កម្ពុជា -

អត្ថបទចុះផ្សាយនៅថ្ងៃ ចន្ទ 22 តុលា 2012 - ព័ត៌មានទើបកែប្រើលើកចុងក្រោយ ថ្ងៃ ចន្ទ 22 តុលា 2012

ប៉ូលិសចាប់ស្ត្រីចិនម្នាក់បញ្ជូនទៅតុលាការពីបទហែកព្រះឆាយាល័ក្ខណ៍សម្តេចឪ

ព្រះឆាយាលក្ខណ៍របស់សម្តេចឪ ត្រូវបានគេឃើញនៅស្ទើរតែគ្រប់កន្លែង ក្នុងអំឡុងពេលប្រជាជនកម្ពុជាកំពុងកាន់ទុក្ខចំពោះការយាងចូលទិវង្គតរបស់ព្រះអង្គ

REUTERS/Samrang Pring

ដោយ លី ម៉េងហួរ

ស្រ្តីជនជាតិចិន ដែលជាអ្នកគ្រប់គ្រងរោងចក្រកាត់ដេរ ឈ្មោះ TOP WORLD ស្ថិតនៅសង្កាត់ក្បាលកោះ ខណ្ឌមានជ័យ រាជធានីភ្នំពេញ ត្រូវបានប៉ូលិសចាប់ខ្លួនពីបទថា ស្ត្រីចិននោះបានហែកព្រះឆាយាលក្ខ័ណ៍ព្រះមហាវីរក្សត្រ សម្តេចឪ នរោត្តម សីហនុ កាលពីព្រឹកថ្ងៃទី២២ ខែតុលា ឆ្នាំ២០១២។

ស្ត្រីចិននោះបានផ្ទុះកំហឹង ខណៈដែលក្រុមកម្មករបានកាន់រូបថតសម្តេចព្រះមហាវីរក្សត្រចូលទៅក្នុងរោងចក្រ ហើយមើលរូបនោះ។ មកដល់ព្រលប់ថ្ងៃចន្ទ ទី២២ ខែតុលានេះ ប៉ូលិសក្រុងភ្នំពេញបានបញ្ជូនស្ត្រីជនជាតិចិនជាប់ចោទ ទៅកាន់តុលាការ ដើម្បីសាកសួរ មុននឹងចោទប្រកាន់ជាផ្លូវការ។ នេះបើតាមការបញ្ជាក់របស់លោកឧត្តមសេនីយ៍ឯក ជួន សុវណ្ណ ស្នងការនគរបាលរាជធានីភ្នំពេញ ដែលទើបឡើងកាន់តំណែង៕