ការប្រយុទ្ធគ្នាដ៏ខ្លាំងនៅទីក្រុងSyrte
លោកស្រីរដ្ឋមន្ត្រីក្រសួងការបរទេសអាមេរិកាំង Hillary Clinton នៅថ្ងៃអង្គារម្សិលមិញ១៨តុលា នៅទីក្រុងទ្រីប៉ូលី បានសន្យាថា ប្រទេសគាត់គាំទ្រអាជ្ញាធរលីប៊ីដែលនិយាយខ្លាចតែលោកកាដាហ្វី វិលត្រឡប់មកកាន់អំណាចវិញ ដោយសារជំនួយនៃកុលសម្ព័ន្ធ Touareg នៅតំបន់វាលខ្សាច់ខាងត្បូងប្រទេស។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៤១
គឺជាទស្សនកិច្ចលើកទី១របស់មន្ត្រីជាន់ខ្ពស់អាមេរិកាំងម្នាក់នៅប្រទេសលីប៊ី ចាប់ពីឆ្នាំ២០០៨មក នៅខណៈដែលការប្រយុទ្ធគ្នាដ៏ខ្លាំងកំពុងតែប្រព្រឹត្តទៅនៅទីក្រុងSyrteជាមូលដ្ឋានចុងក្រោយនៃរបបដួលរលំ នៅថ្ងៃបន្ទាប់ពីទីក្រុងBani Walidបានធ្លាក់ក្នុងកណ្តាប់ដៃពួកអ្នកបះបោរ។
“ សហរដ្ឋអាមេរិកមានមោទនភាព ស្ថិតនៅក្បែរការប្រយុទ្ធរបស់អ្នក ដើម្បីសេរីភាពនិងបន្តដំណើរនេះ ដោយគោរពអធិបតេយ្យរបស់អ្នក ដោយគាំទ្រដំណើរប្រជាធិបតេយ្យូបនីយកម្មដែលគោរពច្បាប់ សិទ្ធិរបស់ជនជាតិភាគតិចនិងស្ត្រី។ អ្វីដ៏សំខាន់បំផុតត្រូវធ្វើឥឡូវនេះគឺត្រូវមានការកក់ក្តៅក្នុងចិត្តថា Kadhafi និងរបបរបស់គាត់ពុំអាចរំខានអុកឡុកលីប៊ីថ្មីបានទៀតឡើយ។ យើងសង្ឃឹមថា គាត់នឹងត្រូវគេចាប់ខ្លួនបានឬក៏ត្រូវគេសម្លាប់។ ដោយរបៀបនេះ អ្នកនឹងលែងភ័យខ្លាច គាត់ទៀតឡើយ ហើយអ្នកអាចនឹងធ្វើដំណើរបានទៅមុខទៀត”- នេះ ជាប្រសាសន៍របស់លោកស្រី Hillary Clinton។
លោក Mahmoud Jibril ជាមេដឹកនាំលំដាប់ថ្នាក់ទី២នៃក្រុមប្រឹក្សាជាតិអន្តរកាល ជឿជាក់ថា Kadhafi ប៉ុនប៉ងវិលត្រឡប់មកកាន់អំណាចវិញដោយសារជំនួយរបស់កុលសម្ព័ន្ធ Touareg នៅខាងជើងប្រទេស Niger នៅខាងត្បូងប្រទេស Libye និង Algérie និង Mali ។ Kadhafi ឬមួយ ធ្វើឲ្យរបបថ្មីនៅLibye បាត់បង់ស្ថិរភាព ឬ មួយប្រកាសរដ្ឋផ្តាច់ខ្លួនមួយនៅខាងត្បូងប្រទេស។
នៅ Syrte ចម្ងាយ ៣៦០ គ.ម ពី ខាងកើតទីក្រុង Tripoli ដែលក្រុមប្រឹក្សាជាតិអន្តរកាល រង់ចាំការធ្លាក់ដើម្បីប្រកាសការរំដោះLibyeទាំងស្រុង ការប្រយុទ្ធគ្នា បានកើនប្រពលភាព ជាទ្វេចាប់ពីថ្ងៃអង្គារម្សិលមិញ ជុំវិញ សង្កាត់ពីរ គឺ សង្កាត់"Dollar" និង សង្កាត់ “លេខ២” ដែលស្ថិតជានិច្ចក្នុងកណ្តាប់ដៃពួក Kadhafi។ ពួកKadhafi បានបាញ់កាំភ្លើងយន្តនិងកាំភ្លើងត្បាល់តបចំពោះការបាញ់កាំភ្លើងធំធុនធ្ងន់ជញ្ជ្រំរបស់ពួកយុទ្ធជននៃក្រុមប្រឹក្សាជាតិអន្តរកាល។ មានគ្រោះថ្នាក់ខ្លាំងណាស់ ដោយហេតុមានពួកអ្នកពួនស្ទាក់ចាំបាញ់របស់ពួក kadhafi។
កងកម្លាំងទ័ពពួកអ្នកបះបោរ ដែលបានរំដោះទីក្រុង Bani Walid បន្ទាប់ពីបានឡោមព័ទ្ធទីក្រុងនេះជាងប្រាំខែមក ត្រូវ ទៅជួយពួកសមមិត្តខ្លួនក្នុងការប្រយុទ្ធនៅទីក្រុង Syrte។
ក្នុងសភាពការណ៍បែបនេះ អូតង់ បានបញ្ជាក់ប្រាប់ថា ពុំទាន់អាចប្រកាសអំពីអវសាននៃបេសកកម្មរបស់ខ្លួន បាននៅឡើយទេ ការប្រយុទ្ធគ្នាប្រព្រឹត្តទៅនៅក្នុងមណ្ឌលរួញខើចខ្លាំងណាស់។ នៅតែមានការគំរាមកំហែងរបស់ពួក Kadhafi ទៅលើជីវិតបណ្តាជនស៊ីវិល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ