សមាគមមនុស្សចាស់គួរតែជាយន្តការគាំពារសំឡេងមនុស្សចាស់នៅកម្ពុជា
ចុះផ្សាយនៅថ្ងៃ៖
ស្តាប់ - ១០:៥៩
ខណៈដែលសង្គមស្ទើរតែភ្លេចនឹកនាដល់សម្លេងមនុស្សចាស់ អ្នកបច្ចេកទេសគាំពារសុវត្ថិភាពជីវិត និងសក្តានុពលរបស់មនុស្សចាស់ បានផ្តល់យោបល់ថា សមាគមមនុស្សចាស់គួរតែជា យន្តការមួយចាំបាច់ និងដើម្បីបង្គ្រប់កញ្ចប់ថវិការដ្ឋដែលមានកំរិត ពិសេសដំណាក់កាលមិនទាន់មានកិច្ចគាំពារសង្គមសម្រាប់មនុស្សចាស់នៅកម្ពុជា។ សមាគមមនុស្សចាស់ ដែលមាននិរន្តភាព មិនត្រឹមតែថែរក្សាបណ្ណាល័យមនុស្សរស់ និងប្រពៃណីជាតិ សម្រាប់មនុស្សជំនាន់ក្រោយ ក៏មានដែរ ការគ្រប់គ្រងធនាគារស្រូវ ធនាគារគោ មុខរបរខ្នាតតូច កសិកម្មដាំបន្លែ និងការអប់រំសុខភាពបឋមដល់មនុស្សចាស់ ថែទាំមនុស្សចាស់តាមផ្ទះជាដើម។ រាជរដ្ឋាភិបាលកម្ពុជា បានគំាំទ្រយន្តការនេះ ហើយជំរុញអោយមានការបង្កើតសមាគមមនុស្សចាស់ យ៉ាងតិចឃុំ-សង្កាត់មួយ ត្រូវមានសមាគមមួយ និងគ្រប់គ្រងអោយមាននិរន្តភាព។