ប្រជាពលរដ្ឋខ្មែរនៅតែសម្រុកទៅរកការងារក្រៅស្រុកច្រើនដដែល
ចុះផ្សាយនៅថ្ងៃ៖
ស្តាប់ - ០៨:៣៣
បើទោះបីរដ្ឋាភិបាលអះអាងពីការបង្កើតទីផ្សារការងារក្នុងស្រុកឲ្យបានច្រើន ក្រោយពីប្រទេសថៃចាប់បញ្ជូនពលរដ្ឋខ្មែរចេញពីប្រទេសគេ កាលពីខែមិថុនាឆ្នាំនេះក្តី ក៏រហូតមកដល់ពេលនេះ ពលករខ្មែរនៅតែនិយាយថា ការងារនៅក្នុងប្រទេសមានតិច ប្រាក់ឈ្នួលទាប ពិបាករស់។ ប្រទេសថៃ កូរ៉េ ជប៉ុន ឬម៉ាឡេស៊ី នៅតែជាគោលដៅទីផ្សារការងារដែលពលករខ្មែរសម្លឹងឃើញថាអាចចិញ្ចឹមជីវិតបាន បើទោះបីឆ្ងាយផ្ទះក្តី។ កាលពីថ្ងៃសៅរ៍ទី២៣សីហាម្សិលមិញ ពលរដ្ឋខ្មែរមកពីខេត្តឆ្ងាយជិត ដូចជាខេត្តប៉ៃលិន បាត់ដំបង កំពង់ចាម ព្រៃវែង បានមកដាក់ពាក្យទៅធ្វើការនៅប្រទេសជប៉ុន ក្នុងរាជធានីភ្នំពេញ។
