Delicious
Digg
Facebook
Twitter
Yahoo!
Technorati
ចិន-ជប៉ុន -
អត្ថបទចុះផ្សាយនៅថ្ងៃ ចន្ទ 15 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ ចន្ទ 15 តុលា 2012
ចិន-ជប៉ុនចូលរូមមរណៈទុក្ខចំពោះការសោយទិវង្គតរបស់អតីតព្រះមហាក្សត្រខ្មែរ
អនុប្រធានាធិបតីចិន លោក ស៊ីជិនពីងXi Jinping ចាប់ដៃសម្តេចព្រះអគ្គមហេសីមូនិក(Monique)នៅទីក្រុងប៉េកាំងបញ្ជាក់ពីការស្លុតរន្ធត់ចិត្តចំពោះការសោយទិវង្គតរបស់សម្តេចឪ
REUTERS/Xinhua/Lan Hongguang
លោកស៊ីជីនពីង(xi Jinping) អនុប្រធានាធិបតីចិន បានសម្តែងសេចក្តីសោកសៅជាទីបំផុតចំពោះការសោយទិវង្គតរបស់អតីតព្រះមហាក្សត្រខ្មែរនរោត្តមសីហនុ(Norodom Sihanouk) ដែលបានសោយទីវង្គតនៅទីក្រុងប៉េកាំងក្នុងថ្ងៃចន្ទទី១៥តុលា២០១២នេះ។ អនុប្រធានាធិបតីចិន បានសំដែងគារវកិច្ចដ៏ជ្រៀលជ្រៅចំពោះវិញ្ញាខន្ធរបស់អតីតមហាក្សត្រខ្មែរដែលលោកថ្លែងថា ជាមិត្តដ៏ចំណាស់របស់ប្រជាជនចិន-នេះជាសេចក្តីថ្លែងរបស់ក្រសួងការបទេសចិន-នេះជាសេចក្តីថ្លែងរបស់ក្រសួងការបរទេសចិន។ ចំណែកប្រទេសជប៉ុនវិញ ក៏បានចូលសោយទីវង្គត ចំពោះការសោយទិង្គតរបស់អតីតព្រះមហាក្សត្រខ្មែរដែលជប៉ុនបានថ្លែងថា ជាមិត្តដ៏សំខាន់ម្នាក់របស់ប្រទេសជប៉ុននិងក៏ជាឥស្សរជនដ៏សកម្មបំផុតក្នុងការសម្រេចបាននូវសន្តិភាពនៅក្នុងប្រទេសកម្ពុជា។
“ខ្ញុំមានការស្លុតរន្ធត់ចិត្តជាអតិបរមា ក្រោយពីបានដឹងពត៌មានអំពីការសោយទីវង្គតរបស់ព្រះករុណាព្រះបាទ សម្តេចនរោត្តមសីហនុដោយជរាពាធនៅក្នុងទីក្រុងប៉េកាំងនៅព្រឹកមិញ”- លោកអនុប្រធានាធិបតីចិន បានថ្លែងបញ្ជាក់បែបនេះ ជូនចំពោះសម្តេចព្រះអគ្គមហេសី មូនីក(Monique)នៅទីក្រុងប៉េកាំង-« នេះបើយោងតាមសេចក្តីថ្លែងការណ៍មួយដែលចុះផ្សាយនៅលើ ទំព័រវិបសៃនៃក្រសួងការបរទេសចិន។
« យើងទាំងអស់គ្នា-មានការស្លុតរន្ធត់ចិត្តនិងកើតទុក្ខយ៉ាងខ្លាំង» នេះជាការថ្លែងរបស់លោក Xi Jingping ដោយបានបន្ថែមទៀតថា " យើង សូមចូលរួមមរណៈទុក្ខយ៉ាងជ្រៀលជ្រៅ និងសាម្គីភាពដោយស្មោះសរជាមួយប្រជាជនកម្ពុជា ក្នុងនាម ឲ្យរដ្ឋាភិបាលនិងប្រជាជនចិន។
លោក Xi ដែល ឈរនៅពីមុខរូបថតរបស់អតីតមហាក្សត្រខ្មែរ បានថ្លែងស្ងើចសរសើរ សម្តេចនរោត្តមសីហនុ ថាជាមិត្តចាស់យូរអង្វែងរបស់ប្រជាពលរដ្ឋចិន និងដែលបានរួមវិភាគទានដ៏ធំធេង មិនអាចសាបសូន្យ នៅក្នុងការពង្រីកទំនាក់ទំនងមិត្តភាពរវាងប្រទេសចិននិងកម្ពុជា »។
ដោយឡែកក្រុមឥស្សរជននយោបាយចិនដ៏សំខាន់ៗផ្សេងទៀត ក្នុងចំណោមនោះ ក៏មាន រដ្ឋមន្ត្រីក្រសួងការបរទេសចិន លោក Yang Jiechi នឹង ទីប្រឹក្សារដ្ឋលោក Dai Bingguo មន្ត្រីជាន់ខ្ពស់ទទួលបន្ទុកកិច្ចការបរទេសដែលបានសំដែងការចូលរួមមណៈទុក្ខនេះដែរ ដោយ ហៅសម្តេចសីហនុថាជា “មហាមិត្តរបស់ប្រទេសចិន”។
ចំណែកប្រទេសជប៉ុនវិញ ក៏បានចាត់សម្តេចសីហនុជាមិត្តដ៏សំខាន់ម្នាក់របស់ខ្លួនដែរ ។ លោក Osamu Fujimura អគ្គលេខាធិការនៃគណៈរដ្ឋមន្ត្រី ជប៉ុននៅក្នុងសន្និសីទសារព័ត៌មានដ៏ខ្លីមួយ បានថ្លែងថា”ក្នុងនាមឲ្យប្រទេសជប៉ុន ពលរដ្ឋនិងរដ្ឋាភិបាលជប៉ុន “ខ្ញុំសូមចូលរួមមរណៈទុក្ខដោយស្មោះអស់ពីដួងចិត្ត ជាមួយក្រុមគ្រួសារសមាជិកទាំងអស់នៃអតីតព្រះមហាក្សត្រនរោត្តមសីហនុដើម្បីជួយរំលែកសេចក្តីទុក្ខព្រួយនេះ”។
អគ្គលេខាធិការនៃគណៈរដ្ឋមន្ត្រី ជប៉ុន--បានសង្កត់ពាក្យទៀតថា”បើសិនជាពុំមានវត្តមាន របស់សម្តេចនរោត្តមសីហនុទេ -នោះ អភិក្រមសន្តិភាពនៅកម្ពុជាក៏ពុំអាចសម្រេចទៅបានដែរ”។ សូមបញ្ជាក់ថា ប្រទេសជប៉ុន គឺជាម្ចាស់ផ្តល់ជំនួយដ៏យូរយារនៅក្នុងផ្នែកអភិវឌ្ឍន៍កម្ពុជា៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ