សាលាក្តីខ្មែរក្រហម បើកកិច្ចប្រជុំរៀបចំសវនាការលើសំណុំរឿង ០០២ នៅដើមខែមេសា
អង្គជំនុំជម្រះសាលាដំបូង របស់សាលាក្តីចម្រុះកាត់ទោសមេខ្មែរក្រហម បានសម្រេចបើកកិច្ចប្រជុំ រៀបចំសវនាការលើសំណុំរឿង ០០២ នៅថ្ងៃទី៥ និងថ្ងៃ៦ ខែមេសាខាងមុខ។ ជាមួយនឹងការសម្រេចដូច្នេះ សហមេធាវីការពារលោក អៀង សារី បានស្នើសុំឲ្យតុលាការ បើកសវនាការជំនុំជម្រះក្តីក្នុងករណី ០០២ ត្រឹមតែពាក់កណ្តាលថ្ងៃ។ ពោលគឺធ្វើឡើងតែ១ព្រឹក មិនមែនធ្វើទាំងព្រឹកទាំងល្ងាចឡើយ។ ជាការស្នើសុំ ដែលមេធាវី សំអាងលើបញ្ហាសុខភាពរបស់លោក អៀង សារី។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ លី ម៉េងហូរពីភ្នំពេញ
អង្គជំនុំជម្រះសាលាដំបូង របស់តុលាការចម្រុះកាត់ទោសមេខ្មែរក្រហម បានកំណត់យកថ្ងៃទី៥ និងទី៦ ខែមេសាខាងមុខ ដើម្បីបើកកិច្ចប្រជុំរៀបចំសវនាការលើសំណុំរឿង ០០២។ កិច្ចប្រជុំនោះ អាចនឹងបន្តទៅថ្ងៃទី៧មេសា ប្រសិនបើចាំបាច់។ នេះបើតាមលោក ឌឹម សុវណ្ណារុំ អ្នកនាំពាក្យសាលាក្តីខ្មែរក្រហម។
កិច្ចប្រជុំរៀបចំសវនាការនៅដើមខែមេសា មានការចូលរួមពីគ្រប់ភាគី រួមទាំងអតីតមេខ្មែរក្រហម៤ រូបជាជនជាប់ចោទ មុននឹងចាប់ផ្តើមដំណើរការសវនាការលើសំណុំរឿង ០០២ ដែលអាចនឹងធ្វើឡើង ក្នុងខែឧសភា ឬខែមិថុនា។
ជាមួយនឹងការសម្រេចដូច្នេះ លោក ឌឹម សុវណ្ណារុំ ក៏បានបន្ថែមថា សហមេធាវីការពារលោក អៀង សារី បានដាក់ញត្តិមួយ ទៅកាន់តុលាការ ដើម្បីសុំឲ្យមានដំណើរការជំនុំជម្រះក្តីលើសំណុំរឿង ០០២ តែកន្លះថ្ងៃ និងមានការសំរាកម្តង។ ពោលគឺការកាត់ក្តី ធ្វើតែមួយ ព្រឹកៗ ប៉ុណ្ណោះ។
មេធាវីសំអាងថា លោក អៀង សារី មានអាយុច្រើន និងសុខភាពមិនល្អ។ អតីតរដ្ឋមន្ត្រីការបរទេសខ្មែរក្រហម អាយុ ៨៥ ឆ្នាំ លោក អៀង សារី មានបញ្ហាឆ្អឹងខ្នង អង្គុយមិនបានយូរ និងមានបញ្ហាតម្រងនោម ដែលត្រូវទៅបន្ទប់ទឹកញឹកញាប់។
ក្នុងលិខិតចុះថ្ងៃទី១៩មករា ឆ្នាំ២០១១ សហមេធាវីការពារលោក អៀង សារី ក៏បានជម្រាបទៅកាន់តុលាការថា លោក អៀង សារី ត្រូវចូលរួមដោយផ្ទាល់ក្នុងអង្គសវនាការ។ ដូច្នេះអតីតរដ្ឋមន្ត្រីការបរទេសខ្មែរក្រហម មិនចង់ប្រើប្រាស់ប្រព័ន្ធបច្ចេកទេស សោតទស្សន៍ Vedio Link ដែលផ្សាយផ្ទាល់ចេញពីអង្គសវនាការ តាមកញ្ចក់ទូរទស្សន៍ ចូលទៅក្នុងបន្ទប់ឃុំឃាំងរបស់មេខ្មែរក្រហមឡើយ។
យ៉ាងណាក៏ដោយ នៅថ្ងៃទី១កុម្ភៈ ភាគីសហព្រះរាជអាជ្ញា បានដាក់សារណាតបថា ការអះអាងពីបញ្ហាសុខភាពរបស់លោក អៀង សារី មិនមានភស្តុតាង វាយតម្លៃពីក្រុមគ្រូពេទ្យឡើយ។ មួយវិញទៀត បើធ្វើតាមការស្នើសុំរបស់មេធាវី នោះរយៈពេលសវនាការជំនុំជម្រះលើសំណុំរឿង០០២ នឹងត្រូវកើនឡើងទ្វេដង។ រីឯការប្រើប្រាស់បច្ចេកទេស សោតទស្សន៍បញ្ជូនរូបភាពសវនាការ ទៅកាន់បន្ទប់អតីតខ្មែរក្រហម ប្រសិនបើជនជាប់ចោទមិនអាចចូលរួមដោយផ្ទាល់ក្នុងបន្ទប់សវនាការ ក៏នៅតែអាចប្រើបាន។
យ៉ាងណាក៏ដោយ ចំពោះដំណើរការសវនាការលើសំណុំរឿង០០២ ដែលរួមមាន៖ នួនជា ខៀវសំផន អៀងសារី និងអៀងធីរិទ្ធ នឹងត្រូវសម្រេច ដោយអង្គជំនុំជម្រះសាលាដំបូង៕
អង្គជំនុំជម្រះសាលាដំបូង របស់តុលាការចម្រុះកាត់ទោសមេខ្មែរក្រហម បានកំណត់យកថ្ងៃទី៥ និងទី៦ ខែមេសាខាងមុខ ដើម្បីបើកកិច្ចប្រជុំរៀបចំសវនាការលើសំណុំរឿង ០០២។ កិច្ចប្រជុំនោះ អាចនឹងបន្តទៅថ្ងៃទី៧មេសា ប្រសិនបើចាំបាច់។ នេះបើតាមលោក ឌឹម សុវណ្ណារុំ អ្នកនាំពាក្យសាលាក្តីខ្មែរក្រហម។
កិច្ចប្រជុំរៀបចំសវនាការនៅដើមខែមេសា មានការចូលរួមពីគ្រប់ភាគី រួមទាំងអតីតមេខ្មែរក្រហម ៤ រូប ជាជនជាប់ចោទ មុននឹងចាប់ផ្តើមដំណើរការសវនាការលើសំណុំរឿង ០០២ ដែលអាចនឹងធ្វើឡើង ក្នុងខែឧសភា ឬខែមិថុនា។
ជាមួយនឹងការសម្រេចដូច្នេះ លោក ឌឹម សុវណ្ណារុំ ក៏បានបន្ថែមថា សហមេធាវីការពារលោក អៀង សារី បានដាក់ញត្តិមួយ ទៅកាន់តុលាការ ដើម្បីសុំឲ្យមានដំណើរការជំនុំជម្រះក្តីលើសំណុំរឿង ០០២ តែកន្លះថ្ងៃ និងមានការសំរាកម្តង។ ពោលគឺការកាត់ក្តី ធ្វើតែមួយ ព្រឹកៗ ប៉ុណ្ណោះ។
មេធាវីសំអាងថា លោក អៀង សារី មានអាយុច្រើន និងសុខភាពមិនល្អ។ អតីតរដ្ឋមន្ត្រីការបរទេសខ្មែរក្រហម អាយុ ៨៥ ឆ្នាំ លោក អៀង សារី មានបញ្ហាឆ្អឹងខ្នង អង្គុយមិនបានយូរ និងមានបញ្ហាតម្រងនោម ដែលត្រូវទៅបន្ទប់ទឹកញឹកញាប់។
ក្នុងលិខិតចុះថ្ងៃទី១៩មករា ឆ្នាំ២០១១ សហមេធាវីការពារលោក អៀង សារី ក៏បានជម្រាបទៅកាន់តុលាការថា លោក អៀង សារី ត្រូវចូលរួមដោយផ្ទាល់ក្នុងអង្គសវនាការ។ ដូច្នេះអតីតរដ្ឋមន្ត្រីការបរទេសខ្មែរក្រហម មិនចង់ប្រើប្រាស់ប្រព័ន្ធបច្ចេកទេស សោតទស្សន៍ Vedio Link ដែលផ្សាយផ្ទាល់ចេញពីអង្គសវនាការ តាមកញ្ចក់ទូរទស្សន៍ ចូលទៅក្នុងបន្ទប់ឃុំឃាំងរបស់មេខ្មែរក្រហមឡើយ។
យ៉ាងណាក៏ដោយ នៅថ្ងៃទី១កុម្ភៈ ភាគីសហព្រះរាជអាជ្ញា បានដាក់សារណាតបថា ការអះអាងពីបញ្ហាសុខភាពរបស់លោក អៀង សារី មិនមានភស្ថុតាង វាយតម្លៃពីក្រុមគ្រូពេទ្យឡើយ។ មួយវិញទៀត បើធ្វើតាមការស្នើសុំរបស់មេធាវី នោះរយៈពេលសវនាការជំនុំជម្រះលើសំណុំរឿង០០២ នឹងត្រូវកើនឡើងទ្វេដង។ រីឯការប្រើប្រាស់បច្ចេកទេស សោតទស្សន៍បញ្ជូនរូបភាពសវនាការ ទៅកាន់បន្ទប់អតីតខ្មែរក្រហម ប្រសិនបើជនជាប់ចោទមិនអាចចូលរួមដោយផ្ទាល់ក្នុងបន្ទប់សវនាការ ក៏នៅតែអាចប្រើបាន។
យ៉ាងណាក៏ដោយ ចំពោះដំណើរការសវនាការលើសំណុំរឿង០០២ ដែលរួមមាន៖ នួនជា ខៀវសំផន អៀងសារី និងអៀងធីរិទ្ធ នឹងត្រូវសម្រេច ដោយអង្គជំនុំជម្រះសាលាដំបូង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ