តុលាការបន្តចេញដីកាកោះហៅអ្នកពាក់ព័ន្ធនៅក្នុងបាតុកម្ម កាលពីថ្ងៃទី១៥កក្កដា
តុលាការសាលាដំបូងរាជធានីភ្នំពេញ បានបន្តចេញដីកាកោះហៅ អ្នកគាំទ្រគណបក្សសង្គ្រោះជាតិអោយចូលខ្លួនទៅឆ្លើយបំភ្លឺនៅក្នុងតុលាការបន្ថែមទៀត នៅក្នុងសំណុំរឿងបាតុកម្មហិង្សា កាលពីថ្ងៃទី១៥កក្កដា។ លោក អ៊ុក ពេជ្រសំណាង គឺជាជនចាប់ចោទចុងក្រោយនេះ ដែលរងការចោទប្រកាន់ពីបទថា បានចូលរួមធ្វើកុបកម្ម ប្រឆាំងនឹងអ្នករាជការសាធារណៈ។
ចុះផ្សាយនៅថ្ងៃ៖
ស្តាប់ - ០១:១២
លោក អ៊ុក ពេជ្រសំណាង អាយុ៥១ឆ្នាំ គឺជាអ្នកគាំទ្រគណបក្សសង្គ្រោះជាតិដ៍សកម្មមួយរូប។ លោកត្រូវបានតុលាការសាលាដំបូងរាជធានីភ្នំពេញតាមរយៈ លោក កែវ មុនី ចៅក្រមស៊ើបសួបានចេញដីកាកោះហៅអោយចូលខ្លួនឆ្លើយបំភ្លឺនៅចំពោះមុខតុលាការនៅរសៀលម៉ោង២ ថ្ងៃទី២៦ខែសីហាខាងមុខនេះ ក្រោមបទចោទប្រកាន់ថា បានចូលរួមធ្វើកុបកម្ម ប្រឆាំងនឹងអ្នករាជការសាធារណៈមានស្ថានទម្ងន់ទោស និងហិង្សាដោយចេតនា ដែលប្រព្រឹត្តនៅចំណុចទីលានប្រជាធិបតេយ្យ កាលពីថ្ងៃទី១៥កក្កដាឆ្នាំ២០១៤។ លោក អ៊ុក ពេជ្រ សំណាង គឺជាជនជាប់ចោទចុងក្រោយបន្ទាប់ពីលោក មៀច សុវណ្ណារ៉ា ជាប្រធាននាយកដ្ឋានព័ត៌មានគណបក្សសង្គ្រោះជាតិត្រូវបានតុលាការចេញដីកាកោះហៅអោយចូលខ្លួនឆ្លើយបំភ្លឺនៅក្នុងសំណុំរឿងដូចគ្នានេះ។
បច្ចុប្បន្នមានតំណាងរាស្ត្រ៨រូប យុវជន៤រូប អ្នកគាំទ្រ១រូប និងបេក្ខជនតំណាងរាស្ត្រ១រូបរបស់គណបក្សសង្គ្រោះជាតិ កំពុងត្រូវបានចោទប្រកាន់ដោយតុលាការក្រុងភ្នំពេញនៅក្នុងសំណុំរឿងបាតុកម្ម កាលពីថ្ងៃទី១៥កក្កដា នៅក្បែទីលានប្រជាធិបតេយ្យ។
លោក សម រង្ស៊ី ប្រធានគណបក្សសង្គ្រោះជាតិបានអះអាង កាលពីថ្ងៃទី១៤សីហាថា វិបត្តិនយោបាយនៅមិនទាន់ចប់ទេ ប្រសិនបើតុលាការនៅបន្តចាត់នីតិវិធីប្រឆាំងនឹងសកម្មជនគណបក្សប្រឆាំងទៀតនោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ