ប្រវត្តិជាប់ពន្ធនាគារ ធ្វើឲ្យកម្មករមួយក្រុម ប្រឈមមុខនឹងភាពអត់ការងារធ្វើ
ចុះផ្សាយនៅថ្ងៃ៖
ស្តាប់ - ០៧:៥០
ប្រមាណ៥ខែមកហើយ ដែលកម្មកររោងចក្រ និងសកម្មជនដីធ្លីទាំង ២៣នាក់ ត្រូវបានតុលាការដោះលែងឲ្យមានសេរីភាពឡើងវិញ ពាក់ព័ន្ធនឹងសំណុំរឿងបាតុកម្ម នៅផ្លូវវេងស្រេង កាលពីដើមឆ្នាំ ២០១៤កន្លងទៅ។ កាលពីព្រឹកមិញ ពួកគេបានជួបជុំគ្នា នៅផ្ទះលោកចាន់ ពុទ្ធិស័ក សកម្មជនការពារដីធ្លីមួយរូប ដែលជាមិត្តរួមពន្ធនាគារតែមួយ មុនទៅកាន់អង្គការសហប្រជាជាតិប្រចាំនៅកម្ពុជា តាមការអញ្ជើញ ដើម្បីទទួលបានការអប់រំផ្លូវចិត្ត។ ក្រុមកម្មករទាំងនេះ បានត្អូញត្អែរថា ពួកគេកំពុងប្រឈមមុខនឹងភាពអត់ការងារធ្វើយ៉ាងខ្លាំង ដោយសារតែមានប្រវត្តិជាប់ពាក់ព័ន្ធនឹងការធ្វើបាតុកម្ម រហូតឈានដល់ការជាប់ពន្ធនាគារ។