តំណាងអង្គការចំនួន៤បួងសួងសុំឲ្យរដ្ឋាភិបាលទប់ស្កាត់ការកាប់បំផ្លាញព្រៃនៅតំបន់ព្រៃឡង់
នៅព្រឹកថ្ងៃអង្គារនេះ តំណាងអង្គការនិងសមាគមក្រៅរដ្ឋាភិបាល ធ្វើពិធីបួងសួងជាថ្មីម្តងទៀត នៅព្រះអង្គដងកើជាជំនឿអរូបីយ ដើម្បីដាស់ស្មារតី រដ្ឋាភិបាលឲ្យជួយទប់ស្កាត់ការកាប់ព្រៃនៅតំបន់ព្រៃឡង់។ ពិធីបន់ស្រន់នេះធ្វើឡើង ស្របពេលដែលអ្នកភូមិជាង៤០០នាក់ មកពីខេត្តចំនួន៤នៅជុំវិញព្រៃឡង់ កំពុងដើរល្បាតក្នុងព្រៃ ដើម្បីការពារនិងទប់ស្កាត់ការកាប់បំផ្លាញព្រៃ ពីសំណាក់ក្រុមហ៊ុនឯកជន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤២
មិនខុសពីលើកមុនៗនោះទេ តំណាងអង្គការ និងសមាគមចំនួន១២នាក់ មកពីស្ថាប័នផ្សេងគ្នាចំនួន៤ បានគូរមុខនិងពាក់អាវពណ៌បៃតង តំណាងឲ្យព្រៃឈើ ស្រស់បំព្រង ដើម្បីអុជធូបបួងសួង នៅព្រះអង្គដងកើ ទល់មុខព្រះបរមរាជវាំង ។ ពួកគេមានបំណងសុំឲ្យរដ្ឋាភិបាលទប់ស្កាត់ការកាប់បំផ្លាញព្រៃនៅតំបន់ព្រៃឡង់។
តំណាងសមាគមប្រជាធិបតេយ្យឯករាជ្យនិងសេដ្ឋកិច្ចក្រៅប្រព័ន្ធ សមាគមឯក រាជ្យមន្រ្តីរាជការ ក្រុមយុវជនកម្ពុជា និងបណ្តាញកសិករ បានបួងសួងដល់វត្ថុស័ក្តិសិទ្ធិ ក្នុងលោក ជាពិសេសបារមីព្រះអង្គដងកើ ឲ្យជួយជំរុញចិត្តរដ្ឋាភិបាលនិងអាជ្ញាធរពាក់ ព័ន្ធ ក្នុងការទប់ស្កាត់ការកាប់បំផ្លាញព្រៃឈើនៅតំបន់ព្រៃឡង់។ ក្នុងសេចក្តីថ្លែងការណ៍រួមគ្នា ទៅរដ្ឋាភិបាល នៅព្រឹកមិញនេះ តំណាងអង្គការនិងសមាគម មានបំណងឲ្យស្ថាប័នពាក់ព័ន្ធទាំងអស់ ចូលរួមក្នុងការថែរក្សាការពារព្រៃឡង់ និងបញ្ឈប់ការកាប់បំផ្លាញព្រៃឈើ។
ព្រៃឡង់ជាតំបន់ព្រៃឈើត្រួពិក ដែលនៅសេសសល់ធំជាងគេចុងក្រោយបំផុត នៅកម្ពុជាដែលស្ថិតនៅជាប់ស្រុកចំនួន៦ ក្នុងខេត្តចំនួន៤រួមមានខេត្តក្រចះ ស្ទឹងត្រែង កំពង់ធំ និងខេត្តព្រះវិហារ ។ព្រៃនេះមានផ្ទៃក្រឡាសរុបប្រមាណ៣.៦០០គីឡូម៉ែត្រ ការ៉េ។
កាលពីថ្ងៃចន្ទ អ្នកភូមិប្រមាណ៤០០នាក់ មកពីខេត្តចំនួននៅជុំវិញ តំបន់ព្រៃឡង់ សម្រេចជួបជុំគ្នានៅកណ្តាលព្រៃឡង់ ដើម្បីដើរល្បាតពេញមួយសប្តាហ៍ ក្នុងបំណងទប់ស្កាត់ការកាប់បំផ្លាញព្រៃឈើខុសច្បាប់។ ដំណើររុលចូលល្បាតក្នុងព្រៃ ដ៏ក្រាស់នេះ ត្រូវអមដំណើរដោយមន្រ្តីអង្គការសង្គមស៊ីវិល និងអ្នកសារព័ត៌មានមួយ ចំនួន ។អាជ្ញាធរមូលដ្ឋាន៣០នាក់បានរារំាង ដំណើររបស់អ្នកភូមិ ហើយពួកគេបានបែកក្រុមគ្នាដើម្បីគេចពីអាជ្ញាធរទាំងនោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ