រដ្ឋមិនអាចលូកដៃក្នុងការដំឡើងថ្លៃរបស់ក្រុមហ៊ុនដឹកជញ្ជូន តែមានសំណូមពរឲ្យមានការបង្កើតសេវាដឹកជញ្ជូនរបស់រដ្ឋ
ចុះផ្សាយនៅថ្ងៃ៖
ស្តាប់ - ០៨:៥៤
វាមិនមែនជារឿងថ្មីទេដែលថា ពេលមានបុណ្យទានធំៗម្តងៗ រថយន្តតាក់ស៊ីទាំងតូចទាំងធំ រួមទាំងរថយន្តក្រុងផងដែរ បានដំឡើងថ្លៃរបស់ពួកគេខ្ពស់ រហូតទៅដល់ពីរដងក៏មានធៀបទៅនឹងតម្លៃធម្មតា។ ការដំឡើងថ្លៃឈ្នួលរថយន្តនេះ ធ្វើឲ្យមានប្រតិកម្មជាច្រើនពីសំណាក់ប្រជាពលរដ្ឋខ្មែរ ជាពិសេសអ្នកដែលមានជីវភាពក្រីក្រនិងកម្រិតមធ្យម។ ដោយសារតែសេវាកម្មរថយន្តក្រុងធ្វើឡើងតាមបែបសេដ្ឋកិច្ចទីផ្សារសេរី រដ្ឋាភិបាលមិនអាចប្រើប្រាស់ឥទ្ធិពលរបស់ខ្លួនធ្វើឲ្យតម្លៃឡានឈ្នួលឯកជនចុះថ្លៃដូចធម្មតាឬក៏ឡើងថ្លៃបន្តិចបន្តួចបានទេ។ ក្រុមហ៊ុនឯកជនក៏មានហេតុផលមួយចំនួនដែរ។ ជាអនុសាសន៍ រដ្ឋគួរបង្កើតសេវាដឹកជញ្ជូនរយៈចង្ងាយឆ្ងាយ ដូចជាក្រុមហ៊ុនឯកជនដូច្នោះដែរ ដើម្បីកុំឲ្យក្រុមហ៊ុនឯកជនជិះសេះលែងដៃ។