កម្ពុជា - 
អត្ថបទចុះ​ផ្សាយ​នៅ​ថ្ងៃ ព្រហស្បតិ៍ 10 ឧសភា 2012 - ព័ត៌មានទើប​កែប្រើ​លើកចុងក្រោយ​ ថ្ងៃ ព្រហស្បតិ៍ 10 ឧសភា 2012

លទ្ធផល​ស្ទង់​មតិ​របស់ IRI ៖ អំពើ​ពុក​រលួយ​នៅ​កម្ពុជា មាន​កម្រិត​ខ្ពស់

លោក Matt Lakin ប្រធានស្ដីពី IRI ប្រចាំកម្ពុជា បង្ហាញលទ្ធផលស្ទង់មតិ​ថ្ងៃទី​១០​ឧសភា ២០១២
លោក Matt Lakin ប្រធានស្ដីពី IRI ប្រចាំកម្ពុជា បង្ហាញលទ្ធផលស្ទង់មតិ​ថ្ងៃទី​១០​ឧសភា ២០១២
©rfi-ម៉េងហូរ

ដោយ លី ម៉េងហួរ

លទ្ធផល​នៃ​ការស្ទង់​មតិ​សាធារណជន​ខ្មែរ ដែល​ធ្វើឡើង​ដោយ​វិទ្យាស្ថាន​សាធារណរដ្ឋ​អន្តរជាតិ IRI របស់​សហរដ្ឋ​អាមេរិក បានបង្ហាញ​ថា ក្នុង​ចំណោម​អ្នក​ផ្តល់​សម្ភាសន៍ ២.០០០ នាក់ គឺ​មាន ៦៥% បាន​ផ្តល់​ចម្លើយ​ថា បាន​ឃើញ ឬ​ជួប​ប្រទះ​នូវ​ការប្រព្រឹត្ត​អំពើ​ពុករលួយ ឬ​ការស៊ី​សំណូក​របស់​ប៉ូលិស។ ចំណែក ៤៣% បាន​ឆ្លើយ​ថា ឃើញ​ផ្ទាល់​ភ្នែក​នូវ​ការប្រព្រឹត្ត​អំពើ​ពុករលួយ​របស់​អ្នក​នយោបាយ ឬ​មន្ត្រីរាជការ។ របាយការណ៍​ដដែល បាន​លើក​ឡើង​ថា មាន​អ្នកឆ្លើយ ក្នុង​កម្រិត​ភាគរយ​ខ្ពស់ អះអាងថា រដ្ឋាភិបាល​កម្ពុជា បាន​ប្តេជ្ញាចិត្ត ក្នុង​ការចាត់​វិធានការ​បំបាត់​អំពើ​ពុករលួយ និង​ការស៊ីសំណូក។​

សេចក្តី​រាយការណ៍​របស់ លី ម៉េងហួរ ពីទីក្រុង​ភ្នំពេញ
 

10/05/2012

 

លទ្ធផល​ស្ទង់​មតិ​របស់ IRI ដែល​បាន​ប្រកាស កាលពី​ព្រឹក​ថ្ងៃទី​១០ ខែ​ឧសភា ឆ្នាំ​២០១២ បាន​បង្ហាញ​ថា អ្នក​ផ្តល់​សម្ភាសន៍ ៤៣% បាន​ឆ្លើយថា ឃើញ​ផ្ទាល់​ការប្រព្រឹត្ត​អំពើ​ពុករលួយ​របស់​អ្នក​នយោបាយ ឬ​មន្ត្រីរាជការ។ ចំណែក ៦៥% ក្នុង​ចំណោម​អ្នក​ផ្តល់​សម្ភាសន៍ ២.០០០ នាក់ បាន​ផ្តល់​ចម្លើយ​ថា បាន​ឃើញ ឬ​ជួប​ប្រទះ​នូវ​ការប្រព្រឹត្ត​អំពើ​ពុករលួយ ឬ​ការស៊ីសំណូក របស់​ប៉ូលិស។​
 
ក៏​ប៉ុន្តែ​របាយការណ៍​ស្ទង់​មតិ បាន​លើក​ឡើង​ថា រដ្ឋាភិបាល​កម្ពុជា បាន​ប្តេជ្ញាចិត្ត ក្នុង​ការចាត់​វិធានការ​បំបាត់​អំពើ​ពុក​រលួយ និង​ការស៊ី​សំណូក មាន​ភាគរយ​ខ្ពស់ ដោយ​អ្នក​ផ្តល់​សម្ភាសន៍​ចំនួន ៤៥% បាន​ឆ្លើយថា រដ្ឋាភិបាល​ប្តេជ្ញាចិត្ត​ខ្ពស់​ណាស់ ប្រឆាំង​អំពើ​ពុករលួយ។ រីឯ ៤២% បាន​ឆ្លើយ​ថា រដ្ឋាភិបាល​ប្តេជ្ញា​ចិត្ត​ខ្ពស់​គួរ​សម​ដែរ ក្នុង​ការប្រឆាំង​អំពើ​ពុករលួយ។​
 
អ្នកផ្តល់​សម្ភាសន៍​ភាគ​ច្រើន​ក៏​យល់ថា អំពើ​ពុករលួយ និង​ការស៊ី​សំណូក រីក​រាល​ដាល​កម្រិត ក្នុង​រដ្ឋ​អំណាច​ថ្នាក់ឃុំ​ស្រុក​ខេត្ត និង​នៅ​រដ្ឋអំណាច​ថ្នាក់​ជាតិ។​
វិទ្យាស្ថាន​សាធារណរដ្ឋ​អន្តរជាតិ IRI បាន​ធ្វើ​ការស្ទង់​មតិ​សាធារណជន​ខ្មែរ ចាប់ពី​ថ្ងៃ​ទី​៣០ ខែ​វិច្ឆិកា ដល់​ថ្ងៃ​ទី​២៥ ខែ​ធ្នូ ឆ្នាំ​២០១១ ដោយ​សម្ភាសន៍​លើ​ពលរដ្ឋ​កម្ពុជា ចំនួន ២.០០០ នាក់ អាយុ​ចាប់ពី ១៨ ឆ្នាំ​ឡើង នៅ​ទូទាំង ២៤ ខេត្ត​រាជធានី។ 
ការស្ទង់មតិ​របស់ IRI ផ្តោត​សំខាន់​លើ​បរិយាកាស​ទូទៅ ទិសដៅ​របស់​ប្រទេស បញ្ហា​ពុក​រលួយ បញ្ហា​កង្វះ​ម្ហូបអាហារ បញ្ហា​នយោបាយ សាលាក្តី​ខ្មែរក្រហម បញ្ហា​បទល្មើស​ក្នុង​ភូមិ​ឃុំ​/​សង្កាត់ ដំណោះស្រាយ​ចំពោះ​បទល្មើស បញ្ហា​ថវិកា​ឃុំ​សង្កាត់ និង​ការចុះឈ្មោះ​បោះឆ្នោត។​
 
អំពី​បញ្ហា​នយោបាយ IRI បាន​ស្ទាបស្ទង់​មតិ ដោយ​រក​ឃើញ​ថា អ្នក​មាន​អារម្មណ៍​ថា ជាទូទៅ​ថា កម្ពុជា​កំពុង​ឆ្ពោះទៅមុខ ក្នុង​ទិសដៅ​ត្រូវ មាន​ចំនួន ៨១%។ រីឯ ៦១% បាន​ឆ្លើយថា មិន​ដែល​ខ្វះ​អង្ករ​ហូប​ទេ។ ចំណែក ៥៥% បាន​ឆ្លើយថា មិន​បាន​រង​ផល​ប៉ះពាល់​អ្វី​ទេ នឹង​ទឹក​ជំនន់ ក្នុង​អំឡុង​ពេល​ទឹក​ជំនន់​ឆ្នាំ​២០១១។
 
ចំណែក​អ្នក​ផ្តល់​សម្ភាសន៍ ៨៤% ក្នុង​ចំណោម ២.០០០ នាក់ បាន​ឆ្លើយថា គេ​ទំនង​ជា​បាន​ទៅ​បោះឆ្នោត​ឃុំ​សង្កាត់ នៅ​ថ្ងៃ​ទី​៣ ខែ​មិថុនា ឆ្នាំ​២០១២។ អ្នកឆ្លើយ​សំណួរ ៨៩% បាន​អះអាង​ថា មិន​មាន​ការ​គំរាមកំហែង​នយោបាយ​នៅ​ភូមិ​ឃុំ​សង្កាត់​ទេ។​
 
ចំពោះ​សាលាក្តី​ខ្មែរក្រហម​វិញ IRI បាន​បង្ហាញ​ការស្ទង់​មតិ​ថា ៧៧% នៃ​អ្នក​ផ្តល់​សម្ភាសន៍ បាន​ដឹង​ថា មេ​ដឹកនាំ​ខ្មែរក្រហម​មួយ​ចំនួន ត្រូវ​បាន​គេ​កំពុង​កាត់ទោស​ពី​បទឧក្រិដ្ឋ​ប្រឆាំង​មនុស្សជាតិ ក្នុង​របប​ប៉ុលពត។ អ្នក​យល់ថា ដំណើរការ​កាត់ទោស លោក ឌុច ស៊ី​ពេល​អស់​ជាង ២ ឆ្នាំ ជា​រយៈពេល​កាត់ក្តី សម​ល្មម មាន​ចំនួន ៤៩%។ រីឯ ៤៥% យល់ថា រយៈពេល​កាត់ក្តី ឌុច វែង​ពេក៕  

 

tags: កម្ពុជា - សង្គម - អំពើពុករលួយ
ទាក់ទងនឹងប្រធានបទនេះ​ដែរ :
អត្ថាធិប្បាយ (5)

ម្នាក់ៗបានដឹងហើយថា

ម្នាក់ៗបានដឹងហើយថា អំពើសូកប៉ាន់អាចកើតឡើងបានដោយមានពីរភាគីចូលរួម គឺភាគីអ្នកសូក និងអ្នក​ទទួលសំណូក នេះជាមូលហេតុឈានទៅបង្ករូបភាពច្បាស់នៃការប្រព្រឹត្តអំពើពុករលួយ។ ហេតុនេះ​យើង​គួររួមដៃគ្នាចូលរួមលុបបំបាត់អំពើពុករលួយតាមរយៈ​ បន្តការអប់រំកុំឲ្យមានវប្បធម៌សំណូក និងរាយការ​អំពីអំពើ​ពុករលួយជូនដល់អង្គភាពប្រឆាំងអំពើពុករលួយ http://www.acu.gov.kh/index.php?acu*@@@@*@@@*ac000=1000000018 ជាដើម។

របាយការណ៍របស់IRI មិនអាចទុកចិត្តបាន

ការពឹងលើមតិភាគច្រើនរបស់ពលរដ្ឋកម្ពុជានាពេលបច្ចុប្បន្ននេះ​ មិនអាចយកជាការបានទេ។ ប្រជាពលរដ្ឋដល់ទៅជាង២០%មិនចេះអានអក្សរ​ ប្រជាពលរដ្ឋភាគច្រើនលើសលុបមិនដែលខ្វល់ខ្វាយ
រឿងសង្គម មិនចេះទាំងបែងចែកផងថាគេជួយខ្លួនឬបោកខ្លួន យល់ថានុយជាអំណោយ​ យល់លាមក
ថាជាផ្កា។ អ្នកឆ្លើយថាមិនដែលឃើញអំពើពុករលួយនោះ តាមពិតទៅមិនមែនមិនដែលឃើញនោះទេគឺ
គ្រាន់តែគេមិនអាចយល់ដឹងបានថានោះជាអំពើពុករលួយ។ គេមិនអាចបែងចែកបានថាសម្ដីណាជាសម្ដី
ពិតឬបោកប្រាស់តាមរយៈការពិចារណាទេ គេគ្រាន់តែលឺអ្នកធំស្រែកថានឹងលុបបំបាត់អំពើពុករលួយ
នោះ​គេយល់ថាគេបានប្ដេជ្ញាចិត្តបំបាត់មែនទែនហើយ គេមិនបានពិនិត្យលទ្ធផលយ៉ាងម៉េចទេគឺតាមតែ
គេបង្វិលLA TÊTE។ គោលនយោបាយធំៗដែលរដ្ឋដាក់ទៅមិនដែលឃើញបានសម្រចទេ​ មុនដាក់
យ់ាងម៉េចក្រោយដាក់នៅតែដដែល​ រាប់ដប់ក៏បានដែរ កាប់ព្រៃឈើ ដកឡូនេសាទពីបឹងទន្លេសាប
ចែកមុងនៅតំបន់គ្រុនចាញ់ រឿងបូមខ្សាច់លក់ ឥលូវដល់ការមើលពីដីសម្បទានវិញម្ដង មុខជាខ្យល់ទៀតហើយ.......។ រយៈពេលមិនដល់ពីរខែផងរដ្ឋាភិបាលចេញវិធានការអោយ
សស្រាក់ ដូចជារឿងបឹងទន្លេសាបកាលពីខែមេសា ឥលូវរឿងដីសម្បទាននៅខែឩសភាទៀតព្រោះជិតដល់ពេលបោះឆ្នោតរើសតំណាងបក្សនៅឃុំទៀតហើយ។ ដរាបណារាស្ដ្រខ្មែរល្ងង់ហើយអាត្មានិយមបែបនេះ ដរាបនោះខ្មែរត្រូវគេបោកប្រាស់ដល់ថ្ងែ
ស្លាប់គ្រប់ៗគ្នា អត់កន្លែងនៅផងក៏មិនដឹង!

ដោយសារអំពើពុករលួយបានក្លាយជាវប

ដោយសារអំពើពុករលួយបានក្លាយជាវប្បធម៌មួយទោហើយ មនុស្សខ្មែរភាគច្រើននាសម័យនេះ មិនអាចកំណត់បានច្បាស់លាស់ទេអំពីនិយមន័យនៃអំពើពុករលួយនោះទេ។ កូនសិស្សខ្លះមិនបាន គិតថា ការបង់លុយ៥០០រៀលក្នុងសិស្សម្នាក់ ក្នុងមួយថ្ងៃឱ្យលោកគ្រូ អ្នកគ្រូ នៅតាមសាលាបឋម សិក្សានៅរាជធានីភ្នំពេញ និងតាមបណ្ដាខេត្តមួយចំនួន ការរៀនគួដើម្បីទទួលបានវិញ្ញាសារនៅពេល ប្រឡងឆមាស និងការផ្ដល់លាភសក្ការៈខ្លះទៀតដើម្បីទទួលបានការយកចិត្តទុកដាក់ពីលោកគ្រូ អ្នក គ្រូ ថាជាអំពើពុករលួយនោះទេ។ នៅតាមស្ថាប័នរដ្ឋ ការជូនសាគុណក្រោយពីទទួលបានការចុះ ហត្ថលេខាលើឯកសារផ្សេងៗគឺជារឿងធម្មតា ពីព្រោះតែគេខិតខំធ្វើឱ្យយើង (sic)...និងរឿងជាច្រើនទៀតដែលមិនអាចបរិយាយឱ្យខ្លីបាន... នេះបានចុះជារាជាណាចក្រអច្ឆរិយៈមែន។

IRI ធ្វើការយ៉ាប់ហើយ

តាមពិតទៅសកម្មភាពពុករលួយនៅសុ្រកខ្មែរចេះពុករលួយតាំងពីអាយុ ៦ ឆ្នាំម្លេះ។ បើមិនជឿទេទៅសួរក្មេងៗសិស្សសាលានៅភ្នំពេញមើលទៅ។ បើនិយាយអោយចំទៅយុវជនខ្មែរទូទាំង​ប្រទេសសុទ្ធតែចេះពុករលួយទាំងអស់។​ វាគ្រាន់តែពួកគេមិនយល់ថាយ៉ាងណាទើបហៅថាពុករលួយ​ប៉ុណ្ណោះ ព្រោះភាគច្រើនពួកគេចាត់ទុកថាវាជាទម្លាប់។

ចុំ

ប្រជាជនពិតជាមានចំណេះទាប​ និងទទួលបានព័ត៌មានតិចតួចបំផុត

ប្រតិកម្ម​ជុំវិញ​អត្ថបទនេះ
The content of this field is kept private and will not be shown publicly.
To prevent automated spam submissions leave this field empty.
CAPTCHA
This question is for testing whether you are a human visitor and to prevent automated spam submissions.
Close