ភ្ញៀវ​ប្រចំាសប្តាហ៍​របស់​វិទ្យុបារំាងអន្តរជាតិ​នៅ​​ថ្ងៃសៅរ៍ ទី១១ កុម្ភៈ​នេះ គឺ​លោក យឹម សារី អ្នកនំាពាក្យ​គណៈមេធាវី​នៃ​ព្រះរាជាណាចក្រ​កម្ពុជា។ ឆ្លើយ​នឹង​សំណួរ​របស់​គួច គន្ធារ៉ា លោក យឹម សារី​បាន​បញ្ជាក់​ថា ក្រុមប្រឹក្សា​​គណៈមេធាវី​នឹង​កោះ​ហៅ​លោក​មេធាវី ជូង ជូងី​ឲ្យ​ចូល​បំភ្លឺ​ករណី​ចំនួន​ពីរ ទីមួយ គឺ​ទាក់ទង​នឹង​សន្និសីទ​កាសែត​ដែល​លោក ជូង ជូងី​បាន​ធ្វើ​កាល​ពី​ខែ​ធ្នូ ឆ្នំា ២០១១ និង​ករណី​ទីពីរ គឺ​ទាក់ទង​នឹង​បណ្តឹង​របស់​តុលាការ​ខេត្ត​កណ្តាល​ដែល​បាន​ចោទ​លោក ជូង ជូងី ពី​បទ​បាន​រំដោះ​ជនជាប់​ចោទ​ឲ្យ​រត់​ចេញ​ពី​ពន្ធនាគារ​កាលពី​ថ្ងៃ​ទី ២៣ កញ្ញា ឆ្នំា ២០១១។

រដ្ឋាភិបាល​​​​កម្ពុជា​​​ កំពុង​​​ខិតខំ​​​ប្រឹងប្រែង​​​បញ្ចុះបញ្ចូល​​​បណ្តា​​​ប្រទេស​​​ជា​មិត្ត​​​ជា​​ច្រើន​​​ឲ្យ​​​គាំទ្រ​​​បេក្ខភាព​​​របស់​​​ខ្លួន​​​ដើម្បី​​​ក្លាយ​​ជា​​​សមាជិក​​​មិន​​​អចិន្ត្រៃយ៍​​​របស់​​​ក្រុមប្រឹក្សា​​សន្តិ​សុខ​​​អង្គការ​​​សហប្រជាជាតិ​​​សម្រាប់​​​អាណត្តិ​​​ឆ្នាំ​​​២០១៣​-២០១៤​​​ខាង​​មុខ​ ​​តែ​​​ការ​​​បោះឆ្នោត​​​នឹង​​​ប្រព្រឹត្ត​​​ទៅ​​​នៅ​​​​ចុង​​​ឆ្នាំ​​២០១២​​នេះ។​​​