កម្ពុជាចង់ឃើញសាមគ្គីភាព ភាពជាអ្នកជិតខាងល្អ និងកិច្ចសហប្រតិបត្តិការប្រកបដោយផ្លែផ្កា ជាជាងភាពតានតឹងជាមួយថៃ។ សញ្ញាខ្លះបង្ហាញឱ្យឃើញដូច្នេះ៖ កាលពីថ្ងៃសុក្រ លោក ហ៊ុន សែន អបអរសាទរឧត្តមសេនីយ៍ ប្រាយុទ្ធ ចាន់អូចា (Prayut Chan-o-cha) ដែលក្លាយជានាយករដ្ឋមន្ត្រីថ្មីរបស់ថៃ នៅថ្ងៃព្រហស្បតិ៍។ ថ្ងៃនោះដែរ រដ្ឋមន្ត្រីការបរទេសខ្មែរ ដែលដឹងថា បច្ចុប្បន្ន ពលករខ្មែរជិត៧០ម៉ឺននាក់កំពុងធ្វើការនៅប្រទេសថៃ ប្រាប់ឯកអគ្គរាជទូតថៃផុតអាណត្តិថា កម្ពុជាចាំអនុវត្តសាលដីកាតុលាការយុត្តិធម៌អន្តរជាតិអំពីរឿងព្រះវិហារ ជាមួយថៃក្នុងស្មារតីមិត្តភាព។ ប៉ុន្តែ អ្វីៗមិនសុទ្ធតែធម្មតាឡើយ។
មើលវគ្គផ្សេងទៀត
-
ហេតុអ្វីសហរដ្ឋអាមេរិកលូកដៃចូលគម្រោងព្រែកជីក «ហ្វូណនតេជោ»?
បន្ទាប់ពីកម្ពុជាប្រកាសពីគម្រោងព្រែកជីកពីតាកែវទៅកាន់សមុទ្រខេត្តកែបនៅចុងឆ្នាំ២០២៤ នេះ គេឃើញមានប្រតិកម្មមួយចំនួនបានធ្លាក់មកជាបន្តបន្ទាប់។ វៀតណាមដែលជាប្រទេសនៅកៀកនឹងគម្រោងព្រែកជីក«ហ្វូណនតេជោ» បានប៉ុនប៉ងរារាំងគម្រោងនេះក្រោមលេសពីការប៉ះពាល់ដល់បរិស្ថាន។ ចំណែកសហរដ្ឋអាមេរិកបានសម្តែងក្តីបារម្ភថា គម្រោងនេះអាចជា «ផ្លូវនាវាចរណ៍របស់កងយោធាជើងទឹកចិន»។ តែសម្រាប់កម្ពុជា រាល់ការលើកឡើងទាំងនេះសុទ្ធសឹងជាហេតុផលនយោបាយ៕16/04/202412:56 -
តើការកាប់ឈើជាផ្នែកមួយនាំឲ្យមានការឡើងកម្តៅផែនដីដែរឬទេ?
ការឡើងកម្តៅផែនដីកំពុងបង្កផលវិបាកដល់មនុស្ស សត្វ និងធនធានជីវចម្រុះគ្រប់ប្រភេទ។ ផលវិបាកនៃការឡើងកម្តៅផែនដី កំពុងត្រូវបាន មនុស្សជាច្រើនស្វែងយល់ពីមូលហេតុ និងរកមុខអ្នកទទួលខុសត្រូវ។ មន្ត្រីបរិស្ថានកម្ពុជា អះអាងថា ការប្រែប្រួលអាកាសធាតុនេះ មិនមែនមកពីកម្ពុជាកាប់បំផ្លាញព្រៃឈើទេ។ ប៉ុន្តែបញ្ហានេះគឺបណ្តាលមកពីការដុតផូស៊ីលនៅប្រទេសឧស្សាហកម្មធំៗ។ សម្រាប់សកម្មជនបរិស្ថាន ការកាប់បំផ្លាញព្រៃឈើក៏ជាផ្នែកមួយនាំឲ្យមានការប្រែប្រួលអាកាសធាតុ។10/04/202410:05 -
វិវាទរវាងអាជ្ញាធរ និងគណបក្សប្រឆាំងជុំវិញការប្រើប្រាស់ទីលានប្រជាធិបតេយ្យ
គណបក្សកម្លាំងជាតិអះអាងថា ខ្លួននៅតែរក្សាជំហរដើម ក្នុងការជួបជុំគ្នា នៅទីលានប្រជាធិបតេយ្យដើម្បីទាមទារឲ្យដោះលែងអ្នកនយោបាយ២រូបដែលត្រូវអាជ្ញាធរចាប់ខ្លួន នាពេលកន្លងមកនេះ។ ការអះអាងរបស់គណបក្សកម្លាំងជាតិធ្វើឡើង បន្ទាប់ពីសាលារាជធានីភ្នំពេញសម្រេច មិនអនុញ្ញាតឲ្យគណបក្សប្រឆាំងនេះធ្វើបាតុកម្មនៅទីលានប្រជាធិបតេយ្យដើម្បីទាមទារដោះលែង លោក អ៊ុំ វីរៈរដ្ឋ និងលោក មឺ សេងហ៊ ហៅ គា វិសាល។ បើតាម អាជ្ញាធរក្រុង ការទាមទារនេះរបស់បក្សប្រឆាំងមិនត្រឹមត្រូវ ព្រោះសំណុំរឿងនេះកំពុងស្ថិតក្នុងនីតិវិធីរបស់តុលាការ។ តែមន្ត្រីសិទ្ធិមនុស្សលើកឡើងថា ភាគីទាំងពីរគួរមានការសម្របសម្រួលគ្នា។09/04/202410:16 -
តើគួរបន្ថែមម៉ោងសិក្សាដល់សិស្សថ្នាក់បឋមដែរឬទេ?
នៅថ្ងៃទី២ ខែមេសា ឆ្នាំ២០២៤ ប្រមុខរដ្ឋាភិបាលកម្ពុជាលោកហ៊ុន ម៉ាណែតបានប្រកាសបន្ថែមម៉ោងសិក្សាចំនួន២ម៉ោងដល់សិស្សថ្នាក់បឋម។ ការសាកល្បងនេះនឹងធ្វើឡើងនៅក្នុងសាលារៀនចំនួន៥០ ហើយបើជោគជ័យ គឺនឹងត្រូវដាក់ឲ្យអនុវត្តនៅទូទាំងប្រទេសតែម្តង។ អ្នកតាមដានការអប់រំបានបង្ហាញជំហរគាំទ្រផែនការមួយនេះ។ តែពួកគេចង់ឲ្យរដ្ឋាភិបាលបំពាក់សម្ភារៈបរិក្ខារឲ្យគ្រប់គាន់ដល់សាលារៀនជាមុនសិនទើបក្មេងៗថ្នាក់បឋមអាចរៀនពេញម៉ោងបាន៕03/04/202410:04 -
តើការបែងចែកកំណើនសេដ្ឋកិច្ចរបស់កម្ពុជាមានសមធម៌ដែរ ឬទេ?
អ្នកជំនាញរបស់ធនាគារពិភពលោកបានព្យាករណ៍ថា សេដ្ឋកិច្ចកម្ពុជានៅឆ្នាំ ២០២៤ នេះនឹងមានកំណើន ៥.៨% ពោលច្រើនជាងឆ្នាំ២០២៣ ដែលមាន ៥.៤%។ បើតាមប្រធានផ្នែកសេដ្ឋកិច្ចនៃធនាគាពិភពលោក(WB) កំណើននេះបានមកពីការនាំចេញផលិតផលកាត់ដេរ ពីវិស័យទេសចរណ៍ កសិកម្ម និងការងើបឡើងវិញនៃវិស័យសំណង់ និងអចលនទ្រព្យ។ តែខុសពីធនាគារពិភពលោក រដ្ឋាភិបាលកម្ពុជាបានព្យាករណ៍កំណើនសេដ្ឋកិច្ចរបស់ខ្លួនដែលមានដល់ទៅ ៦.៦% នៅឆ្នាំ២០២៤ នេះ។ ទោះជាយ៉ាងណា អ្នកតាមដានសង្គមចង់ឃើញការបែងចែកកំណើនសេដ្ឋកិច្ចនេះមានសមធម៌ ខណៈគម្លាតរវាងអ្នកមាន និងអ្នកក្រីនៅឃ្លាតគ្នាខ្លាំងនៅឡើយ៕02/04/202411:13