Delicious
Digg
Facebook
Twitter
Yahoo!
Technorati
ព្រហស្បតិ៍ 26 សីហា 2010
នីតិវិធីក្នុងការសុំអត្តសញ្ញាណប័ណ្ណសញ្ជាតិខ្មែរ
នៅក្នុងនាទីយល់ដឹងអំពីច្បាប់ នៅថ្ងៃព្រហស្បតិ៍នេះ សេង ឌីណា នឹងពន្យល់អំពីនីតិវិធីនៃការសុំអត្តសញ្ញាណប័ណ្ណសញ្ជាតិខ្មែរ ដោយមានអន្តរាគមន៍ពីសំណាក់មន្រ្តីការិយាល័យអត្តសញ្ញាណប័ណ្ណ ក្រុងភ្នំពេញ។
អត្តសញ្ញាណប័ណ្ណ គឺជាលិខិតសម្គាល់ថាជាពលរដ្ឋខ្មែរ ហើយមានប្រយោជន៍ សម្រាប់ការប្រើប្រាស់ ក្នុងការបំពេញបែបបទផ្សេងៗទៅតាមការកំណត់នៃច្បាប់ ដូចជា៖ ចុះឈ្មោះបោះឆ្នោត ឈរឈ្មោះបោះឆ្នោត សុំរៀបអាពាហ៍ពិពាហ៍ សុំធ្វើសំបុត្រកំណើតកូន សុំធ្វើការងារ សុំប្រកបអាជីវកម្ម សុំធ្វើលិខិតឆ្លងដែន សុំធ្វើម្ចាស់កម្មសិទ្ធិលើអចលនទ្រព្យ ។ល។ និង ។ល។
យោងតាមប្រកាសរបស់ក្រសួងមហាផ្ទៃ ចុះខែកក្កដា ២០០៧ ប្រជាពលរដ្ឋដែលអាចធ្វើអត្តសញ្ញាណប័ណ្ណបាន ត្រូវមានអាយុ ចាប់ពី១៥ឆ្នាំឡើងទៅ ហើយអត្តសញ្ញាណប័ណ្ណសញ្ជាតិខ្មែរមានសុពលភាពរយៈពេល ១០ឆ្នាំ។ នៅពេលផុតសុពលភាព សាម៉ីខ្លួនត្រូវស្នើសុំធ្វើសាជាថ្មីឡើងវិញ។
ប្រកាសរបស់ក្រសួងមហាផ្ទៃ បានសម្រេចបង្កើតនីតិវិធីពិសេសមួយ ក្នុងការរៀបចំចេញអត្តសញ្ញាណប័ណ្ណសញ្ជាតិខ្មែរដល់ប្រជាពលរដ្ឋទូទៅ នៅទូទាំងប្រទេស។ ការចេញអត្តសញ្ញាណប័ណ្ណតាមនីតិវិធីពិសេសនេះ គឺធ្វើឡើងតាមគំនិតផ្តួចផ្តើមរបស់មន្រ្តីមានសមត្ថកិច្ច ហើយធ្វើឡើងដល់ប្រជាពលរដ្ឋជាក្រុមៗ តាមរយៈស្ថានីយ៍ចល័ត នៅតាមឃុំ-សង្កាត់នីមួយៗ។
នៅក្នុងនីតិវិធីបែបនេះ ប្រជាពលរដ្ឋមិនចាំបាច់ដាក់ពាក្យសុំទៅអាជ្ញាធរនោះទេ។ គឺខាងអាជ្ញាធរទៅវិញទេ ដែលជាអ្នកចេញលិខិតអញ្ជើញឲ្យប្រជាពលរដ្ឋទៅកាន់ស្ថានីយ៍ចល័ត ដើម្បីរៀបចំសំណុំបែបបទធ្វើអត្តសញ្ញាណប័ណ្ណ។
ប្រជាពលរដ្ឋដែលមានឈ្មោះត្រូវទៅធ្វើអត្តសញ្ញាណប័ណ្ណ ត្រូវទៅកាន់កន្លែងធ្វើ ដោយផ្ទាល់ខ្លួន ដើម្បីបំពេញសំណុំបែបបទ ថតរូប និងផ្តិតស្នាមក្រយ៉ៅដៃ ហើយត្រូវនាំទៅជាមួយនូវឯកសារសំខាន់ៗមួយចំនួន ដែលបញ្ជាក់អំពីសញ្ជាតិខ្មែរ។ ឯកសារទាំងនោះរួមមាន៖ សំបុត្រកំណើត និងសៀវភៅស្នាក់នៅ (ក២) ឬសៀវភៅគ្រួសារ (ក៤)។
ក្នុងករណីពិសេសខ្លះ សាម៉ីអ្នកសុំអាចផ្តល់នូវឯកសារផ្សេង ដើម្បីបញ្ជាក់ពីសញ្ជាតិខ្មែរ ដូចជា៖
- សេចក្តីសម្រេចទទួលស្គាល់តាមផ្លូវច្បាប់នៃការធ្វើសញ្ជាតូបនីយកម្ម ឬការទាមទារសញ្ជាតិ សម្រាប់ជនបរទេស ដែលបានចូលសញ្ជាតិខ្មែរ។
- សាលក្រមតុលាការ ឬឯកសារផ្លូវការផ្សេងទៀត ដែលអាចបញ្ជាក់ថា សាម៉ីជនពិតជាកើតពីឱពុក ឬម្តាយដែលមានសញ្ជាតិខ្មែរមែន ជាពិសេស សម្រាប់អ្នកដែលកើតនៅបរទេស ប៉ុន្តែ មានឱពុក ឬម្តាយ ជាសញ្ជាតិខ្មែរ។
យោងតាមប្រកាសរបស់ក្រសួងមហាផ្ទៃ អភិបាលខេត្ត-ក្រុងមានភារកិច្ចទទួលខុសត្រូវលើដំណើរការផលិតអត្តសញ្ញាណប័ណ្ណឲ្យបានទាន់ពេលវេលា ក្នុងរយៈពេល ៣០ថ្ងៃ គិតចាប់ពីថ្ងៃបំពេញបែបបទ រហូតដល់ថ្ងៃចែកជូនប្រជាពលរដ្ឋប្រើប្រាស់។
រហូតមកទល់ពេលនេះ ការធ្វើអត្តសញ្ញាណប័ណ្ណជាក្រុម នៅតែបន្តធ្វើវិលជុំ ពីឃុំ-សង្កាត់មួយ ទៅឃុំ-សង្កាត់មួយ ហើយធ្វើឡើងដោយឥតគិតថ្លៃ។ ប្រសិនបើការធ្វើអត្តសញ្ញាណប័ណ្ណជាក្រុម ត្រូវបានគេធ្វើហួសទៅសង្កាត់ផ្សេងទៅហើយ អ្នកដែលចង់បានអត្តសញ្ញាណប័ណ្ណអាចធ្វើការស្នើសុំដាច់ដោយឡែកតែឯងបាន។
គួរបញ្ជាក់បន្ថែមថា ដើម្បីសុំអត្តសញ្ញាណប័ណ្ណបាន គេត្រូវមានសំបុត្រកំណើតជាមុន។ ដូច្នេះ សម្រាប់អ្នកដែលកើតមុនពេល ឬក្នុងពេលស្រុកមានសង្រ្គាម ហើយមិនបានចុះសំបុត្រកំណើត ឬក៏បានចុះដែរ ក៏ប៉ុន្តែ សំបុត្រកំណើតត្រូវបាត់បង់អស់ អ្នកទាំងនោះត្រូវទៅសុំសំបុត្របញ្ជាក់កំណើតជាមុនសិន មុននឹងទៅសុំធ្វើអត្តសញ្ញាណប័ណ្ណ។
ការសុំសំបុត្របញ្ជាក់កំណើតត្រូវធ្វើនៅសាលាឃុំ-សង្កាត់ ដែលសាម៉ីអ្នកសុំមានទីលំនៅជាប់លាប់បច្ចុប្បន្ន។ អ្នកសុំត្រូវមានសាក្សីចំនួន ២នាក់ ដែលជានីតិជន ហើយដែលបានស្គាល់ច្បាស់ពីប្រវត្តិរបស់អ្នកសុំ និងធ្លាប់រស់នៅក្នុងភូមិ ឃុំ ឬសង្កាត់ជាមួយ ពីពេលដែលសាម៉ីខ្លួនកើត៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (5)
ការធ្វើអត្តសញ្ញាណប័ណ្ណរបស់ប្រជាពលរដ្ឋ
្្ជជុំវិញការធ្វើអត្តសញ្ញាណប័ណ្ណនៅតាមភូមិ ឃុំ ខ្ញុំបាទសង្កេតឃើញថាវាជាការល្អប្រសើរណាស់ ក៏ប៉ុន្តែ ភ្នាក់ងារមានសមត្ថកិច្ចគួរតែអនុវត្ត ការងារនេះអោយមានប្រសិទ្ធភាពបន្តិចផង ពីព្រោះការធ្វើអត្តសញ្ញាណប័ណ្ណមានលក្ខណៈ ជាប្រព័ន្ធបែបនេះ គឺមានការយឺតយ៉ាវខ្លាំងណាស់ ក្នុងការផ្តល់អត្តសញ្ញាណប័ណ្ណដល់ប្រជាពលរដ្ឋ ជូនកាលរយៈពេល ១ ឆ្នាំ ឬ ២ ឆ្នាំ ឬ យូរជាងនេះទៅទៀត ប្រជាពលរដ្ឋពុំបានទទួល អត្តសញ្ញាណប័ណ្ណរបស់ពួកគាត់នោះឡើយ ។ តែប្រសិនបើពួកគាត់ចង់ស្រាវជ្រាវរកអត្តសញ្ញាណប័ណ្ណដែលពួកគាត់បានធ្វើ គឺត្រូវទៅទំនាក់ទំនងនៅឯការិយាល័យអត្តសញ្ញាណប័ណ្ណជូនកាលរកឃើញ ហើយជូនកាលរកពុំឃើញ តែបើរកឃើញវិញ គឺត្រូវអស់ម្នាក់ៗ ១០ ដុល្លា ឬ ច្រើនជាងនេះទៀតផង ខ្ញុំពុំបានដឹងថាតើនេះជានីតិវិធីនៃសេវាសាធារណៈ របស់ពួកគាត់(មន្ត្រីមានសមត្ថកិច្ចជំនាញ)នោះទេ ពីព្រោះខ្ញុំពុំបានដឹងពីការលំបាក ការខ្វះខាតរបស់ពួកគាត់ ស្រេចតែឯកឧត្តម លោកជំទាវ លោក លោកស្រី ជួយពិចារណាទៅចុះ ។ តែពួកគាត់គួរតែមានវិធានការណ៍គ្រប់គ្រងសេវានេះអោយបានល្អ ធ្វើការចែកចាយដល់ប្រជាពលរដ្ឋអោយបានរហ័ស កុំទុកតម្កល់ដើម្បីលាភសក្ការៈ ត្រូវគិតដល់ប្រជាពលរដ្ឋយើងផង ជួយសំរួលដល់ពួកគាត់ផង បើពួកគាត់បានដឹងដូចខ្ញុំវាមិនសូវលំបាកទេ តែបើគាត់មិនដឹងវិញនោះ គឺ មិនដឹងធ្វើយ៉ាងណាអោយបានមកប្រើប្រាស់ទេ ។ ដូចជាខ្លឹមសារនៃកម្មវត្ថុបានលើកឡើងថា អត្តសញ្ញណប័ណ្ណ គឺមានសារៈសំខាន់ណាស់ចំពោះប្រជាពលរដ្ឋទាំងអស់ ក្នុងការរស់នៅ ។ ខ្ញុំមានយោបល់មួយ ដើម្បីគ្រប់គ្រងការធ្វើអត្តសញ្ញាណប័ណ្ណអោយមានប្រសិទ្ធភាព គឺ ៖
១. ប្រជាពលរដ្ឋទាំងអស់ ដែលមានអាយុចាប់ពី ១៨ ឆ្នាំទាំងអស់ត្រូវតែទៅធ្វើអត្តសញ្ញាណប័ណ្ណកុំបីខាន (មិនធ្វើ មិនបាន ត្រូវផាកពិន័យ)។
២. ប្រជាពលរដ្ឋទាំងអស់ត្រូវបានទទួលអត្តសញ្ញាណប័ណ្ណនោះមកប្រើប្រាស់ ក្នុងកំឡុងពេលយ៉ាងយូរ រយៈពេល ១ ខែ ។
៣. បើមានការបាត់បង់ ត្រូវផ្តល់ភាពងាយស្រួលក្នុងការសហការចំពោះពួកគាត់ ។
៤. ចំពោះតម្លៃសេវាសាធារណៈដែលជាទម្លាប់ខុសពីច្បាប់ ពុំគួរយកពីប្រជាពលរដ្ឋច្រើនពេកទេ ។
៥....។ល។
សូមអស់លោកជួយគិតវិភាគរឿងមួយតាមឧទាហរណ៍ ល៏មើល ៖
មានអំពើឃាតកម្មមួយកើតឡើង ែដលជនល្មើសបានទុកនូវស្នាមម្រាមដៃទាំងអស់ជាភស្តុតាង តាមស្នាមមេដៃទាំងអស់បញ្ជាក់ថាជនល្មើសជាមនុស្សអាយុលើសពី ២០ ឆ្នាំ ។ នៅកន្លែងកើតហេតុពុំបានបន្សល់ទុកនូវភស្តុតាងណាផ្សេង ឬ សាក្សីទេ ។
តើមានវិធានការយ៉ាងណាដើម្បីកំណត់អត្តសញ្ញាណរបស់ជនល្មើស បើជនល្មើសមិនមាននៅក្នុងបញ្ជីគ្រប់គ្រងអត្តសញ្ញាណប័ណ្ណទេនោះ។
សូមអគុណដែលបានអានមតិនេះ សូមអស់យោបល់ ។
ខ្ញុំបាទឈ្មោះ ទ្រី សោភណ្ឌ័
ខ្ញុំបាទឈ្មោះ ទ្រី សោភណ្ឌ័ ជានិស្សិតនៃសាកលវិទ្យាមួយនៅក្នុងរាជធានីភ្នំពេញ
ដែលទីលំនៅខេត្តកំពង់ចាម
ស្រុកក្រូចឆ្មា
ឃុំ រការខ្នុរ
ខ្ញុំបាទ បានធើ្វអត្តសញ្ញាណបណ័ កាលពីឆ្នាំ ២០១០ មកដល់ឥឡូវ ប្រហែលជា ជិតមួយឆ្នាំហើយ នៅតែមិនបានទទួលទៀត។ ហើយក៏មិនមែនមានតែខ្ញុំមួយនាក់នោះទេ គឺមាន បងប្អូន ញាតិមិត្ត ជិតខាងជាច្រើនទៀត។
ដូចដែលលោកអ្នកបានជ្រាបតាមអត្តន័យក្នុងខ្លឹមសារខាងលើ។
ដូច្នោះ សូមលោកអ្នកជួយវិភាគមើលទៅតាមការគួរ។
រាល់ការស្នើសុំអត្តសញ្ញាណប័ណ្ណ
រាល់ការស្នើសុំអត្តសញ្ញាណប័ណ្ណសញ្ជាតិខ្មែរ អជ្ញាធរតែងតែទារប្រាក់ចំនួន៥០ដុល្លា។ តើនេះជាការត្រឹមត្រូវតាមច្បាប់ឬទេ?
ខ្ញុំសង្កេតឃើញថា
ខ្ញុំសង្កេតឃើញថា ច្បាប់ទាំងឡាយនៅប្រទេសខ្មែរ មានប្រសិទ្ធិភាពណាស់តែចំពោះប្រជាជនធម្មតាបុណ្ណោះ
តែបើចំពោះអ្នកមានអំណាច និង អ្នកមានឥទ្ធិពលវិញ!!!!!!!!?
មន្រ្តីរាជការ មួយចំនួន កាន់ច្បាប់ តែឃើញខុសច្បាប់ ធ្វើមិនដឹងមិនឮ ព្រោះលុយបិទមាត់ និងខ្លាចអត់កៅអីអង្គុយ
lateness of issue the Id card for cambodian
I'm one of the cambodia who did the Id card since last June at Boeng
kang keng District office....!!Up to now i still not yet recevie the
Id card..!!What ashamed for the authority???Sometime the place that i attended ask me for Id card....!!!It bad habit of cambodian or it is the lateness due to the Technician problem???
ប្រតិកម្មជុំវិញអត្ថបទនេះ