AFD ជួយស្តារព្រែកចំនួន៣០ នៅខេត្តកណ្តាល នៅក្នុងគម្រោងជំនួយកសិកម្មគ្រួសារ
ទីភ្នាក់ងារអភិវឌ្ឍន៍បារាំង AFD បានជួយស្តារព្រែកចំនួន ៣០ នៅក្នុងខេត្តកណ្តាល និងនៅជុំវិញបឹងទន្លេសាប ដោយចំណាយទឹកប្រាក់ចំនួន៣០លានដុល្លារ។ ជំនួយរបស់រដ្ឋាភិបាល បារាំងតាមរយៈ AFD នាពេលនេះបានធ្វើឡើងខណៈដែលមានការអបអរស្តីពីទិវាកសិកម្មគ្រួសារ។ អ្នកសារព័ត៌មាន និងអ្នកពាក់ព័ន្ធនានាលើវិស័យកសិកម្មត្រូវបានអញ្ជើញឲ្យចូលរួមនៅក្នុងដំណើទស្សនកិច្ចមួយទៅកាន់ស្រុកស្អាងខេត្តកណ្តាលនៅថ្ងៃសៅរ៍នេះ ដើម្បីពិនិត្យមើលការងារស្តារព្រែក ដែលមានការសាទរពីប្រជាពលរដ្ឋនៅទីនោះ។
ចុះផ្សាយនៅថ្ងៃ៖
ស្តាប់ - ០១:៥៨
អ្នកសារព័ត៌មានប្រមាណ២០ស្ថាប័ននិងផ្នែកពាក់ព័ន្ធខាងកសិកម្មនានាដឹកនាំដោយ ទីភ្នាក់ងារ អភិវឌ្ឍន៍បារាំង AFD បានចុះទៅកាន់ស្រុកស្អាងខេត្តកណ្តាលនៅព្រឹកថ្ងៃសៅរ៍ទី២៥តុលានេះ ដើម្បីពិនិត្យមើលការងារជាក់ស្តែងមួយចំនួនទាក់ទងទៅនឹងការស្តារប្រព័ន្ធធារាសាស្ត្រ ក្រោមជំនួយឧបត្ថមរបស់ទីភ្នាក់ងារ ហ្វ្រង់កូហ្វូននេះ។
ទស្សនកិច្ចដែលមានការអបអរពីប្រជាពលរដ្ឋនៅក្នុងខេត្តកណ្តាលផងនោះ ត្រូវបានបញ្ជាក់ពីមន្ត្រីទីភ្នាក់ងារ AFD ថាស្ថិតនៅក្នុងកម្រោងសកម្មភាពនៃជំនួយរបស់ប្រទេសបារាំងក្នុងការស្តារព្រែកចំនួន ៣០នៅក្នុងខេត្តកណ្តាល និងព្រែកមួយចំនួននៅតំបន់ជុំវិញបឹងទន្លេសាប។
លោក André POUILLES-DUPLAIX នាយកAFDប្រចាំនៅកម្ពុជា បានមានប្រសាសន៍ថា សម្រាប់ការចាប់ផ្តើមនេះ ព្រែកចំនួនពីរកំពុងតែមានសកម្មភាពស្តារក្នុងចំណោមព្រែកចំនួន៣០ ហើយដែលត្រូវចំណាយទឹកប្រាក់សរុបចំនួន ២៤លានអឺរ៉ូ ស្មើនឹង ៣០លានដុល្លារ។
កាយវិការនេះត្រូវបានអប់អរសាទរដោយប្រជាពលរដ្ឋដែលរស់នៅក្នុងខេត្តកណ្តាល អាស្រ័យផលនឹងការធ្វើដំណាំចំការ។ជាទូទៅតំបន់ដែលមានដី ប្រកបដោយជីជាតិ នៅក្នុងស្រុកស្អាងខេត្តកណ្តាលជាភូមិសាស្ត្រដែលលិចទឹកនៅរដូវវស្សា។កាស្តារព្រែកដែលនឹងបន្សល់ទុកនូវអាចម៍ដីជាច្រើននឹងជួយដល់កសិករក្នុងការពង្រីកដំណាំចំការរបស់ពួកគេគ្រប់រដូវ ដោយមិនបារម្ភពីការលិចទឹក ជាពិសេសដំណាំអំពៅ។
ប្រធាន AFD ឲ្យដឹងទៀតថា ព្រឹត្តិការណ៍នេះ ធ្វើឡើងក្នុងក្របខ័ណ្ឌ នៃឆ្នាំអន្តរជាតិ នៃកសិកម្ម ជាលក្ខណៈគ្រួសារ ឆ្នាំ២០១៤ ដើម្បីឆ្លុះបញ្ចាំងអោយឃើញ អំពីសកម្មភាព ដែលប្រទេសបារាំង សម្រេចបានក្នុងវិស័យនេះ នៅកម្ពុជា។
ចាប់តាំងពីឆ្នាំ១៩៩៣ មក ទីភ្នាក់ងារ AFD បានផ្តល់ហិរញ្ញប្បទាន ប្រមាណ ៨០ លានដុល្លារ ដល់កម្ពុជា ដើម្បីរៀបចំប្រព័ន្ធធារាសាស្ត្រកសិកម្ម និងពង្រឹងតួអង្គពាក់ព័ន្ធក្នុងវិស័យនេះ ដោយសម្រេចបាន ការស្តារប្រព័ន្ធស្រោចស្រពជាង ៥០.០០០ ហិកតា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ