អ្នកជំនាញនៅតែមើលឃើញថាគ្រឿងស្រវឹងជាមូលហេតុចម្បងនៃគ្រោះថ្នាក់ចរាចរណ៍ក្នុងថ្ងៃបុណ្យចូលឆ្នាំ
ចុះផ្សាយនៅថ្ងៃ៖
ស្តាប់ - ០៨:៤៥
អ្នកជំនាញនៃអង្គការសង្គមស៊ីវិលដែលសិក្សាលើបញ្ហាគ្រឿងស្រវឹងនៅកម្ពុជាបានអះអាងថា នៅថ្ងៃពិធីបុណ្យចូលឆ្នាំខ្មែរនេះ គ្រឿងស្រវឹងនៅតែជាចំណុចចំបងដែលបណ្តាលឱ្យមានគ្រោះថ្នាក់ចរាចរណ៍សម្លាប់ពលរដ្ឋខ្មែររាប់សិបនាក់ក្នុងរយៈពេលនេះ។ ហើយថា ការប្រើប្រាស់គ្រឿងស្រវឹងបានក្លាយជាប្រពៃណីរបស់ជនជាតិខ្មែរមួយចំនួនធំ ក្នុងពិធីជួបជុំទៅហើយ។ អ្នកជំនាញបានអះអាងថា ការផ្សព្វផ្សាយពាណិជ្ជកម្មស្រាបៀរតាមប្រព័ន្ធផ្សព្វផ្សាយ និងកង្វះច្បាប់គ្រប់គ្រងគ្រឿងស្រវឹង គឺជាចំណុចសំខាន់នៃការកើនឡើងនៃការប្រើប្រាស់គ្រឿងស្រវឹងនេះ។ ប៉ុន្តែយ៉ាងណាក៏ដោយ ដើម្បីកាត់បន្ថយគ្រោះថ្នាក់ចរាចរណ៍ គឺមានតែការគោរពច្បាប់ និងអធ្យាស្រ័យគ្នា និងការមិនប្រើប្រាស់គ្រឿងស្រវឹងផ្ទាល់តែម្តង។