Africa

អាហ្វ្រ៊ិក

កងកម្លាំងសន្តិសុខអេហ្ស៊ីបនៅជិតក្រសួងការពារជាតិនៅទីក្រុងគែរ

05/05/2012 - អេហ្ស៊ីប

យោធាអេហ្ស៊ីបដាក់បំរាមគោចរនៅទីក្រុងគែរក្រោយពីមានទង្វើហិង្សា

ប្រមាណបីសប្តាហ៍ទៀតការបោះឆ្នោតជ្រើសតាំងប្រធានាធិបតីអេហ្ស៊ីបថ្មីនឹងឈានមកដល់។ ការប៉ះទង្គិចគ្នាដ៏ហិង្សារវាងក្រុមបាតុករនិងកងកម្លាំងយោធានៅថ្ងៃសុក្រម្សិលមិញ នៅជិតក្រសួងការពារជាតិនៅទីក្រុងគែរបានបណ្តាលឲ្យមានមនុស្សស្លាប់២នាក់និងរបួស៣៧៣នាក់។

លោក Nicolas Sarkozy បេក្ខជនប្រធានាធិបតីបារាំងឆ្នាំ២០១២

29/04/2012 - បារាំង-លីប៊ី

កាដាហ្វីប្រហែលជាបានផ្តល់ហិរញ្ញប្បទានឲ្យសាកូហ្ស៊ីសម្រាប់ធ្វើការឃោសនាបោះឆ្នោតនៅឆ្នាំ២០០៧

មូអាម៉ារ កាដាហ្វី មេដឹកនាំនៃរបបផ្តាច់ការលីប៊ីប្រហែលជាបានផ្តល់ហិរញ្ញប្បទានឲ្យលោកនីកូឡាសាកូហ្ស៊ីសម្រាប់ធ្វើការឃោសនាបោះឆ្នោតជ្រើសតាំងប្រធានាធិបតីបារាំងនៅឆ្នាំ២០០៧។ នេះជាការបង្ហើបឲ្យដឹងដោយគេហទំព័រនៃព័ត៌មានបារាំងឈ្មោះ Mediapart ដែលបានផ្សាយនៅថ្ងៃសៅរ៍ទី២៨មេសាបង្ហាញឲ្យឃើញនូវឯកសារផ្លូវការចេញពីក្រសួងយកការសម្ងាត់លីប៊ី។ ទាំងនេះធ្លាក់ចំពេលមួយសប្តាហ៍មុនការបោះឆ្នោតប្រធានាធិបតីនៅជុំទីពីរ។

លោកប្រធានាធិបតីចិន ហ៊ូ ជិនតាវ និង លោកប្រធានាធិបតីស៊ូដង់ខាងត្បូង សាលវ៉ា គីអៀ

25/04/2012 - ចិន-ស៊ូដង់ខាងត្បូង-ស៊ូដង់ខាងជើង

ប្រមុខរដ្ឋស៊ូដង់ខាងត្បូងទៅចិន ចំពេលដែលស៊ូដង់ខាងត្បូងកំពុងមានភាពតានតឹងជាមួយស៊ូដង់ខាងជើង

អស់ជាច្រើនសប្តាហ៍កន្លងមកហើយ ដែលភាពតានតឹងកំពុងឡើងដល់កម្រិតកំពូលរវាងបងប្អូនបង្កើតទំាងពីរនៅក្នុងប្រទេសស៊ូដង់។ ប្រទេសស៊ូដង់ដែលទើបបានពុះចែកជាពីរ កាលពីខែកក្កដា ឆ្នំា ២០១១ គឺស៊ូដង់ខាងជើង និងស៊ូដង់ខាងត្បូង។ ភាពតានតឹងរវាងភាគីទំាងពីរបានកើតមានឡើង ចំពេលដែលលោកប្រធានាធិបតីស៊ូដង់ខាងត្បូង សាលវ៉ា គីអៀកំពុងបំពេញទស្សនកិច្ចនៅក្នុងប្រទេសចិន។

21/04/2012 - អេហ្ស៊ីប

បាតុកម្មប្រឆាំងនឹងអំណាចយោធា

បាតុកររាប់ម៉ឺននាក់បានមកប្រមូលផ្តុំគ្នា នៅថ្ងៃ២០មេសា នៅទីលានសេរីភាព Tahrir នៅទីក្រុងគែរ ដើម្បីប្រឆាំងនឹងអំណាចយោធា។ គេទាមទារឱ្យពួកទាហានចាកចេញទៅនិងសូមឱ្យផ្ទេរអំណាចដែលបានសន្យាមកឱ្យជនស៊ីវិលវិញ នៅថ្ងៃ១កក្កដាខាងមុខនេះ។

07/04/2012 - ពិភពលោក

“មនុស្សចាស់” ៖ ការប្រឈមថ្មីរបស់ពិភពលោក

ទិវាសុខភាពពិភពលោក ប្រព្រឹត្តទៅជារៀងរាល់ឆ្នាំ នៅថ្ងៃទី ៧ មេសា។ នៅក្នុងឱកាសនេះ អង្គការសុខភាពពិភពលោកតែងជ្រើសរើស យកបញ្ហាសុខភាពមួយថ្មី ដែលលេចធ្លោខ្លាំង មកធ្វើជាប្រធានបទ ដើម្បីឱ្យប្រទេសជាសមាជិករបស់អង្គការទាំងអស់បានយល់ពីផលវិបាក និងចូលរួមចំណែករកមធ្យោបាយដោះស្រាយ ទប់ស្កាត់ រួមគ្នា កំរិតពិភពលោកតែម្តង។

លោកប្រធានាធិបតីរុស្ស៊ី មេដវេដេវ និងលោកប្រធានាធិបតីចិន ហ៊ូ ជិនតាវ នៅជំនួបកំពូលនៃក្រុមប្រទេស Brics នៅថ្ងៃទី២៩មីនាឆ្នាំ២០១២នៅទីក្រុងញូវដែលី

29/03/2012 - ឥណ្ឌា

ជំនួបកំពូលនៃក្រុមប្រទេស Brics ដើម្បីពង្រឹងកម្លាំងរបស់ខ្លួននៅក្នុងសេដ្ឋកិច្ចពិភពលោក

ជំនួបកំពូលទីបួននៃក្រុមប្រទេស Brics ក្នុងនោះមានប្រទេសកំពុងអភិវឌ្ឍន៍រីកចម្រើនខ្លាំងសំខាន់ៗដូចជា ប្រទេសប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ត្រូវប្រព្រឹត្តទៅនៅថ្ងៃព្រហស្បតិ៍ទី២៩មីនានេះ នៅរដ្ឋធានីញូវដែលីនៃប្រទេសឥណ្ឌា។ ក្រុមប្រទេស BRIC ទាំងប្រាំនេះមានសន្ទុះកំណើនសេដ្ឋកិច្ចខ្លាំង ហើយពួកគេចង់ពង្រឹងកម្លាំងរបស់ខ្លួននៅលើឆាកអន្តរជាតិ។