កម្ពុជា - 
អត្ថបទចុះ​ផ្សាយ​នៅ​ថ្ងៃ អាទិត្យ 29 មេសា 2012 - ព័ត៌មានទើប​កែប្រើ​លើកចុងក្រោយ​ ថ្ងៃ អាទិត្យ 29 មេសា 2012

«កុំរើស​អើង​​​អ្នក​ស្រឡាញ់​​ភេទ​​ដូចគ្នា​​ អ្នក​​ស្រឡាញ់​​​ទាំងពីរ​ភេទ​​និង​​អ្នក​​ប្តូរភេទ»​​

មជ្ឈ​មណ្ឌល​សិទ្ធិ​មនុស្ស​កម្ពុជា
មជ្ឈ​មណ្ឌល​សិទ្ធិ​មនុស្ស​កម្ពុជា
© គី​ សុខលីម

ដោយ គី សុខលីម

មជ្ឈមណ្ឌល​សិទ្ធិ​មនុស្ស​កម្ពុជា​អំពាវនាវ​កុំ​អោយ​ស្ថាប័ន​នានា​រើសអើង​អ្នកស្រឡាញ់​ភេទ​ដូចគ្នា​ អ្នក​ស្រឡាញ់​ទាំងពីរភេទ​និង​អ្នកប្តូរភេទ​នៅក្នុង​កន្លែង​ការងារ។​ ការ​អំពាវនាវ​នេះ​គ្រោង​នឹង​ធ្វើ​ឡើង​នៅ​ថ្ងៃ​ទិវា​ពលកម្ម​អន្តរជាតិ​និង​បាន​ធ្វើ​ឡើង​បន្ទាប់​ពី​អ្នកស្រឡាញ់​ភេទដូច​គ្នា អ្នកស្រឡាញ់​ទាំងពីរ​ភេទ​និង​អ្នកប្តូរ​ភេទនៅ​ក្នុង​ប្រទេស​កម្ពុជា​ត្រូវ​បាន​ស្ថាប័ន​ឯកជន​មួយ​ចំនួន​រើសអើង។

សេចក្តីរាយការណ៍របស់ គី សុខលីម
 

29/04/2012 by គី សុខលីម

រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​ធានា​ពី​សិទ្ធិ​ស្មើភាព​គ្នា​និង​ភាព​មិន​រើសអើង​សម្រាប់​មនុស្ស​ទូទៅ​ប៉ុន្តែ​ការ​រើសអើង​ប្រឆាំង​នឹង​អ្នក​ស្រឡាញ់​ភេទ​ដូចគ្នា​ អ្នកស្រឡាញ់​ទាំងពីរ​ភេទ​និង​អ្នកប្តូរ​ភេទ​នៅ​ក្នុង​កន្លែង​ធ្វើការ​នៅតែ​បន្ត​កើត​មាន។ ​នេះ​គឺ​ជា​ការ​បញ្ជាក់​របស់​មជ្ឈ​មណ្ឌល​​​សិទ្ធិ​មនុស្ស​កម្ពុជានៅ​ក្នុង​សេចក្តី​ថ្លែង​ការណ៍ដែល​ត្រូវ​បាន​ផ្សព្វផ្សាយ​នៅ​ថ្ងៃ​អាទិត្យ​នេះ។

 
សេចក្តី​ថ្លែងការណ៍​បាន​លើក​ឡើង​ថា ​នៅ​ថ្ងៃ​ទី១​ខែឧសភា​ទិវា​ពលកម្ម​អន្តរជាតិ​នេះ ​មជ្ឈមណ្ឌល​សិទ្ធិ​មនុស្ស​សូម​ជំរុញ​អោយ​មាន​សមភាព​ចំពោះ​អ្នកស្រឡាញ់​ភេទ​ដូចគ្នា ​អ្នក​ស្រឡាញ់​ទាំងពីរ​ភេទ​និង​អ្នក​ប្តូរភេទ​នៅ​ក្នុងវិស័យ​ការងារ។ ​ជារឿយៗ អ្នក​ទាំង​នេះ ប្រឈម​នឹង​ការ​ផាត់​ចេញ​ពី​សង្គម​ រងការ​បៀតបៀន ​ការ​ដាក់ងារ និង​រង​នូវការ​ប្រមាថ​នៅ​កន្លែង​ធ្វើការ​។ ​ពេលខ្លះ​ ពួកគេ​បាក់​ទឹកចិត្ត ​ហើយត្រូវ​ប្រឈម​នឹង​បញ្ហា​សេដ្ឋកិច្ច​គ្រួសារ​ទៀតផង​។
 
បុរស​ស្រឡាញ់​បុរស​ម្នាក់​បាននិយាយ​ប្រាប់​មជ្ឈម​ណ្ឌល​សិទ្ធិ​មនុស្ស​កម្ពុជា​ថា នៅពេល​ដែល​គាត់​បើក​ចំហ​ពី​ភេទ​របស់​គាត់​នៅ​កន្លែង​ធ្វើការ​ គាត់​ត្រូវ​ទទួល​រង​នូវការ​ប្រមាថ​យ៉ាងខ្លាំង​រហូត​ដល់​គាត់​បង្ខំចិត្ត​លា​ឈប់​ពី​ការងារ។
 
បុរស​ដែល​បាន​ប្តូរ​ភេទ​ទៅ​ជា​ស្ត្រី​និង​ស្រ្តី​ប្តូរ​ភេទ​ទៅ​ជា​បុរស​នៅ​កម្ពុជា​បាន​រាយការណ៍​ថា ដោយសារ​តែ​រូបរាង​ខាងក្រៅ​របស់​ពួកគាត់​ ពួកគាត់​ត្រូវ​បាន​គេ​បដិសេធ​មិន​អោយ​ធ្វើការ​សូម្បីតែ​នៅតាម​ភោជនីយដ្ឋាន​និង​នៅ​តាម​រោងចក្រ​កាត់ដេរ​ក៏​ដោយ។ ​អ្នកខ្លះ​បាន​បញ្ចប់​ការ​សិក្សា​ហើយ​ប៉ុន្តែ​រក​ការងារ​មិន​បាន​ធ្វើ​ ត្រូវ​បង្ខំ​ចិត្ត​រកស៊ី​ផ្លូវភេទ។
 
អ្នក​ស្រឡាញ់​ភេទ​ដូចគ្នា អ្នក​ស្រឡាញ់​ទាំងពីរ​ភេទ​និង​អ្នក​ប្តូរ​ភេទ​បាន​និយាយ​ថា​ ពួកគេ​ចាំបាច់​ត្រូវ​តែ​លាក់​អត្តសញ្ញាណ​របស់​ពួកគេ​នៅ​កន្លែង​ធ្វើការ​ដើម្បី​ចៀស​វាង​ការ​មាក់ងាយ​និង​រើសអើង។
 
តួលេខ​ប៉ាន់ស្មាន​របស់​មន្រ្តី​មជ្ឈ​មណ្ឌល​សិទ្ធិ​មនុស្ស​កម្ពុជា​បាន​អះអាង​ថា​ ប្រទេស​កម្ពុជា​មាន​អ្នក​ស្រឡាញ់​ភេទ​ដូចគ្នា អ្នក​ស្រឡាញ់​ទាំងពីរ​ភេទ​និង​អ្នក​ប្តូរ​ភេទ​ប្រមាណ​ជា​៦ម៉ឺន​នាក់​ប៉ុន្តែ​របាយការណ៍​ផ្សេង​ទៀត​បាន​អះអាង​ថា ​អាចមាន​ដល់​ជាង​១០ម៉ឺន​នាក់។
 
សូម​បញ្ជាក់​ថា ច្បាប់​ស្តី​ពី​ការងារ​ឆ្នាំ​១៩៩៧​នៃព្រះរាជាណាចក្រ​កម្ពុជា​មិន​បាន​ការពារ​និយោជិត​ដែល​ស្រឡាញ់​ភេទ​ដូចគ្នា​ អ្នក​ស្រឡាញ់​ទាំងពីរ​ភេទ​និង​អ្នកប្តូរ​ភេទ​ពី​ការ​រើស​អើង​ឡើយ៕

tags: កម្ពុជា - សង្គម
អត្ថាធិប្បាយ (4)

such a jerk

You're tucking sucked idea

Why do Human Right need to Protect Gays or Lesbains' Right?

Hello, Mr. Ky Sok Lim,
Thank you very much for your hard work in news field.
Related to the topic about the Man who has Sex with man(MSM), Woman who has sex with Woman(WSW), and those who are sex transcended, I would like to ask some simple question to you as well as to Mr. Ouch Rirak, ( Human Right Center), what is human right ? What is human?

According to the universal understanding about Human right is the right of Male and Female. The Human is the rational being which know what is right and wrong and created with uniqueness of sex ( male and female).

Why do the majority people give up their right and protect the minority people (Gays, Lesbains). Please think, who are the human right violation? Nature created us as Female and Male, (Human, Aminal, Plan, atom, plus and minus), why human chane from what is the natural law created? Those who claim to protect MSM, WSW's right should be ashame themselves, because they violate their correct human right (Male and Female). So, those MSM, WSW, what kind of sexual organ they have? MSM has Male Sexual organ, WSW has Female Sexual Organ, so, it means that they were born with natural law, just their mind, so they should change their mind follow to what sex they were determine /born with. So, please think about this, I know that you a real man, who love real woman, so please thinking together with the really human who practise human right are those who have sex as female and male.

Thank you very much.

Such a noble man,..^^...but

Such a noble man,..^^...but how did u know nature didn't create gay and lesbian?

Deny

សុំមិនគាំទ្រ

ប្រតិកម្ម​ជុំវិញ​អត្ថបទនេះ
The content of this field is kept private and will not be shown publicly.
To prevent automated spam submissions leave this field empty.
CAPTCHA
This question is for testing whether you are a human visitor and to prevent automated spam submissions.
Close