កម្ពុជា -

អត្ថបទចុះផ្សាយនៅថ្ងៃ សៅរ៍ 04 កុម្ភៈ 2012 - ព័ត៌មានទើបកែប្រើលើកចុងក្រោយ ថ្ងៃ សៅរ៍ 04 កុម្ភៈ 2012

ខ្មាន់កំាភ្លើង២នាក់នៅក្រុមហ៊ុនTTY របស់ទីប្រឹក្សានាយករដ្ឋមន្រ្តីត្រូវចាប់ខ្លួន

នាយករដ្ឋមន្រ្តី ហ៊ុន សែន បានព្រមានចំៗទៅលោក ណា ម៉ារឌី ទីប្រឹក្សាផ្ទាល់ និងជាប្រធានក្រុមហ៊ុនTTY ដែលបានបណ្តោយឲ្យសន្តិសុខរបស់ខ្លួន បាញ់ប្រហារលើក្រុមប្រជាពលរដ្ឋ តវ៉ាដីធ្លីនៅខេត្តក្រចេះ កាលពីខែមករា

RFI/Channa Siv

ដោយ ទេព សុរ៉ាវី

ក្រោយពីនាយករដ្ឋមន្រ្តី ហ៊ុន សែន បានព្រមានចំៗ ទៅលោក ណា ម៉ារឌី ទីប្រឹក្សាផ្ទាល់ និងជាប្រធានក្រុមហ៊ុនTTY ដែលបានបណ្តោយ ឲ្យសន្តិសុខរបស់ខ្លួន បាញ់ប្រហារលើក្រុមប្រជាពលរដ្ឋ តវ៉ាដីធ្លីនៅខេត្តក្រចេះ កាលពីខែមុនរួចមក នៅព្រឹកថ្ងៃសៅរ៍នេះ សន្តិសុខ២នាក់ជាជនដៃដល់ ក្នុងការបាញ់រះនោះ ត្រូវបានសមត្ថកិច្ចចាប់ខ្លួន ក្នុងទីស្នាក់ការកណ្តាល របស់ក្រុមហ៊ុនស្ថិតនៅរាជធានីភ្នំពេញ។

សេចក្តីរាយការណ៍របស់ ទេព សុរ៉ាវី ពីភ្នំពេញ

ស្តាប់ (01:56)

04/02/2012 by ទេព សុរ៉ាវី

ត្រឹមតែ៤ថ្ងៃប៉ុណ្ណោះ ក្រោយពីមានការព្រមានពីនាយករដ្ឋមន្រ្តី ហ៊ុន សែន សន្តិសុខក្រុមហ៊ុនTTY ២នាក់ដែលបានបាញ់រះបណ្តាលឲ្យពលរដ្ឋ៤នាក់ រងរបួស ក្នុងជម្លោះដីធ្លីនៅខេត្តក្រចេះ ត្រូវបានចាប់ខ្លួន នៅព្រឹកថ្ងៃសៅរ៍នេះ សមត្ថកិច្ចនគរបាលខេត្តក្រចេះ បានសហការជាមួយសមត្ថកិច្ចក្រសួងមហាផ្ទៃ ដើម្បីចាប់ខ្លួនបុរស២នាក់ ជាសន្តិសុខក្រុមហ៊ុន TTY។ ការចាប់ខ្លួននេះធ្វើឡើង នៅក្នុងស្នាក់ការកណ្តាល ក្រុមហ៊ុនដែលស្ថិតនៅខណ្ឌចំការមន រាជធានីភ្នំពេញ។

លោក គៀត ចន្ទថារិទ្ធ អ្នកនាំពាក្យអគ្គស្នងការនគរបាលជាតិនៃក្រសួងមហាផ្ទៃ មិនបានប្រាប់ពីព័ត៌មានលំអិត នៃការចាប់ខ្លួនសន្តិសុខក្រុមហ៊ុនឯកជន ដែលទទួល បានដីសម្បទានសេដ្ឋកិច្ចពីរដ្ឋាភិបាលនោះឡើយ។

តែបើតាមប្រភពពីសមត្ថកិច្ចខេត្តក្រចេះ បានឲ្យដឹងថាការចាប់ខ្លួន សន្តិសុខក្រុមហ៊ុន TTY ធ្វើឡើងតាមដីការបស់តុលាការខេត្ត។ ជនសង្ស័យ ជាប់ចោទពីបទប្រើអំពើហិង្សាដោយចេតនា និងកាន់កាប់អាវុធខុសច្បាប់ ។ក្រោយពីចាប់ខ្លួន សមត្ថកិច្ចខេត្តបានបញ្ជូនជនសង្ស័យទាំង២នាក់ ភ្លាមៗទៅស្នងការខេត្តក្រចេះ ដើម្បីកសាងសំនុំរឿង បញ្ជូនទៅកាន់តុលាការ នៅថ្ងៃអាទិត្យស្អែកនេះ។

ការចាប់ខ្លួននេះធ្វើឡើងបន្ទាប់ពី នាយករដ្ឋមន្រ្តី ហ៊ុន សែន ប្រកាសសុំទោសផ្ទាល់មាត់ដល់ប្រជាពលរដ្ឋ នៅស្រុកស្នួល ខេត្តក្រចេះ កាលពីថ្ងៃទី៣១ ខែមករា ពាក់ព័ន្ធនឹងជម្លោះដីធ្លី ដែលឈានដល់អំពើហិង្សា។

លោក ហ៊ុន សែន បានព្រមានដល់លោកឧកញ៉ា ណា ម៉ារឌី ទីប្រឹក្សាផ្ទាល់ និងជាប្រធានក្រុមហ៊ុនTTY ត្រូវប្រគល់សន្តិសុខការពារក្រុមហ៊ុន២នាក់ ជាជនដៃដល់ទៅសមត្ថកិច្ចដើម្បីចាត់ការ បើមិនដូច្នោះទេ លោកឧកញ៉ា ណា ម៉ារឌី ត្រូវតែទទួលទោសចំពោះមុខច្បាប់។
នាយករដ្ឋមន្ត្រី ហ៊ុន សែន ក៏បានព្រមានដកហូតដីពីក្រុមហ៊ុនឯកជនមកវិញ ប្រសិនជាផ្ទុះអំពើហិង្សាជាមួយប្រជាពលរដ្ឋ៕

tags: កម្ពុជា - សង្គម

អត្ថាធិប្បាយ (7)

កំណែប្រែសន្សឹមៗ

Submitted by BEI (not verified) on Sat, 2012-02-11 17:19.

អំណាចប្រមូលផ្តុំលើបុគ្គលតែម្នាក់មានប្រសិទ្ធិភាព តែនឹងមានវិបត្តិពេលបុគ្គលម្នាក់នោះមានបញ្ហាអ្វីកើតឡើង។ ក្នុងរបបប្រជាធិបតេយ្យអំណាចមិនត្រូវស្ថិតក្រោមសម្តេចហ៊ុនសែនតែម្នាក់ទេ តែកំណែប្រែត្រូវធ្វើដោយសន្សឹមៗ។ ការវិវត្តទើបជាគោលការណ៍ប្រជាធិបតេយ្យ មិនមែនបដិវត្តន៍ទេ។

ឆ្លើយតប

សូមតុលាការរកឲ្យឃើញថា

Submitted by KSP (not verified) on Wed, 2012-02-08 09:54.

សូមតុលាការរកឲ្យឃើញថា តើនណាជាអ្នកបញ្ជាឲ្យបាញ់ លើបាតុករ ? ហើយអាជ្ញាធរ សមត្ថកិច្ច តុលាការ ត្រូវតែហានបំពេញតួនាទីរបស់ខ្លួនដោយស្មារតីទទួលខុសត្រូវ មិនមែនទាល់ តែនាយករដ្ឋមន្រ្តីស្រែកទើប ធ្វើតាមនោះទេ ត្រូវយកភ្នែកមើលពីច្បាប់ តួនាទី និងការទទួលខុសត្រូវ នៃ សហលក្ខន្តិកៈមន្រ្តីរាជការស៊ីវិល និងតុលាផង៕

ឆ្លើយតប

Is it human right respect?

Submitted by Kratie villager (not verified) on Wed, 2012-02-08 05:48.

Is it human right respect? for the poor villagers after shooting,no police or law intervention but Mr.prime minister said... everything are going very fast.