សាលាក្រុងភ្នំពេញព្រមានបាតុករឲ្យប្រយ័ត្នចំពោះ«ការញុះញង់»
ចុះផ្សាយនៅថ្ងៃ៖
ស្តាប់ - ១២:៤៨
សហគមន៍ខ្មែរកម្ពុជាក្រោម និងសហព័ន្ធនិស្សិតបញ្ញវន្តកម្ពុជា ដែលគ្រោងដឹកនាំបាតុកម្មមុខស្ថានទូតវៀតណាម នៅថ្ងៃទី២១ ខែកក្កដា បានប្រជុំគ្នាម្សិលមិញ ដើម្បីជជែកអំពីគម្រោងនោះ។ ពួកគេសង្ឃឹម មេដឹកនាំបាតុករជូនដំណឹងទៅសាលាក្រុងភ្នំពេញថ្ងៃចន្ទស្អែក ខណៈដែលអាជ្ញាធររាងស្ទាក់ស្ទើរ ក្នុងការសម្រួលតាមសំណើ។ ថ្វីបើបាតុករត្រូវបានបង្ក្រាបម្តងហើយនៅសប្តាហ៍មុន ការប៉ុនប៉ងលើកទី២នេះ គឺដើម្បីឱ្យមន្ត្រីរដ្ឋាភិបាលវៀតណាមទទួលស្គាល់ប្រវត្តិសាស្ត្រនៃទឹកដីកម្ពុជាក្រោម។ ចំពោះមន្ត្រីសិទ្ធិមនុស្ស វាជា«ការបំបិទសេរីភាពបញ្ចេញមតិ» បើសាលាក្រុងភ្នំពេញបដិសេធសំណើនោះ។