អ្នកសេដ្ឋកិច្ចអះអាងថា កម្ពុជាត្រូវងាកមកពង្រឹងវិស័យឧស្សាហកម្មធុនធ្ងន់
ចុះផ្សាយនៅថ្ងៃ៖
ស្តាប់ - ០៨:៥៩
អ្នកវិភាគសេដ្ឋកិច្ចបានអះអាង កម្ពុជាដែលជាប្រទេសកំពុងអភិវឌ្ឍ និងនៅមានសេដ្ឋកិច្ចទន់ខ្សោយនោះ ត្រូវងាកមកពង្រឹងវិស័យឧស្សាហកម្មកែច្នៃ និងឧស្សាហកម្មធុនធ្ងន់ហើយដើម្បីជួយជំរុញខឿនសេដ្ឋកិច្ចប្រទេស និងកែប្រែជីវភាពកម្មករ ពលរដ្ឋ ខណៈដែលវិស័យកាត់ដេរនៅកម្ពុជាដែលជាសសរស្តម្ភសេដ្ឋកិច្ចមួយ មិនមែនជាខឿនសេដ្ឋកិច្ចយូរអង្វែងនោះទេ។ ប៉ុន្តែអ្នកសេដ្ឋកិច្ចដដែលបានអះអាងថាកម្ពុជាត្រូវការជម្នះបញ្ហាប្រឈមច្រើនតាំងពីធនធានមនុស្សដែលត្រូវត្រៀមលក្ខណៈជាស្រេច។ រដ្ឋាភិបាលកម្ពុជាវិញបានអះអាងថា នាពេលបច្ចុប្បន្ននេះ កម្ពុជាត្រូវការទាំងឧស្សាហកម្មកាត់ដេរ និងឧស្សាហកម្មកែច្នៃ រួមទាំងឧស្សាហកម្មធុនធ្ងន់ដើម្បីជួយជំរុញសេដ្ឋកិច្ចរបស់ខ្លួន។ រដ្ឋាភិបាលបានបញ្ជាក់ថា គឺបានត្រៀមគោលការណ៍ជាតិច្បាស់លាស់ហើយដើម្បីជំរុញសេដ្ឋកិច្ច និងកំណត់ទិសដៅច្បាស់លាស់។
