Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ ព្រហស្បតិ៍ 09 កុម្ភៈ 2012 -
ព័ត៌មានទើបកែប្រើលើកចុងក្រោយ ថ្ងៃ ព្រហស្បតិ៍ 09 កុម្ភៈ 2012
អ្នកការទូតចូលគាល់ព្រះអង្គម្ចាស់នរោត្តម រណឫទ្ធិជាបន្តបន្ទាប់
ព្រះអង្គម្ចាស់នរោត្តមរណឫទ្ធិព្រះប្រធានគណបក្ស
© លាងដឺលុច
ឯកអគ្គរដ្ឋទូតនិងឯកអគ្គរាជទូតមួយចំនួនដែលបំពេញបេសកកម្មនៅក្នុងប្រទេសកម្ពុជាបានស្នើសុំចូលសវនាការជាមួយព្រះអង្គម្ចាស់នរោត្តមរណឫទ្ធិជាបន្តបន្ទាប់ក្នុងរយៈពេលចុងក្រោយនេះ។ ជំនួបរវាងអ្នកការទូតនិងព្រះអង្គម្ចាស់ប្រធានគណបក្សនរោត្តម រណឫទ្ធិកើតមានឡើងនៅពេលដែលកម្ពុជានឹងរៀបចំការបោះឆ្នោតក្រុមប្រឹក្សាឃុំសង្កាត់នៅក្នុងខែមិថុនាខាងមុខនេះ។
គណបក្សនរោត្តម រណឫទ្ធិបានផ្សព្វផ្សាយអោយដឹងអំពីជំនួបរវាងព្រះអង្គម្ចាស់នរោត្តម រណឫទ្ធិ និងឯកអគ្គរាជទូត និងឯកអគ្គរដ្ឋទូតជាច្រើនដែលបានស្នើសុំចូលគាល់ព្រះអង្គ។
អ្នកនាំពាក្យរបស់គណបក្សនរោត្តមរណឫទ្ធិលោក ប៉ែន សង្ហាបានអះអាងអោយដឹងថា ប្រធានបេសកកម្មទូតបរទេសទាំងនោះបានសម្តែងការគួរសមដើម្បីស្គាល់ព្រះអង្គផង និងដើម្បីស្តាប់មតិរបស់ព្រះអង្គផងជុំវិញបញ្ហានយោបាយក្នុងកម្ពុជា និងនៅក្នុងតំបន់ផង។ ជាពិសេសនៅពេលដែលកម្ពុជាកំពុងធ្វើជាម្ចាស់ផ្ទះអាស៊ាន។
នៅរសៀលថ្ងៃព្រហស្បតិ៍ទី៩កុម្ភៈនេះ ប្រធានគណបក្សនរោត្តម រណឫទ្ធិបានទទួលជួបឯកអគ្គរាជទូតប្រទេសអង់គ្លេស។ មុននេះ ព្រះអង្គម្ចាស់រណឫទ្ធិបានទទួលជូបប្រធានបេសកកម្មទូតរបស់ប្រទេសថៃ សិង្ហបុរី ព័រទុយហ្កាល់ និងអេស្ប៉ាញជាដើម។
ជំនួបទាំងនេះបានកើតឡើងនៅពេលដែលកម្ពុជានឹងរៀបចំការបោះឆ្នោតដ៏សំខាន់មួយគឺការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់។
សេចក្តីប្រកាសព័ត៌មានរបស់គណបក្សនរោត្តម រណឫទ្ធិ ក៏បានផ្សព្វផ្សាយអំពីការយាងចេញជួបសកម្មជននយោបាយរបស់ខ្លួនរបស់ព្រះអង្គម្ចាស់នៅតាមបណ្តាខេត្តផងដែរ។
អ្នកនាំពាក្យគណបក្សនេះបានអះអាងថា គណបក្សនរោត្តម រណឫទ្ធិនឹងឈរឈ្មោះអោយបានគ្រប់ខេត្តរាជធានីក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ដែលនឹងប្រព្រឹត្តទៅក្នុងខែមិថុនាខាងមុខនេះ៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
ប្រជាជនខ្មែរមិនត្រូវកាទ្រង់ដឹ
ប្រជាជនខ្មែរមិនត្រូវកាទ្រង់ដឹកនាំទៀតទេ។ទ្រង់គឺជាមនុស្សដែលគ្មានកាទទួលខុសត្រូវ
ដោយសាតែស្រី ទ្រង់បានបោះបង់ចោលសមាជិកសមាជីកាទៅយកស្រីរបាំ ឈ្មោះ អ៊ុក ផល្លា
ដើម្បីលាភសការះ លុយ ឡាន វិឡា យន្តហោះ ។ល។ លោកបានបោះបង់ចោលអ្នកតស៊ូរ។ទ្រង់គឺ
ជាមនុស្សមហាពុករលួយ គ្រាន់តែទ្រព្យសម្បត្តិដែលចែកអោយ អ្នាកស្រីអេងម៉ារី ប់គិតជាលុយប្រមាណជា ១៦លានដុល្លាអាមេរិក ត់ទ្រព្យសម្បត្តិទាំងនោះទ្រង់បានមកពីណា?
ប្រតិកម្មជុំវិញអត្ថបទនេះ