រុស្ស៊ី-ស៊ីរី -

អត្ថបទចុះផ្សាយនៅថ្ងៃ ព្រហស្បតិ៍ 09 កុម្ភៈ 2012 - ព័ត៌មានទើបកែប្រើលើកចុងក្រោយ ថ្ងៃ ព្រហស្បតិ៍ 09 កុម្ភៈ 2012

ម៉ូស្គូប្រឆាំងនឹងការលូកដៃជ្រៀតជ្រែកពីក្រៅទៅក្នុងវិបត្តិនៅស៊ីរី

លោកប្រធានាធិបតីមេដវេដេវ

Reuters

ដោយ កែវ ឆាយា

គោលជំហរនេះ ត្រូវបានរំលេចឲ្យឃើញដោយថ្នាក់ដឹកនាំកំពូលៗរុស្ស៊ីនារសៀល ថ្ងៃពុធ៨កុម្ភៈម្សិលមិញ នៅតាមកន្លែងខុសៗគ្នា ទាំងដោយលោកប្រធានាធិបតីមេដវេដេវ ទាំងដោយលោកនាយករដ្ឋមន្ត្រីពូទីន ទាំងដោយលោករដ្ឋមន្ត្រីការបរទេស Lavrov ។

សេចក្តីរាយការណ៍របស់ កែវ ឆាយា

ស្តាប់ (02:36)

09/02/2012 by កែវ ឆាយា

ជាបឋម សេចក្ដីថ្លែងការណ៍ធ្វើដោយលោកប្រធានាធាបតីមេដវេដេវ ពេលលោកនាយករដ្ឋ

មន្ត្រីតួគី Erdogan បន្ទាប់មកលោកប្រធានាធិបតីបារាំង Sarkozy បានទូរស័ព្ទមកគាត់ខណៈដែលសាច់រឿងនៃកិច្ចសន្ទនា ប៉ះលើស្ថានការណ៍វិបត្តិនៅស៊ីរី គឺថា៖ ”ចាំបាច់ត្រូវតែបន្តស្វែងរកឲ្យឃើញនូវឥរិយាបថសម្របយោបល់គ្នា បូកទាំងក្នុងក្រុមប្រឹក្សាសន្តិសុខ អ.ស.ប. ផង សម្រាប់ជំរុញដល់ដំណោះស្រាយវិបត្តិនៅស៊ីរីដោយបណ្តាសាមីភាគីស៊ីរីផ្ទាល់។ ដំណើរស្វែងរកនេះ ត្រូវប្រព្រឹត្តទៅទី១-ដោយគ្មានការលូកដៃពីក្រៅចូលក្នុងវិបត្តិនេះ និងទី២-ឈរលើគោលការណ៍គោរពទាំងស្រុងអធិបតេយ្យរដ្ឋស៊ីរី។

លោកមេដវេដេវ ថែមទាំងកត់សម្គាល់ទៅផងថា រុស្ស៊ីដែលបានប្រើសិទ្ធិវេតូខ្ទប់គម្រោងនៃសេចក្តីសម្រេចរបស់ក្រុមប្រឹក្សាសន្តិសុខអ.ស.ប. មកពីឯកសារនេះ មិនអាចជំរុញឡើយ ដល់ដំណោះស្រាយ ដោយសន្តិវិធីឲ្យវិបត្តិនៅស៊ីរី។

ចំណែកលោកនាយករដ្ឋមន្ត្រីពូទីន ដែលជាបេក្ខជនប្រធានាធិបតីថ្មីពេលទទួលជួបជាមួយ ប្រមុខនៃសាសនា៤ ដែលធំជាងគេ នៅរុស្ស៊ី គឺគ្រិស្តសាសនាអ័រថូដុក្ស សាសនាអ៊ីស្លាម ពុទ្ធសាសនា និងសាសនា Juif បានអំពាវនាវ សម្តេចសង្ឃទាំង៤អង្គ ជួយធ្វើយ៉ាងណា ដើម្បីកុំបណ្តោយឲ្យព្រឹត្តិការណ៍នៅរុស្ស៊ីវិវឌ្ឍដូចនៅតំបន់ដើមបូព៌ាបែបយ៉ាងនៅប្រទេសលីប៊ីជាដើម។

ដោយស្រដីអំពីព្រឹត្តិការណ៍ដែលកំពុងបោកកញ្ជ្រោកនៅស៊ីរី លោកពូទីន បានថ្លែងថា ៖ រុស្ស៊ីថ្កោលទោសដល់រាល់ទង្វើហិង្សាណាក៏ដោយក្នុងប្រទេសនេះហើយប្រឆាំងទល់នឹងអំពើជ្រៀតជ្រែកណាក៏ដោយពីខាងក្រៅ ទៅក្នុងវិបត្តិនៅស៊ីរី គឺទុកឲ្យភាគីបដិបក្ខ ក្នុងប្រទេសនោះ ដោះស្រាយដោយខ្លួនគេទៅ។

ទាក់ទងនឹងកម្មវត្ថុស៊ីរីដែរពេលថ្លែងក្នុងសន្និសីទកាសែតម្សិលមិញនៅម៉ូស្គូ ដោយឆ្លើយតបនឹងសំនួរ “តើពេលគាត់ជួបជាមួយលោក ប្រធានាធិបតីស៊ីរី នៅក្រុង Damas កាលពីថ្ងៃ៧កុម្ភៈកន្លងទៅមានលើកយកទៅពិភាក្សាឬទេ បញ្ហាតម្រូវឲ្យលោក Bashar al-Assad លាចេញពីមុខតំណែង?” លោករដ្ឋមន្ត្រីការបរទេសរុស្ស៊ី Serguei Lavrov បានថ្លែងថា ៖ ការអារកាត់វាសនាប្រទេសស៊ីរីមិនមែនជាកិច្ចការរបស់សហគមន៍អន្តរជាតិឡើយ។

លោកប្រមុខការទូតរុស្ស៊ីបន្ថែមថា លោក Bachar al-Assad បានផ្ទុកផ្តាក់ទៅហើយឲ្យលោក អនុប្រធានាធិបតី Farouk Shar ធ្វើកិច្ចចរចា ជាមួយពួកអ្នកតំណាងនៃគ្រប់តែកម្លាំងប្រឆាំងនៅស៊ីរីប៉ុន្តែបើទីក្រុងដាម៉ាសត្រៀមដើរទៅមុខកាន់តែឆ្ងាយនោះពួកប្រឆាំងវិញដើរ កាន់តែថយក្រោយ មិនព្រមអង្គុយចរចាឡើយ៕