រដ្ឋសភានឹងបោះឆ្នោតជ្រើសតាំងក្បាលម៉ាស៊ីនដឹកនាំថ្មី ខណៈលោក កឹម សុខា នឹងក្លាយជាអនុប្រធានទី១នៃរដ្ឋសភា
រដ្ឋសភាជាតិកម្ពុជាគ្រោងនឹងបើកសម័យប្រជុំវិសាមញ្ញ នៅថ្ងៃអង្គារសប្តាហ៍ក្រោយនេះ ដើម្បីបោះឆ្នោតជ្រើសតាំងក្បាលម៉ាស៊ីនដឹកនាំថ្មីរបស់រដ្ឋសភា។ គេរំពឹងថា សមាជិករដ្ឋសភាទាំងអស់នឹងបោះឆ្នោតគាំទ្របេក្ខភាព លោក កឹម សុខា ជាអនុប្រធានទី១នៃរដ្ឋសភា និងលោក ងួន ញ៉ិល ជាអនុប្រធានទី២។ ចំណែកឯលោក សម រង្ស៊ី មិនមានឈ្មោះនៅក្នុងសមាសភាពដឹកនាំរដ្ឋសភានេះទេ។
ចុះផ្សាយនៅថ្ងៃ៖
ស្តាប់ - ០២:២៤
គណៈកម្មាធិការអចិន្ត្រៃយ៍រដ្ឋសភា កាលពីរសៀលថ្ងៃទី២២សីហា បានកំណត់យកថ្ងៃអង្គារទី២៦សីហា ដើម្បីបើកកិច្ចប្រជុំបោះឆ្នោតជ្រើសតាំងក្បាលម៉ាស៊ីនដឹកនាំថ្មីរដ្ឋសភា។ ជាការបោះឆ្នោតរុះរើក្បាលម៉ាស៊ីនដឹកនាំរដ្ឋសភា ទៅតាមសំណើររបស់គណបក្សប្រជាជនកម្ពុជា និងគណបក្សសង្គ្រោះជាតិ។ នេះបើតាមសេចក្តីប្រកាសរបស់អគ្គលេខាធិការដ្ឋានរដ្ឋសភាកាលពីល្ងាចថ្ងៃសុក្រ។ តាមសេចក្តីប្រកាសដដែល មានរបៀបវារៈសំខាន់បីដែលត្រូវដាក់អោយរដ្ឋសភាអនុម័ត ក្នុងនោះរួមមាន៖
ទី១-ការបោះឆ្នោតជ្រើសតាំងលោក ងួន ញ៉ិល ជាអនុប្រធានទី២ នៃរដ្ឋសភា
ទី២-ការបោះឆ្នោតជ្រើសតាំងលោក កឹម សុខា ជាអនុប្រធានទី១ នៃរដ្ឋសភា
និងទី៣ គឺការបោះឆ្នោតជ្រើសតាំង ជំនួសនិងបំពេញបន្ថែមសមាជិកគណៈកម្មការទាំង១០នៃរដ្ឋសភា។ ការបោះឆ្នោតនឹងធ្វើឡើងដោយលើកដៃ មួយដំណាក់កាលម្តង។ នេះបើតាមការបញ្ជាក់ពីលោក ឈាង វុន សមាជិកសភារបស់គណបក្សប្រជាជនកម្ពុជា។
សូមបញ្ជាក់ថា ការបោះឆ្នោតរៀបចំក្បាលម៉ាស៊ីនដឹកនាំថ្មីនៃរដ្ឋសភា ដោយដាក់បញ្ចូលអ្នកតំណាងរាស្ត្រមកពីគណបក្សសង្គ្រោះជាតិ គឺស្របតាមកិច្ចព្រមព្រៀងបញ្ចប់វិបត្តិនយោបាយ កាលពីថ្ងៃទី២២ ខែកក្កដា ឆ្នាំ២០១។ ជាកិច្ចព្រមព្រៀងដែលបានឯកភាពគ្នារវាងគណបក្សប្រជាជនកម្ពុជា និងគណបក្សសង្គ្រោះជាតិ ដោយបែងចែកតួនាទីដឹកនាំនៅក្នុងគណៈកម្មាធិការអចិន្ត្រៃយ៍រដ្ឋសភា និងការបង្កើតបន្ថែមនូវគណៈកម្មការជំនាញថ្មីមួយទៀត។
លោក យ៉ែម បុញ្ញឬទ្ធិ អ្នកនាំពាក្យគណបក្សសង្គ្រោះជាតិបានអោយដឹងថា ក្រៅពីការបោះឆ្នោតជ្រើសតាំងលោក កឹម សុខា ជាអនុប្រធានទី១រដ្ឋសភា គណបក្សសង្គ្រោះជាតិនៅមានសមាសភាពជាប្រធាន និងអនុប្រធាននៃគណៈកម្មការទាំង១០នៃរដ្ឋសភាផងដែរ ក្នុងនោះ លោក អេង ឆៃអ៊ាង នឹងក្លាយជាប្រធានគណៈកម្មការទី១, លោក ប៉ុល ហំម ជាប្រធានគណៈកម្មការទី៣, លោក យ៉ែម បុញ្ញឫទ្ធិ ជាប្រធានគណៈកម្មការទី៧, លោកស្រី មូរ សុខហួរ ជាប្រធានគណៈកម្មការទី៨, និងលោក យឹម សុវណ្ណ ជាប្រធានគណៈកម្មការទី១។
ចំណែកឯសមាសភាពអនុប្រធានគណៈកម្មការជំនាញវិញ រួមមាន លោក សុន ឆ័យ ជាអនុប្រធានគណៈកម្មការទី២, លោក ឡុង រី អនុប្រធានគណៈកម្មការទី៤, លោកស្រី ជូឡុង សូមួរ៉ា អនុប្រធានគណៈកម្មការទី៥, លោក អ៊ូ ច័ន្ទឫទ្ធិ ជាអនុប្រធានគណៈកម្មការទី៦ និងលោក ម៉ៅ មុនីវណ្ណ ជាអនុប្រធានគណៈកម្មការទី។ សំណួរសួថា តើហេតុអ្វីបានជាមិនឃើញមានឈ្មោះរបស់លោក សម រង្ស៊ី នៅក្នុងសមាសភាពដឹកនាំក្បាលម៉ាស៊ីនរដ្ឋសភាថ្មីនេះ?
នោះក៏ដោយសារតែលោក សម រង្ស៊ី គឺជាប្រធានគណបក្សដែលចាំបាច់ត្រូវគ្រប់គ្រងអ្នកតំណាងរាស្ត្រគណបក្សសង្គ្រោះជាតិទាំងមូល។ នេះបើតាមលោក បុញ្ញឬទ្ធិ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ