គ្រោះថ្នាក់ចរាចរណ៍ បានធ្វើឱ្យអ្នកនយោបាយជាន់ខ្ពស់ជាស្ត្រីម្នាក់«ទល់ផ្អក» ហើយការទាមទារឱ្យអនុវត្តច្បាប់ចំពោះ«ការធ្វេសប្រហែសរបស់អ្នកបើកបរ» បាននាំឱ្យគាត់បាត់បង់កៅអីក្នុងជួររដ្ឋាភិបាលកម្ពុជា។ រឿងអាស្រូវ«ធំមួយ»តាមបណ្តាញសង្គម បានជម្រុញឱ្យលោកស្រី សម មុន្នីកា «សុំលាលែង»ពីតំណែងរដ្ឋលេខាធិការក្រសួងទេសចរណ៍។ នៅថ្ងៃទី១៦ ខែវិច្ឆិកា ព្រះមហាក្សត្រខ្មែរបានត្រាស់បង្គាប់តាមសេចក្តីក្រាបបង្គំទូលរបស់នាយករដ្ឋមន្ត្រី។ នេះជាករណីដ៏កម្រ និងចម្រូងចម្រាស់សម្រាប់អ្នកវិភាគ។ ប៉ុន្តែ ក្នុងករណីនេះ រឿងអាស្រូវធំបំផុតគឺថា សង្គមខ្មែរដូចជាស្អប់អ្នកដែល«ចង់»ឱ្យមានការគោរពច្បាប់។
មើលវគ្គផ្សេងទៀត
-
ជួញដូរស្វាក្តាម៖អាមេរិកឲ្យមន្ត្រីថ្នាក់ទាបរួចខ្លួន និងបន្តរក្សាទុកបទចោទលើមន្ត្រីថ្នាក់លើ?
ការសម្រេចរបស់តុលាការអាមេរិកក្នុងថ្ងៃទី២២ មីនា ឆ្នាំ ២០២៤ ឲ្យមន្ត្រីកសិកម្មកម្ពុជាម្នាក់លោកគ្រី ម៉ះផលរួចផុតពីការចោទក្នុងសំណុំរឿងជួញដូរស្វាក្តាមត្រូវបានក្រសួងកសិកម្មចាត់ទុកជារឿងយុត្តិធម៌ និងបង្ហាញពីភាពស្អាតស្អំរបស់មន្ត្រីខ្មែរ។ សម្រាប់អ្នកខ្លះដែលតាមដានសំណុំរឿងនេះក៏យល់ឃើញដូចគ្នា និងថា ការសម្រេចរបស់តុលាការអាមេរិកនេះបានធ្វើឡើងដោយគ្មានការជ្រៀតជ្រែកផ្នែកនយោបាយណាមួយទៅលើប្រព័ន្ធយុត្តិធម៌របស់អាមេរិកទេ។ តែសម្រាប់អ្នកខ្លះទៀតបានចោទឡើងថា ហេតុអ្វីនៅក្នុងសំណុំរឿងតែមួយនេះ តុលាការអាមេរិកបែរជាបានសម្រេចឲ្យរួចខ្លួនតែមន្ត្រីថ្នាក់ទាប និងទុកមន្ត្រីថ្នាក់លើឲ្យនៅជាប់បណ្តឹងដដែល។26/03/202410:39 -
តើភាពស្និទ្ធស្នាលរវាងបក្សកាន់អំណាចនៅកម្ពុជា និងបក្សកាន់អំណាចនៅថៃអាចធ្វើឲ្យកម្ពុជាចំណេញអ្វីខ្លះ?
លោកស្រី ផេថងថាន ដែលជាកូនស្រីរបស់លោកថាក់ ស៊ីន និងជាប្រធានគណបក្សភឿថៃ បានបំពេញទស្សនកិច្ចនៅកម្ពុជារយៈពេល ២ថ្ងៃពីថ្ងៃទី១៨ ដល់ថ្ងៃទី១៩ មីនា។ នៅកម្ពុជា លោកស្រី ផេថងថាន មានជំនួបជាមួយថ្នាក់ដឹកនាំកម្ពុជាទាំងនៅក្នុងក្របខណ្ឌគណបក្ស និងរដ្ឋាភិបាល។ ក្នុងនាមជាប្រធានគណបក្សកាន់អំណាចដូចគ្នា លោកស្រី ផេថនថាន បានជួបសន្ទនាជាមួយប្រធានគណបក្សប្រជាជនកម្ពុជា លោក ហ៊ុន សែន។ ក្រៅពីទំនាក់ទំនងរវាងបក្ស និងបក្ស លោកស្រី ផេថនថាន និង លោក ហ៊ុន សែនក៏បានបង្ហាញភាពស្និទ្ធស្នាលរវាងបុគ្គល និងបុគ្គលផងដែរ។ តើទស្សនកិច្ចរបស់ប្រធានគណបក្សភឿថៃនៅកម្ពុជាពេលនេះឆ្លុះបញ្ចាំងអ្វីខ្លះពីទំនាក់ទំនងរវាងប្រទេស និងប្រទេស និយាយជារួម និងទំនាក់ទំនងរវាងបក្ស និងបក្ស និយាយដោយឡែក?19/03/202411:05 -
តើពលរដ្ឋចង់បានដំណោះស្រាយបែបណា បន្ទាប់ពីចាប់ខ្លួនឧកញ៉ា ឡេង ចាន់ណា?
សាលាដំបូងខេត្តសៀមរាបបានឃាត់ខ្លួន ឧកញ៉ា ឡេង ចាន់ណា និងបក្ខពួក នៅថ្ងៃទី១២មីនា ពី«បទឆបោក និងចេញឆែកស្អុយ»។ តាមពលរដ្ឋ ស្ត្រីជាឧកញ៉ាវ័យក្មេងរូបនេះ បានឆបោកប្រាក់វិនិយោគរបស់ពួកគេជាង៥ពាន់គ្រួសារ បើគិតជាប្រាក់សរុបខ្ទង់៣០០លានដុល្លារ។ នេះមិនមែនជាលើកទី១ទេ ដែលឧកញ៉ារកស៊ីក្នុងល្បែងដូចគ្នានេះត្រូវបានចាប់ខ្លួន។ ឧកញ៉ា ជា សារ៉ន ត្រូវបានចាប់ខ្លួននៅខែមេសាឆ្នាំ២០២៣ និងឧកញ៉ា ហ៊ី គឹមហុង ត្រូវបានចាប់ខ្លួន នៅសីហាឆ្នាំ២០២៣ ដូចគ្នា ប៉ុន្តែឧកញ៉ារូបនេះត្រូវបានដោះលែងវិញនៅខែវិច្ឆិកាឆ្នាំដដែល។ ក្រោយចាប់ខ្លួនឧកញ៉ាទាំងនេះ ពលរដ្ឋអះអាងថា ពួកគេនៅមិនទាន់បានលុយរបស់ពួកគេមកវិញនៅឡើយ។13/03/202410:56 -
តើមានហេតុផលអ្វីខ្លះដែលជំរុញឲ្យស៊ុយអែតផ្តាច់ជំនួយពីកម្ពុជា?
រដ្ឋាភិបាលស៊ុយអែតបានប្រកាសផ្តាច់ជំនួយពីកម្ពុជានៅដំណាច់ឆ្នាំ២០២៤ ក្រោមហេតុផលថា មិនអាចស្តារឡើងវិញនូវស្ថានភាពសិទ្ធិមនុស្ស និងប្រជាធិបតេយ្យនៅកម្ពុជា។ នេះបើតាមមន្ត្រីសិទ្ធិមនុស្សក្នុងស្រុក។ គួរបញ្ជាក់ថា នេះជាការផ្តាច់ជំនួយជំហានទី២ បន្ទាប់ពីស៊ុយអែតបានបិទការិយាល័យតំណាងរបស់ខ្លួននៅកម្ពុជាកាលពីចុងឆ្នាំ២០២១។ តែក្នុងពេលជាមួយគ្នា ស៊ុយអែតនៅបន្តផ្តល់ជំនួយឲ្យសង្គមស៊ីវិលនៅកម្ពុជាតាមរយៈ(SIDA)លើផ្នែកសិទ្ធិមនុស្ស អភិបាលកិច្ចល្អ ប្រជាធិតេយ្យ និងនីតិរដ្ឋរហូតដល់ឆ្នាំ២០២៤នេះ។ ទោះយ៉ាងណា ការផ្តាច់ជំនួយរបស់ស៊ុយអែតដែលជាប្រទេសជាប់ចំណាត់ថ្នាក់ល្អខាងសេរីភាពឲ្យកម្ពុជាពេលនេះមានការយល់ឃើញផ្ទុយគ្នារវាងមន្ត្រីរដ្ឋាភិបាល និងមន្ត្រីអង្គការសង្គមស៊ីវិល។12/03/202410:03 -
តើកំណើនចំនួនឧកញ៉ានៅកម្ពុជាឆ្លុះបញ្ចាំងយ៉ាងណាចំពោះវិស័យសេដ្ឋកិច្ច?
នៅក្នុងឆ្នាំ២០២៣ ចំនួនឧកញ៉ានៅកម្ពុជាបានកើនឡើង ២៤២រូបបន្ថែម ទៀតដែល ធ្វើឲ្យចំនួនឧកញ៉ាសរុបមានជាង ១៥០០រូប។ នេះបើតាមសៀវភៅរាជកិច្ច ដែលត្រូវបានដកស្រង់ចុះផ្សាយដោយគេហទំព័រ «កំណត់ត្រា»។ តាមក្រុមអ្នកឃ្លាំមើល ក្រុមឧកញ៉ាទាំងនេះបានចូលរួមចំណែកយ៉ាងខ្លាំងក្នុងការកសាងសេដ្ឋកិច្ចជាតិ ប្រសិនបើពួកគេរកស៊ីស្របច្បាប់។ បើធៀបនឹងចំនួនប្រជាជនកម្ពុជាប្រមាណ ១៧លាននាក់ តើកំណើនឧកញ៉ាយ៉ាងច្រើនបែបនេះឆ្លុះបញ្ចាំងយ៉ាងណា ខណៈដែលមានពលរដ្ឋជិត ២០% រស់នៅក្រោមបន្ទាត់ក្រីក្រ?27/02/202412:00