Delicious
Digg
Facebook
Twitter
Yahoo!
Technorati
រុស្ស៊ី -
អត្ថបទចុះផ្សាយនៅថ្ងៃ អង្គារ 26 មិថុនា 2012 -
ព័ត៌មានទើបកែប្រើលើកចុងក្រោយ ថ្ងៃ អង្គារ 26 មិថុនា 2012
គ្រឿងញៀនផ្តាច់ជីវិតពលរដ្ឋរុស្ស៊ីអស់ជាង១លាននាក់ក្នុង១ទសវត្សរ៍
Heroine គ្រឿងញៀនចេញពីអាហ្វហ្កានីស្ថានត្រូវ”ស្ថាប័នរដ្ឋរុស្ស៊ីខាងប្រយុទ្ធទល់នឹងគ្រឿងញៀន” វាយតម្លៃក្នុងទឹកប្រាក់ប្រមាណ៦.០០០លានដុល្លារ
D.E.A. / Wikimédia
តួលេខនេះមានចែងក្នុងរបាយការណ៍របស់ ”ស្ថាប័នសហព័ន្ធរុស្ស៊ីខាងប្រយុទ្ធទល់នឹងគ្រឿងញៀន” ហៅកាត់ថា FSKN ចេញផ្សាយពេលរសៀលថ្ងៃ២៥មិថុនាម្សិលមិញ។ ទីផ្សាររុស្ស៊ីនៃធាតុ Heroine មានដើមកំណើតចេញមកពីអាហ្វហ្កានីស្ថាន ត្រូវពួកអ្នកជំនាញរបស់”ស្ថាប័នរដ្ឋរុស្ស៊ីខាងប្រយុទ្ធទល់នឹងគ្រឿងញៀន” វាយតម្លៃក្នុងទឹកប្រាក់រហូតដល់៦.០០០លានដុល្លារអាមេរិក។
ស្របនឹងរបាយការណ៍នេះ គិតពីឆ្នាំ២០០១មក នៅរុស្ស៊ីមានយុវបុរសយុវនារីបានធ្លាក់ខ្លួនស្លាប់អស់ ១លាន២សែននាក់ឬ ៣/៤បណ្តាលមកពីការសេពគ្រឿងញៀន។
”ស្ថាប័នរដ្ឋរុស្ស៊ីខាងប្រយុទ្ធទល់នឹងគ្រឿងញៀន” ហៅកាត់ថា FSKN លំអិតថា ស្ថិតិនេះ រាប់តែចំនួនអ្នកស្លាប់ដែលមានកត់ត្រាឃើញក្នុងវ័យពី១៥ដល់៣៤ឆ្នាំ នៅក្នុងប្រទេសមួយដែលមានបណ្តាជន ១៤៣លាននាក់។ តួលេខផ្លូវការ របស់ស្ថាប័នក៏លើកឡើងថា ជាសរុបនៅរុស្ស៊ីមានមនុស្សប្រមាណ ៥លាននាក់ឯណោះ ដែលប្រើគ្រឿងញៀនជារឿយៗ។ ការប្រើគ្រឿងញៀនបានរីករាលដាលយ៉ាងខ្លាំងក្លានៅរុស្ស៊ី គឺក្រោយពីសហភាពសូវៀតរលំរលាយទៅ កាលពី២០ឆ្នាំមុន។
របាយការណ៍គូសបញ្ជាក់ថា ស្ថានភាពក្នុងវិស័យនេះស្រុតចុះធ្ងន់ធ្ងរបណ្តាលជាពិសេសមកពីចរន្តគ្រឿងញៀន ហូរចេញពីប្រទេសអាហ្វហ្កានីស្ថាន មកកាន់ប្រទេសរុស្ស៊ីដោយឆ្លងកាត់ដែនដីនៃអតីតសាធារណរដ្ឋសូវៀត តំបន់អាស៊ីកណ្តាល បែបយ៉ាង តាហ្ស៊ីគីស្ថានជាដើម។
អត្ថបទរបស់ស្ថាប័ន FSKN ក៏លម្អិតថា ១/៣នៃឧក្រិដ្ឋកម្មប្រព្រឹត្តក្នុងឆ្នាំទៅមិញនៅរុស្ស៊ី គឺមានពាក់ព័ន្ធទៅនឹងគ្រឿងញៀន។
ទីផ្សាររុស្ស៊ីនៃធាតុ Heroine ដែលជាប្រភេទមួយនៃគ្រឿងញៀន មានដើមកំណើតចេញមកពីអាហ្វហ្កានីស្ថាន ត្រូវពួកអ្នកជំនាញរបស់”ស្ថាប័នរដ្ឋរុស្ស៊ីខាងប្រយុទ្ធទល់នឹងគ្រឿងញៀន” វាយតម្លៃក្នុងទឹកប្រាក់រហូតដល់៦.០០០លានដុល្លារអាមេរិក។
ជាការកត់សម្គាល់ ទីក្រុងម៉ូស្គូតែងបរិហារជារឿយៗ អំពីការឡើងនៃចរន្តគ្រឿងញៀន ដែលហូរចេញមកពីអាហ្វហ្កានីស្ថាន ហើយស្តីបន្ទោសកងកម្លាំងរបស់លោកខាងលិចដែលប្រចាំការក្នុងប្រទេសនេះ ដែលមិនព្រមប្រយុទ្ធឲ្យបានស័ក្តិសិទ្ធិទល់នឹងភយន្តរាយនេះ៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ