ពលរដ្ឋខ្មែរច្រើនឡើងៗផ្តើមដាំដំណាំតាមបច្ចេកវិទ្យាទំនើបថ្មី ឈ្មោះថា Hydrophonic
ចុះផ្សាយនៅថ្ងៃ៖
ស្តាប់ - ០៧:៤៣
Hydrophonic គឺជាឈ្មោះនៃបច្ចេកទេសដាំដំណាំមួយបែបថ្មី ដែលមិនប្រើប្រាស់ដីសម្រាប់ដាំនោះទេ។ ខុសប្លែកពីការដាំដំណាំតាមបែបប្រពៃណីធម្មតាដោយប្រើប្រាស់ដី ធ្វើរោងជាដើម ការដាំតាមបែបHydrophonic គឺប្រើប្រាស់តែទឹក និងដាំនៅក្នុងទុយយោតែប៉ុណ្ណោះ។ ជាមួយបច្ចេកទេសទំនើបបែបនេះ ប្រជាពលរដ្ឋខ្មែរជាច្រើនជាពិសេសអ្នកដែលរស់នៅក្រុងភ្នំពេញ និងតំបន់ផ្សេងៗទៀត បានចាប់អារម្មណ៍ចំពោះបច្ចេកទេសទំនើបបែបនេះយ៉ាងខ្លាំង។ អ្នកខ្លះចង់ដាំបន្លែHydrophonicនេះ សម្រាប់ធ្វើជាអាហារក្នុងគ្រួសារ ព្រោះថាជាដំណាំមិនប្រើប្រាស់ថ្នាំសម្លាប់សត្វល្អិត ដែលនាំឱ្យប៉ះពាល់សុខភាព។ អ្នកខ្លះទៀតចង់យកការដាំបន្លែតាមបច្ចេកទេសទំនើបនេះ ដើម្បីធ្វើជាអាជីវកម្ម ព្រោះថា ដំណាំនេះប្រើប្រាស់ធនធានតិច និងកម្លាំងមនុស្សតិច ប៉ុន្តែទិន្នផលវិញបានទទួលបានច្រើន។
