជាបុណ្យប្រពៃណីព្រះពុទ្ធសាសនាដ៏សំខាន់មួយបានប្រារព្ធឡើង កាលពីថ្ងៃអង្គារម្សិលមិញ។មាឃបូជា ក៏ដូចវិសាខបូជាដែរសុទ្ធតែជាប់ពាក់ពន្ធ័ទៅនឹងពុទ្ធប្រវត្តិស្រដៀងនឹងបុណ្យណូអែល (Christmas) របស់សាសនាគ្រឹស្ត។ ប៉ុន្តែ យុវជនខ្មែរជាទូទៅមិនបានស្គាល់និងមិនបានចាប់អារម្មណ៍ទៅលើពិធីបុណ្យដែលតំណាងឲ្យដួងព្រលឹងរបស់ខ្លួនតាំងពីដូនតាមកនោះឡើយ។ ផ្ទុយទៅវិញគ្រាន់តែថ្ងៃ១៤កុម្ភៈជិតចូលមកដល់យុវវ័យខ្មែរបែរជានាំគ្នាជ្រួលជ្រើមជាស្រេច ដើម្បីទទួលអំណរបុណ្យ “សង្សារ”ដែលពួកគេនាំគ្នាហៅជំនួសឲ្យបុណ្យនៃក្តីស្រឡាញ់របស់បស្ចិមប្រទេសទៅវិញ។ តើនេះមិនមែនជាភស្តុតាងនៃការស្រុតចុះយ៉ាងខ្លាំងនៃប្រពៃណីខ្មែរទេឬ?
ថ្ងៃអង្គារម្សិលមិញ គឺជាថ្ងៃឈប់សម្រាករបស់មន្ត្រីរាជការ សិស្ស និស្សិត ឬបុគ្គលិកក្រុមហ៊ុនឯកជនមួយចំនួន។ គឺឈប់សម្រាក ដើម្បីប្រារព្ធពិធីបុណ្យមាឃបូជាដែលជាបុណ្យប្រពៃណីព្រះពុទ្ធសាសនាដ៏សំខាន់។ ប៉ុន្តែ យុវវ័យខ្មែរជាច្រើនបានដឹងត្រឹមថាជាថ្ងៃឈប់សម្រាក ឬមួយចំនួនទៀតដឹងត្រឹមថាថ្ងៃមាឃបូជា តែពួកគេមិនបានចាប់អារម្មណ៍លើពិធីនេះឡើយ។ ផ្ទុយទៅវិញ គ្រាន់តែថ្ងៃ១៤កុម្ភៈឈានចូលមកដល់ ពួកគេបានផ្តើមនាំគ្នាជ្រួលជ្រើម គិតគូររៀបចំជាស្រេចដល់ពិធីបុណ្យ«សង្សារ» ដែលគេនាំគ្នាហៅយ៉ាងពេញនិយមជំនួសពាក្យ«បុណ្យនៃក្តីស្រឡាញ់» (Valentine’s Day ឬ Saint-Valantin) តាមបែបបស្ចិមប្រទេសទៅវិញ។
តាំងពីច្រើនឆ្នាំមកហើយ យុវវ័យខ្មែរកាន់តែច្រើនឡើងបានទទួលយកវប្បធម៌បែបបស្ចិមប្រទេសកាន់តែច្រើនឡើង និងយ៉ាងងប់ងល់។ ពិធីបុណ្យដែលយុវវ័យខ្មែរនិយមចូលចិត្តជាងគេមានដូចជា បុណ្យ Christmas, Valentine’s Day ដែលគេហៅថា«បុណ្យសង្សារ» ឬ Birthdayតាមបែបបស្ចិមប្រទេស។ វាមិនមែនជារឿងចម្លែកទេសម្រាប់ប្រទេសក្រីក្រដែលកំពុងអភិវឌ្ឍ និងកំពុងបើកចំហទៅកាន់ពិភពលោក ដែលត្រូវទទួលរងឥទ្ធិពលពីប្រទេសដែលមានអរិយធម៌ជឿនលឿននោះ ប៉ុន្តែ អ្វីដែលគួរឲ្យព្រួយបារម្ភគឺភាពងប់ងល់របស់យុវជនដែលមានគ្រឹះនៃអត្តសញ្ញាណវប្បធម៌របស់ខ្លួននៅទន់ជ្រាយនៅឡើយ។
ម្យ៉ាងទៀត ការរៀបចំអបអរបុណ្យបស្ចិមប្រទេសទាំងនោះក៏គ្មានអ្វីខុសទាស់ដែរ ប្រសិនបើពួកគេមានចេតនាត្រឹមតែចូលរួមអបអរជាមួយមិត្តភ័ក្តិបរទេស ដើម្បីកម្សាន្តសប្បាយនោះ ប៉ុន្តែ គ្រោះថ្នាក់នៅត្រង់ថា ពិធីបុណ្យទាំងនោះត្រូវបានគេចាត់ទុកជាទំនៀមទម្លាប់របស់ខ្លួន និងថែមទាំងបានកាឡៃអត្ថន័យរបស់វាទៅរកផ្លូវខុស ដើម្បីគោលដៅផ្សេងទៅវិញ។ ជាក់ស្តែង អ្វីដែលធ្ងន់ធ្ងរបំផុត គឺ Valentine’s Dayនេះតែម្តង។ ក្នុងអារម្មណ៍ដែលប្រកបដោយភាពស្រើបស្រាលរបស់យុវវ័យខ្មែរ Valentine’s Dayដែលពួកគេកាឡៃទៅជា «បុណ្យសង្សារ»នោះ គឺជាថ្ងៃដែលពួកគេត្រូវធ្វើអ្វីម្យ៉ាងសម្រាប់គូសង្សាររបស់ខ្លួន ដែលជាទូទៅ គឺសំដៅលើការរួមភេទនេះឯង។ និន្នាការនេះមានលក្ខណៈកាន់តែធ្ងន់ធ្ងរទៅៗជាលំដាប់ ពីមួយឆ្នាំទៅមួយឆ្នាំ។
ក្រុមអ្នកតាមដានការវិវឌ្ឍន៍សង្គមកម្ពុជាបានមើលឃើញចំណុចគ្រោះថ្នាក់សម្រាប់យុវវ័យខ្មែរ ដែលកំពុងតែងប់ងល់ទៅនឹងភាពភ្លើតភ្លើនគ្មានព្រំដែន និងគ្មានមូលដ្ឋានទាំងនេះ។ ការសិក្សាដ៏ដូចជាតាមការដឹង និងការមើលឃើញជាទូទៅដែរ មានយុវវ័យជាច្រើន និងពេលខ្លះសិស្សសាលាដែលមិនទាន់គ្រប់អាយុផងបានប្រឡូកយ៉ាងសកម្ម និងតាមបែបអនាធិបតេយ្យទៅក្នុងសកម្មភាពអសីលធម៌ និងខុសប្រពៃណីនេះ។ ការជូនអំណោយឲ្យគ្នា ការណាត់ជួបគ្នា ដើម្បីសម្តែងអារម្មណ៍ស្នេហានៅតាមទីសាធារណៈ រមណីយដ្ឋាន ឬនៅតាមផ្ទះសំណាក់ គឺជានិន្នាការកំពុងពេញនិយម។ នៅពេលដែលយុវវ័យងប់ងល់ និងវក់វីនឹងរឿងស្នហាដ៏ស្រើបស្រាលនេះ ពួកគេប្រាកដណាស់ថា នឹងភ្លេចការសិក្សា។ តើនេះមិនមែនជាគ្រោះថ្នាក់សម្រាប់សង្គមខ្មែរទេឬ?
ប្រឈមមុខទៅនឹងបញ្ហាអស់ទាំងនេះ អ្នកតម្រង់ទិសសង្គមទាំងឡាយ រួមទាំងឪពុកម្តាយ ឬអាណាព្យាបាលទាំងឡាយត្រូវតែមានវិធានការជាបន្ទាន់ ដើម្បីទប់ស្កាត់ ឬតម្រែតម្រង់យុវវ័យ ឬកូនចៅរបស់ខ្លួនឲ្យចៀសផុតពីគ្រោះថ្នាក់។ ការហូរចូលនៃវប្បធម៌បរទេសជារឿងដែលមិនអាចចៀសវាងបាន ប៉ុន្តែ ការបណ្តែតបណ្តោយឲ្យកូនខ្មែរទទួលយកវប្បធម៌ទាំងនោះទាំងងងឹតងងល់ដោយគ្មានប្រទីបបំភ្លឺផ្លូវ គឺជាគ្រោះថ្នាក់ធំធេងសម្រាប់អនាគតសង្គមកម្ពុជា។ បច្ចុប្បន្ននេះ អ្វីដែលច្បាស់លាស់គឺ សីលធម៌ វប្បធម៌ និងប្រពៃណីខ្មែរកំពុងតែស្រុតចុះដុនដាប ដែលទាមទារឲ្យទាំងអស់គ្នាជួយជ្រោមជ្រែង ដើម្បីសង្គ្រោះចេញពីគ្រោះថ្នាក់៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (2)
Valetine's day,the worst day for Cambodians
I strongly support what is said it this article!!!What I wonder is that is it so cool to just have girlfriend and boyfriend and do what they want to do without caring about others' evaluation?Indeed,they do know what is right and wrong and what they should or not,however,they still do it to complete their own PASSION and DESIRE!Why Cambodians teenagers like to follow foreign culture,but also try to do different from their original ones?Thus,it mean both to destroy our own culture and others cultures in the same way.In my opinion,those who even don't know about the history and the original meaning of Valentine's day but act as they know very clearly about it!
From when that we consider
From when that we consider the culcure in Khmer/Cambodia as Khmer culture? I agree that we should not change the name of Volentine's day to be BunSangSa but I do not agree that we should keep Buddism ceremony as Khmer culture alone. From history, Khmer kingdom got the culture from India, both Hindo and Budism. So, if our former king can change the culture from Krou3 or Krou5 to Hindo and then Buddism in the pass, why we cannot change it now if the new one is better? I do not say Volentine's day is better than other Buddism's ceremony but just want to open the eye of some people that is too conservative. If you do keep Khmer culture as in the pass, why you use internet today? why not walk to school, use knife or black magic to defence our country? ... If khmer sybole is on Budism's ceremony, where is Khmer value? It is true that right now Buddism is the national religion in our country but is not mean that it cannot be changed in the future. So if Buddism mean Khmer, it mean Khmer is India or Thailand or ... Please rethink again. Don't be to blink with the religion but stick with the TRUE.
ប្រតិកម្មជុំវិញអត្ថបទនេះ