Delicious
Digg
Facebook
Twitter
Yahoo!
Technorati
កម្ពុជា-អ.ស.ប. -
អត្ថបទចុះផ្សាយនៅថ្ងៃ ព្រហស្បតិ៍ 18 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ ព្រហស្បតិ៍ 18 តុលា 2012
កម្ពុជាជាបេក្ខជនក្នុងការបោះឆ្នោតរើសសមាជិកក្រុមប្រឹក្សាសន្តិសុខអ.ស.ប.នៅថ្ងៃនេះ
កម្ពុជា កូរ៉េខាងត្បូង និងប៊ូតង់ ជាប្រទេសបេក្ខជនប្រជែងយកអាសនៈសមាជិកមិនអចិន្រ្តៃយ៍នៃក្រុមប្រឹក្សាសន្តិសុខ ជំនួសឥណ្ឌា ដែលផុតអាណត្តិ
REUTERS/ Joshua Lott
អ.ស.ប.ត្រូវធ្វើការបោះឆ្នោត នៅថ្ងៃព្រហស្បតិ៍នេះ ដើម្បីជ្រើសរើសសមាជិកមិនអចិន្រ្តៃយ៍ នៃក្រុមប្រឹក្សាសន្តិសុខ សម្រាប់អាណត្តិ ២០១៣-២០១៥ ដែលនៅក្នុងនោះ ក៏រួមមានប្រទេសកម្ពុជា ជាបេក្ខជនមួយដែរ។ ការបោះឆ្នោតនឹងត្រូវធ្វើឡើង នៅក្នុងមហាសន្និបាតអ.ស.ប. ហើយដើម្បីបានជាប់ឆ្នោត ប្រទេសជាបេក្ខជនចាំបាច់ត្រូវតែទទួលបានសំឡេងគាំទ្រយ៉ាងតិច ២ភាគ៣។
ការបោះឆ្នោតនឹងត្រូវចាប់ផ្តើមធ្វើ នៅម៉ោង ១០ព្រឹក ថ្ងៃព្រហស្បតិ៍ ម៉ោងនៅទីក្រុងញូវយ៉ក (ត្រូវនឹងម៉ោង ៩យប់ នៅប្រទេសកម្ពុជា)។
ក្នុងចំណោមសមាជិកមិនអចិន្រ្តៃយ៍ទាំង ១០ របស់ក្រុមប្រឹក្សាសន្តិសុខអ.ស.ប. មានប្រទេសចំនួន ៥ ដែលត្រូវផុតអាណត្តិ នៅចុងខែធ្នូខាងមុខ ហើយដែលគេត្រូវបោះឆ្នោតជ្រើសរើសថ្មី សម្រាប់អាណត្តិ ២ឆ្នាំ (២០១៣-២០១៥)។ ប្រទេសទាំង ៥ ដែលត្រូវផុតអាណត្តិឆ្នាំនេះ គឺរួមមាន ឥណ្ឌា (តំណាងតំបន់អាស៊ី) អាហ្វ្រិកខាងត្បូង (តំណាងតំបន់អាហ្វ្រិក) កូឡុំប៊ី (តំណាងតំបន់អាមេរិកកណ្តាល និងអាមេរិកឡាទីន) អាល្លឺម៉ង់ និងព័រទុយហ្កាល់ (តំណាងតំបន់អឺរ៉ុបខាងលិច និងតំបន់ផ្សេងទៀត)។
និយាយពីប្រទេសជាបេក្ខជនវិញ រវ៉ាន់ដា គឺជាប្រទេសតែមួយគត់ ដែលត្រូវបានជ្រើសរើសជាបេក្ខជនតំណាងតំបន់អាហ្វ្រិក សម្រាប់ជំនួសអាសនៈរបស់អាហ្វ្រិកខាងត្បូង ហើយប្រទេសអាហ្សង់ទីន ក៏ជាបេក្ខជនទោលដែរ សម្រាប់ជំនួសអាសនៈរបស់កូឡុំប៊ី មកពីតំបន់អាមេរិកកណ្តាល និងអាមេរិកឡាទីន។ មកពីតំបន់អឺរ៉ុបខាងលិច និងតំបន់ផ្សេងទៀត មានបេក្ខជន ៣ គឺហ្វាំងឡង់ អូស្រ្តាលី និងលុចសំបួ ប្រជែងយកអាសនៈ ចំនួន ២ ជំនួសកន្លែងអាល្លឺម៉ង់ និងព័រទុយហ្កាល់។ ដោយឡែក សម្រាប់តំបន់អាស៊ីវិញ មានប្រទេសចំនួន ៣ គឺ កម្ពុជា កូរ៉េខាងត្បូង និងប៊ូតង់ ប្រជែងគ្នាយកអាសនៈតែមួយ ជំនួសកន្លែងឥណ្ឌា។
យោងតាមមន្រ្តីការទូតនៅអ.ស.ប. ហ្វាំងឡង់ និងអូស្រ្តាលី ទំនងជាមានប្រៀបលើលុចសំបួ សម្រាប់ប្រជែងយកអាសនៈទាំងពីរ ជំនួសកន្លែងរបស់អាល្លឺម៉ង់ និងព័រទុយហ្កាល់។ ផ្ទុយទៅវិញ កម្ពុជា កូរ៉េខាងត្បូង និងប៊ូតង់ មានសំឡេងគាំទ្រប្រហាក់ប្រហែលគ្នា ដែលគេពិបាកនឹងទស្សន៍ទាយទុកមុនថា តើប្រទេសមួយណា ដែលនឹងអាចជាប់ឆ្នោត ឡើងមកជំនួសកន្លែងរបស់ឥណ្ឌា?
គួរបញ្ជាក់ថា បើទោះជាមានប្រទេសជាបេក្ខជនតែមួយក៏ដោយ ឬមានបេក្ខជនច្រើនក៏ដោយ ដើម្បីបានជាប់ឆ្នោតជាសមាជិកមិនអចិន្រ្តៃយ៍របស់ក្រុមប្រឹក្សាសន្តិសុខ ប្រទេសជាបេក្ខជនចាំបាច់ត្រូវតែទទួលបាននូវសំឡេងគាំទ្រយ៉ាងតិច ២ភាគ៣ នៅក្នុងមហាសន្និបាតអ.ស.ប. ដែលមានសមាជិកទាំងអស់ ១៩៣ប្រទេស។ ក្នុងករណីដែលគ្មានប្រទេសណាមួយទទួលបានសំឡេងគាំទ្រ ២ភាគ៣នេះទេ ការបោះឆ្នោតនឹងត្រូវបន្តធ្វើ នៅជុំទី២ និងជុំបន្តបន្ទាប់ទៀត រហូតទាល់តែមានសំឡេង ២ភាគ៣។ មានពេលខ្លះ ដូចជា កាលពីឆ្នាំ១៩៧៩ ដែលពិភពលោកកំពុងស្ថិតក្នុងសង្រ្គាមត្រជាក់ ប្រទេសកូឡុំប៊ី និងគុយបា បានឆ្លងកាត់ការបោះឆ្នោត រហូតដល់ទៅ ១៥៤ជុំ និងចំណាយពេលរហូតដល់ទៅ ៣ខែ ក៏នៅតែគ្មានប្រទេសណាមួយរកបានសំឡេងគាំទ្រ ២ភាគ៣ រហូតទាល់តែប្រទេសទាំងពីរសុខចិត្តដកខ្លួនថយរៀងៗខ្លួន ហើយប្រគល់អាសនៈទៅឲ្យម៉ិចស៊ិក ដើម្បីបញ្ចប់ភាពជាប់គាំង៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
Among dipolmats cycle, they
Among dipolmats cycle, they knew the potential lost of Cambodia at the UNSC election several months ago. The main motivation was due to Namhong's inability in diplomatic manoeuvre and not responsive to the rapid changes of int'l atmosphere. He is too old and has no more creatives towards any success for the country at the curent context of global affairs. The failure of his diplomacy at the Asean meetings in July was another clear justification. As the chief diplomat at the age of aproximatetly 80, his brain works very slow and sometimes idle to questions raised as everyone observed at the press conference after ASEAN meetings in July. Asean dipomat insiders disclosed Namhong's idle and non-response during delebration of Asean meetings. He is unable to work effectively anymore, and thus PM Hun Sen should consider resuflt his chief diplomat in a bit to gain credibility of his govt's diplomacy in the int's community.
ប្រតិកម្មជុំវិញអត្ថបទនេះ