Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ ព្រហស្បតិ៍ 05 មេសា 2012 -
ព័ត៌មានទើបកែប្រើលើកចុងក្រោយ ថ្ងៃ ព្រហស្បតិ៍ 05 មេសា 2012
អាជ្ញាធរបារាំង៖ បុរសនិងកូន៤នាក់ដែលស្លាប់ក្នុងត្រពាំង គឺជាគ្រួសាររបស់លោកវ៉ាលីយ៉េ
កូនតូចៗប្រុសស្រី៤នាក់របស់លោកឡូរ៉ង់ វ៉ាលីយ៉េជនជាតិបារាំង
RFI/Leang Delux
ស្ថានទូតបារាំងប្រចាំកម្ពុជា បានចេញផ្សាយសេចក្តីប្រកាសព័ត៌មានមួយនៅថ្ងៃនេះដើម្បីបញ្ជាក់ថា បុរសម្នាក់និងកូនតូចៗប្រុសស្រី៤នាក់ដែលស្លាប់យ៉ាងអាថ៌កំបាំងនៅក្រោយផ្ទះរបស់ខ្លួននោះ គឺពិតជាលោកឡូរ៉ង់ វ៉ាលីយ៉េ ជនជាតិបារាំងពិតប្រាកដមែន។ ការបញ្ជាក់នេះត្រូវបានធ្វើតាមរយៈការធ្វើកោសល្យវិច័យលើ DNA របស់ជនរងគ្រោះទាំងនេះ។
នៅក្នុងអំឡុងខែកញ្ញាឆ្នាំ២០១១កន្លងទៅ លោកឡូរ៉ង់ វ៉ាលីយេ និងកូនប្រុសស្រី៤នាក់ស្រាប់តែបាត់ខ្លួនគ្មានដំណឹងទាល់តែសោះ។ ស្ថានទូបារាំងប្រចាំកម្ពុជាក៏បានជូនដំណឹងអំពីការបាត់ខ្លួនរបស់ក្រុមគ្រួសារលោកវ៉ាលីយេនេះទៅអាជ្ញាធរកម្ពុជាដែរ។
|
នៅថ្ងៃទី១៤មករា ពោលគឺ៤ខែក្រោយមក ស្ថានទូតបារាំងបានចេញសេចក្តីប្រកាសព័ត៌មានមួយដោយសរសេរថា អាជ្ញាធរកម្ពុជាបានរកឃើញរថយន្តមួយដែលបានលិចកប់ក្នុងទឹកស្រះក្រោយផ្ទះរបស់លោកវ៉ាលីយេនៅក្នុងច្បារមនខេត្តកំពង់ស្ពឺនោះ។ រឿងដ៏គួរសោកសង្រេងនោះ គឺគេបានរកឃើញគ្រោងឆ្អឹងជាច្រើននៅក្នុងរថយន្តនោះ ហើយសមត្ថកិច្ច និងស្ថានទូតបារាំងសង្ស័យថា អាចជាសាកសពរបស់ក្រុមគ្រួសាររបស់លោកវ៉ាលីយេនោះ។ ប៉ុន្តែមិនទាន់មានការបញ្ជាក់ច្បាស់លាស់នោះឡើយ។
ទើបតែនៅថ្ងៃ៥មេសានេះ ស្ថានទូតបារាំងប្រចាំកម្ពុជាបានប្រកាសផ្លូវការបញ្ជាក់ថា តាមរយៈការធ្វើកោសល្យវិច័យDNA សាកសពនៅក្នុងរថយន្តដែលលិចក្នុងទឹកស្រះនោះ គឺជាសាកសពរបស់ក្រុមគ្រួសាររបស់លោកឡូរ៉ង់ វ៉ាលីយេមែន។ ហើយថា លទ្ធផលកោសល្យវិច័យដែលធ្វើដោយនគរបាលរបស់បារាំងនេះត្រូវបានប្រគល់អោយអាជ្ញាធរកម្ពុជាហើយដែរ។
សេចក្តីប្រកាសព័ត៌មានរបស់ស្ថានទូតបារាំងបានសរសេរបន្ថែមថា ការស៊ើបអង្កេតមួយដោយចៅក្រមស៊ើបសួររបស់បារាំងក៏បានប្រព្រឹត្តិទៅដូចគ្នា នឹងតុលាការខេត្តកំពង់ស្ពឺរបស់ប្រទេសកម្ពុជាដែរ។ ហើយចៅស៊ើបអង្កេតរបស់បារាំងក៏បានចេញដីកាអន្តរជាតិមួយ ដើម្បីស្នើសុំអោយបញ្ជូនគ្រោងឆ្អឹងរបស់ក្រុមគ្រសារលោកវ៉ាលីយេទៅប្រទេសបារាំងដើម្បីការស៊ើបអង្កេតបន្ថែម។
គួរបញ្ជាក់ថា លោកឡូរ៉ង់ វ៉ាលីយេបានចូលមករស់នៅកម្ពុជារយៈជាង១២ឆ្នាំហើយ។ ប្រពន្ធលោកវ៉ាលីយេជាជនជាតិខ្មែរបានស្លាប់នៅក្រោយពេលសំរាលកូនទី៤ហើយ។ ការស្លាប់របស់លោកវ៉ាលីយេ និងកូនប្រុសស្រីយ៉ាងអាណោចអាធមនៅតែស្ថិតនៅក្នុងអាថ៌កំបាំងដដែល៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ