យុវជនចង់បានសំឡេងមួយនៅក្នុងសមាសភាព គ.ជ.ប ថ្មី តែមិនមែនជា ប្រពន្ធ កូន ឫ ប្តី
ចុះផ្សាយនៅថ្ងៃ៖
ស្តាប់ - ០៩:៥០
នៅព្រឹកថ្ងៃទី១៣ ខែសីហាម្សិលមិញនេះ អង្គការសង្គមស៊ីវិលចំនួន៧ ដែលធ្វើការពាក់ព័ន្ធនឹងយុវជន បានស្នើឲ្យគណបក្សជាប់ឆ្នោតទាំងពីរដាក់បញ្ចូលគំនិតរបស់យុវជនទៅក្នុងដំណើរការជ្រើសរើសសមាជិកគណៈកម្មាធិការជាតិរៀបចំការបោះឆ្នោត(គជប)ថ្មី ដើម្បីធានាការចូលរួមរបស់យុវជន នៅក្នុងការសម្រេចចិត្តផ្នែកនយោបាយ។ ការស្នើនេះ បានធ្វើឡើងក្នុងវេទិកាយុវជនស្តីពីការជ្រើសរើសសមាជិក គជប ថ្មី ដើម្បីស្វះស្វែងរកអនុសាសន៍ល្អៗ ដាក់ជូនតំណាងគណបក្សនយោបាយ និង រដ្ឋសភា។ ជាមួយគ្នានេះ យុវជនក៏កំពុងស្វែងរកកៅអីមួយអង្គុយ នៅក្នុងសមាជិកគណៈកម្មាធិការជាតិរៀបចំការបោះឆ្នោត(គជប)ថ្មី ក្នុងចំណោមសមាជិកចំនួន៩រូបនេះដែរ។ ជាយុវជនដែលមកពីគ្រប់មជ្ឈដ្ឋាន តែមិនមែនជាយុវជនដែលជាកូន ប្រពន្ធ ឫប្តីរបស់សមាជិករដ្ឋសភា ឫគណបក្សនយោបាយណាមួយនោះឡើយ។
