លោក ឆាំង យុ៖ សាលក្រមកាត់ទោសអតីតមេដឹកនាំខ្មែរក្រហមថ្ងៃនេះ មិនមែនជាជោគជ័យនោះទេ
ចុះផ្សាយនៅថ្ងៃ៖
ស្តាប់ - ១០:១៥
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក ឆាំង យុ ប្រធានមជ្ឈមណ្ឌលឯកសារកម្ពុជា។ ឆ្លើយតបទៅនឹងសំណួររបស់វិទ្យុបារាំងអន្តរជាតិ RFI ជុំវិញការកាត់ទោសអតីតមេដឹកនាំខ្មែរក្រហម លោក ខៀវ សំផន និងលោក នួន ជា នៅថ្ងៃនេះ លោក ឆាំង យុ បានហៅសាលក្រមនេះថា មិនមែនជាជោគជ័យនោះទេ ប៉ុន្តែវាគឺជាសមិទ្ធផលថ្មីមួយទៀតសម្រាប់កម្ពុជា ក្នុងការឈានមួយជំហានទៀត ឆ្ពោះទៅរកយុត្តិធម៌ពិតប្រាកដជូនដល់ជនរងគ្រោះ។ បើតាមលោក ឆាំង យុ ជោគជ័យ លុះណាតែកម្ពុជានិងពិភពលោក អាចទប់ស្កាត់កុំឲ្យអំពើប្រល័យពូជសាសន៍នេះ វិលត្រឡប់មកជាថ្មីបាន។ ហើយថា ការកាត់ទោសឲ្យអតីតមេដឹកនាំខ្មែរក្រហមជាប់ពន្ធនាគាអស់មួយជីវិតនេះ វាមិនស្មើនឹងការឈឺចាប់របស់ជនរងគ្រោះនោះទេ។
