លោក ជាម យៀប៖ «តំណាងរាស្ត្រគណបក្សសង្គ្រោះជាតិ មិនទទួលបានប្រាក់បៀវត្សខណៈពេលដែលខ្លួនមិនបានបំពេញភារកិច្ចនោះទេ»
ចុះផ្សាយនៅថ្ងៃ៖
ស្តាប់ - ០៦:១៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃពុធទី ២៣កក្កដានេះ គឺលោក ជាម យៀប ប្រធានគណៈកម្មការហិរញ្ញវត្ថុនិងធនាគាររដ្ឋសភា។ លោក ជាម យៀប បានលើកឡើងថា តំណាងរាស្ត្រគណបក្សសង្គ្រោះជាតិ ដែលមិនបានចូលអង្គុយក្នុងរដ្ឋសភា តាំងពីការបើកសម័យប្រជុំលើកទី១ ក្រោមអធិតីភាព របស់ព្រះមហាក្សត្រមក គឺមិនទទួលបានប្រាក់បៀវត្ស របស់ខ្លួននោះទេ។ ពោលគឺនឹងទទួលបានត្រឹមតំណាងរាស្ត្រទាំង ៥៥រូបចូលទៅស្បថ ក្នុងព្រះបរមរាជវាំង នៅថ្ងៃសុក្រទី ២៥កក្កដាតែប៉ុណ្ណោះ។ បើតាមលោកជាម យៀប លោក សម រង្ស៊ី ប្រធានគណបក្សសង្គ្រោះជាតិ ដែលមិនមែនជាបេក្ខជនតំណាងរាស្ត្រនោះ មិនអាចក្លាយជាតំណាងរាស្ត្រ ក្នុងអាណត្តិទី៥នេះបានទេ ព្រោះថាច្បាប់មិនបានចែង ដើម្បីអនុញ្ញាតនោះឡើយ។