ព្រឹត្តិការណ៍កម្ពុជាប្រចាំថ្ងៃ
បាតុកម្មគណបក្សសង្គ្រោះជាតិធ្វើដោយរលូនក្នុងរយះពេល២ថ្ងៃកន្លងមក
ចុះផ្សាយនៅថ្ងៃ៖
ស្តាប់ - ០៦:៥៥
បើមិនមានការប្រែប្រួល មហាបាតុកម្មជាលើកទីបីរបស់គណបក្សនឹងត្រូវបញ្ចប់នៅល្ងាចថ្ងៃសុក្រទី២៥នេះ ដូចការគ្រោងទុក។ ជាការកត់សម្គាល់ ការធ្វើបាតុកម្មរបស់គណបក្សប្រឆាំងក្នុងរយះពេលពីថ្ងៃមកនេះ បានប្រព្រឹត្តទៅដោយគ្មានអំពើហឹង្សា បើទោះបីជាបាតុកម្មមានការដើរដង្ហែក្បួនយ៉ាងណាក៏ដោយ។ ក៏ប៉ុន្តែអាជ្ញាធរបានលើកឡើងថា ចំនុចមួយចំនួននៃបាតុកម្មរបស់បក្សសង្គ្រោះជាតិមិនបានគោរពទៅតាមគោលការណ៏ជាក់លាក់ដែលបានព្រមព្រៀងជាមួយអាជ្ញាធរនោះទេ។ ដោយឡែក សង្គមស៊ីវិលបានលើកឡើងពីបញ្ហាអនាម័យនៅលើទីលានបាតុកម្ម។