លោក សម រង្ស៊ី ចេញមុខពន្យល់អ្នកគាំទ្របន្ទាប់ពីរងការរិះគន់
មួយថ្ងៃក្រោយការសម្រេចកិច្ចព្រមព្រៀងជាមួយគណបក្សប្រជាជនកម្ពុជា កាលពីថ្ងៃទី២២កក្កដា ដើម្បីបញ្ចប់វិបត្តិនយោបាយក្រោយការបោះឆ្នោត លោក សម រង្ស៊ី បានចេញមុខបកស្រាយ និងពន្យល់ចំពោះអ្នកគាំទ្ររបស់ខ្លួនតាមបណ្តាញសង្គមហ្វេសប៊ុក។ ការចេញមុខពន្យល់នេះ បានធ្វើឡើងបន្ទាប់ពីក្រុមអ្នកលេងហ្វេសប៊ុកដែលគាំទ្រគណបក្ស សង្គ្រោះជាតិក៏ដូចជាអ្នកគាំទ្រផ្សេងទៀតដែរ បានបញ្ចេញប្រតិកម្មមិនសប្បាយចិត្តចំពោះការសម្រេចចិត្តចូលអង្គុយ ក្នុងសភារបស់គណបក្សសង្គ្រោះជាតិ។ លោក សម រង្ស៊ី អះអាងថា កិច្ចព្រមព្រៀងនេះ គឺដើម្បីបញ្ចប់វិបត្តិនយោបាយតានតឹងនៅកម្ពុជា។
ចុះផ្សាយនៅថ្ងៃ៖
ស្តាប់ - ០៤:៥៩
មេដឹកនាំបក្សប្រឆាំងបន្តថា ចំពោះកាលបរិច្ឆេទនៃការបោះឆ្នោត គេត្រូវរៀបចំ គ.ជ.ប ឲ្យបានត្រឹមត្រូវសិនទើបអាចបោះឆ្នោតបាន។ លោក សម រង្ស៊ី បន្តថា តាមរយៈបទពិសោធកន្លងទៅនេះ បាតុកម្មតែមួយមុខមិនគ្រប់គ្រាន់ទេ។ ជាទីបញ្ចប់ លោក សម រង្ស៊ី សន្យាថាការងាររបស់គណបក្សសង្គ្រោះជាតិនៅក្នុងសភានឹងមានប្រសិទ្ធភាព ហើយលោកសង្ឃឹមថា ប្រសិនបើមាន គ.ជ.ប ត្រឹមត្រូវ គណបក្សសង្គ្រោះជាតិនឹងឈ្នះឆ្នោតនៅក្នុងការបោះឆ្នោតសភាលើកក្រោយ៕ សូមអញ្ជើញស្តាប់ប្រសាសន៍លោក សម រង្ស៊ី៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ