Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ អាទិត្យ 09 កញ្ញា 2012 -
ព័ត៌មានទើបកែប្រើលើកចុងក្រោយ ថ្ងៃ ចន្ទ 10 កញ្ញា 2012
ចលនាផ្ទេរកូនចេញពីសាលារដ្ឋ ចូលសាលាឯកជនមានកាន់តែច្រើនឡើង
លោក រ៉ុង ឈុន ប្រធានសហភាពសហជីពកម្ពុជា
© សុវណ្ណារ៉ា
ចលនាផ្ទេរកូនចេញពីសាលារៀនរដ្ឋចូលសាលាឯកជនមានកាន់តែច្រើនឡើងពីមួយឆ្នាំទៅមួយឆ្នាំ។ មូលហេតុគឺដោយសារសាលារៀនឯកជនមានគុណភាពល្អ និងមានវិន័យល្អជាងសាលារដ្ឋ។
ក្នុងខណៈពេលដែលការចុះឈ្មោះចូលរៀនឆ្នាំសិក្សាថ្មី២០១២-២០១៣កំពុងដំណើរការទៅមុខនោះ គេសង្កេតឃើញថា អាណាព្យាបាលជាច្រើននាក់បាននាំគ្នាផ្ទេរកូនចេញពីសាលារដ្ឋចូលទៅសាលាឯកជនវិញ។ អាណាព្យាបាលខ្លះសម្រេចចិត្តចុះឈ្មោះអោយកូនចៅរៀននៅសាលាឯកជនតែម្តងដោយមិនចាំបាច់សាកល្បងជាមួយសាលារដ្ឋមួយឆ្នាំឬពីរឆ្នាំឡើយ។ មូលហេតុដែលអាណាព្យាបាលសុខចិត្តបញ្ជូនកូនចៅទៅកាន់សាលាឯកជនវិញនោះពីព្រោះការចំណាយនៅសាលារដ្ឋនិងសាលាឯកជនមិនខុសគ្នាច្រើនប៉ុន្មានទេ។
តាមគោលការណ៍របស់រដ្ឋាភិបាល សាលារដ្ឋមិនតម្រូវអោយកូនសិស្សបង់ប្រាក់ទេប៉ុន្តែជាក់ស្តែងវិញ កូនសិស្សទាំងថ្នាក់បឋម ទាំងថ្នាក់មធ្យមសិក្សាខ្លះត្រូវតែបង់លុយប្រចាំថ្ងៃអោយទៅលោកគ្រូអ្នកគ្រូ។ ការបង់លុយប្រចាំថ្ងៃនេះត្រូវបានធ្វើឡើងជាពិសេសនៅទីក្រុងភ្នំពេញនិងនៅក្នុងថ្នាក់បឋមសិក្សា។ នៅពេលដែលគេសួរសំណួរថា តើហេតុអ្វីបានជាកូនសិស្សចាំបាច់ត្រូវបង់ប្រាក់ជូនលោកគ្រូអ្នកគ្រូជារៀងរាល់ថ្ងៃនោះ? គ្មាននណាអាចឆ្លើយបានទេពីព្រោះទង្វើនេះវាបានក្លាយទៅជាទម្លាប់ទៅហើយ។
ចំពោះនៅមធ្យមសិក្សាវិញ មិនមានករណីបង់ប្រាក់ផ្ទាល់អោយលោកគ្រូអ្នកគ្រូនោះទេ ប៉ុន្តែការបង់ប្រាក់ត្រូវបានគេធ្វើឡើងក្រោមរូបភាពរៀនគួរ។ ការរៀនគួរនេះមិនមានអ្នកណាបង្ខំទេប៉ុន្តែប្រសិនបើសិស្សណាម្នាក់មិនរៀនគួរ សិស្សនោះ ពិតជាមិនសូវទទួលបានពិន្ទុល្អឡើយ។ ដោយសារតែមានភាពស្មុគស្មាញនៅតាមសាលារដ្ឋនេះហើយ ទើបចំនួនអាណាព្យាបាលកាន់តែច្រើនឡើង ពីមួយឆ្នាំទៅមួយឆ្នាំ នាំគ្នាផ្ទេរកូនចៅចេញពីសាលារដ្ឋចូលសាលាឯកជនវិញ។
លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ ព្រមានទុកជាមុននៅថ្ងៃអាទិត្យនេះថា ប្រសិនបើសាលារដ្ឋមិនធ្វើការកែទម្រង់ទេ សាលារដ្ឋនឹងជួបវិបត្តិនៅក្នុងរយៈពេល៥ឆ្នាំទៀត។ វិបត្តិនៅសាលារដ្ឋគឺវិបត្តិមានតែគ្រូប៉ុន្តែមិនមានកូនសិស្សរៀន។ ទស្សនៈនេះត្រូវបានច្រានចោលដោយអ្នកជំនាញអប់រំខ្លះ។ អ្នកជំនាញនិយាយថា សាលារដ្ឋនៅតែមានសិស្សដដែលប៉ុន្តែគ្រាន់ថា សិស្សក្រីក្ររៀននៅសាលារដ្ឋរីឯសិស្សមានធនធានរៀននៅសាលាឯកជន។ មិនមែនមានតែកូនសិស្សទេដែលរត់ចេញពីសាលារដ្ឋទៅកាន់សាលាឯកជននោះ តាមពិត សូម្បីតែលោកគ្រូអ្នកគ្រូមួយចំនួនក៏រត់ចូលសាលាឯកជនដែរ ពីព្រោះប្រាក់ខែនៅក្នុងសាលាឯកជនអាចអនុញ្ញាតអោយពួកគេអាចរស់បាន៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (8)
school
សាលារដ្ឋនិងឯកជនល្អមិនល្អ ខ្ញុំគិតថាសំខាន់នៅត្រង់គោលនយោបាយសិក្សា រដ្ឋគួរតែពិនិត្យ
។ខែ្មរយើងសិស្សរៀនតិចណាស់១២ឆ្នាំចប់មធ្យមសិក្សា សិស្សយើងធ្វើអី្វកើត បើប្រឿបប្រទេស
អភិ.ខ្លះគេរៀនត្រឹម៩ឆ្នាំ។មហាវិទ្យាល័យ៖អនុបរិ.២,បរិ.៤,មានជំនាញពិតប្រាកដដែរអត់។ACCមានកម្មវិធីល្អ គនឹ្លះគឺសាលាទាំងនោះមិនធ្វើតាម។កូនអ្នកមាននិងអ្នកក្រ បញ្ហានេះនឹងមានវិបតិ្តអនាគត។
សូមគាំទ្រទស្សនទីំមួយ
នៅស្រុកគេមិនដឹង តែបើថាស្រុកខ្មែរយើងគឺអញ្ជឹងមែន សាលាឯកជនច្បាស់យកចិត្ដសិស្សនិងអាណាព្យាបាលហើយ ដើម្បីរស់។ សិស្សពួកែគឺចេញការប្រកូដប្រជែងក្នុងសាលារដ្ឋ ហើយមិនគាំទ្រ ទម្លាប់ដុះស្លែរបស់លោកគ្រួអ្នកគ្រួដែលតែងតែទាលុយប្រចាំថ្ងៃនោះដែរ។
សិស្សសាលាឯកជនពូកែជាងសិស្សសាលារដ្ឋចារឿងមិនពិត។
ពាក្យថាសាលាឯកជនមានគុណភាពជាងសាលារដ្ឋ ជារឿងមិនពិតទេ ពិព្រោះសាលាឯកជនជាសាលាដែមានលក្ខណៈពាណិជ្ជកម្ម។ គ្រូតែងតែផ្តល់ពិន្ទុល្អៗដល់សិស្សដើម្បីយកចិត្តសិស្ស និងផ្កាប់ចិត្តឪពុក ម្តាយសិស្សថាកូនខ្លួនរៀនពូកែ។ សូមអ្នកជំនាញតាមដានបន្តទៀតមុននឹងសន្និដ្ឋាន។
ខ្មែរ
តែទោះបីជាយ៉ាងណាក៍ល្អដែរព្រោះគេតាមដានសិស្សពេលមិនចូលសាលាគេcallទៅប្រាប់ឪពុកម្តាយបើសាលារដ្ឋវិញទាល់តែឈប់គ្រប់ចំនួនប៉ុន្មានដងទើបសរសេរលិខិតហៅឪពុកម្តាយមកសាកសួរ។ ជួនពេលខ្លះលិខិតហៅឪពុកម្តាយត្រូវកូនហែកចោលទៀត លោក យិន ប៊ុនហុងបើលោកមានកូនរៀននៅសាលារដ្ឋសូមលោកពិនិត្យទឿងវិញជុំវិញបញ្ហានេះ។ សូមអរគុណ!!
កែតម្រូវ
សូមជួយកែតម្រូវដូចតទៅ មូលហេតុគឺដោយសារសាលារៀនឯកជនមានគុណភាពល្អនិងមានវិន័យល្អជាងសាលារដ្ឋ វិញ។
Please also provide any ideas on how to improve the public school in Cambodia. Thanks..
សិស្សក្រិក្ររៀនសាលារដ្ឋ សិស្សមានធនធានរៀនសាលាឯកជន!
"អ្នកជំនាញនិយាយថា សាលារដ្ឋនៅតែមានសិស្សដដែលប៉ុន្តែគ្រាន់ថា សិស្សក្រីក្ររៀននៅសាលារដ្ឋរីឯសិស្សមានធនធានរៀននៅសាលាឯកជន"៖ តើត្រង់ឃ្លានេះចង់និយាយថាម៉េច?អ្នកជំនាញអប់រំមក ពីប្រភពណា?តើនេះមិនជាបញ្ហាទេរឺយ៉ាងម៉េច?បើអញ្ចឹងមែនវានឹងមានបញ្ហាអ្វីកើតឡើង?
Private School Better Quality
Private School Better Quality Than Private School?
ក្នុងកឋាខណ្ឌដំបូងខាងលើ
ក្នុងកឋាខណ្ឌដំបូងខាងលើ គួរតែសរសេរថា សាលាឯកជនមានគុណភាពល្អនិងវិន័យល្អជាងសាលារដ្ឋ
ប្រតិកម្មជុំវិញអត្ថបទនេះ