លោក អ៊ឹម សុខរិទ្ធី៖ អក្សរបរទេសដែលគូសវាសនៅលើជញ្ជាំងប្រាសាទអង្គរមានតាំងពីយូរមកហើយ
ចុះផ្សាយនៅថ្ងៃ៖
ស្តាប់ - ០៩:៥០
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក អ៊ឹម សុខរិទ្ធី អនុប្រធាននាយកដ្ឋានផ្សព្វផ្សាយនៃអាជ្ញាធរអប្សរា។ ក្នុងពេលថ្មីៗនេះ មានការផ្សព្វផ្សាយរូបថតនៅលើបណ្តាញសង្គម Facebookថា ភ្ញៀវទេសចរបរទេសជាជនជាតិវៀតណាម ថៃ និងចិន បានសរសេរអក្សរនៅលើជញ្ជាំងប្រាសាទអង្គរ ដែលបណ្តាលឲ្យខូចខាតលើក្បាច់ចម្លាក់នៅលើជញ្ជាំងរាប់ពានឆ្នាំរបស់កម្ពុជា។ តែលោក អ៊ឹម សុខរិទ្ធី បានបំភ្លឺថា អក្សរបរទេសទាំងនោះ បានកើតតាំងពីយូរមកហើយ ពោលគឺតាំងពីមុនប្រាសាទអង្គរត្រូវបានចុះបញ្ជីជាសម្បត្តិបេតិកភណ្ឌពិភពលោកនៅដើមទសវត្សរ៍ទី៩០មកម្លេះ។ យ៉ាងណាក៏ដោយ ជាវិធានការ អាជ្ញាធរនឹងមិនបណ្តែតបណ្តោយឲ្យភ្ញៀវបរទេស ធ្វើតាមតែអំពើចិត្តរបស់ពួកគេទៀតនោះទេ។
