ហាវ មុនីរ័ត្ន៖ នាវាយុវជនអាស៊ាន-ជប៉ុនជួយចម្លងយុវជនកម្ពុជាឆ្ពោះទៅភាពជាអ្នកដឹកនាំ
ចុះផ្សាយនៅថ្ងៃ៖
ស្តាប់ - ០៩:៣៣
ភ្ញៀវប្រចាំថ្ងៃរបស់វិទ្យុយើង នៅរាត្រីនេះ គឺអ្នកនាង ហាវ មុនីរ័ត្ន អគ្គលេខាធិការសមាគមនាវាយុវជនអាស៊ីអាគ្នេយ៍កម្ពុជា។ឆ្លើយតបនឹងសំណួរបស់វិទ្យុបារាំងអន្តរជាតិ RFI អ្នកនាង ហាវ មុនីរ័ត្ន បានបញ្ជាក់ថា ក្រុមនាវាយុវជនអាស៊ីអាគ្នេយ៍បូកនឹងប្រទេសជប៉ុនចំនួន៣០០នាក់ កំពុងស្នាក់នៅក្នុងប្រទេសកម្ពុជារយៈពេល៥ថ្ងៃ ពួកគេបានជួបជាមួយនឹងមន្ត្រីជាន់ខ្ពស់រដ្ឋាភិបាលកម្ពុជា និងបានជួបជាមួយលោកនាយរដ្ឋមន្ត្រី ហ៊ុន សែន ផងដែរ។ ក្រៅពីនេះ យុវជនមកពីប្រទេសទាំង១១នេះ ក៍បានរស់នៅ និងដកស្រង់បទពិសោធន៍ពីប្រជាជនកម្ពុជា ក្នុងអំឡុងពេលស្នាក់នៅកម្ពុជានេះ។ ប៉ុន្តែអ្វីដែលសំខាន់ជាងនេះ យុវជនដែលបានឆ្លងកាត់កម្មវិធីនេះហើយ ពួកគេនឹងក្លាយទៅជាធនធានមនុស្សដ៍សំខាន់ ដើម្បីឆ្ពោះទៅកាន់ភាពជាអ្នកដឹកនាំ។