Delicious
Digg
Facebook
Twitter
Yahoo!
Technorati
រុស្ស៊ី-ឥណ្ឌា -
អត្ថបទចុះផ្សាយនៅថ្ងៃ អង្គារ 16 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ អង្គារ 16 តុលា 2012
រុស្ស៊ីស្នើទៅឥណ្ឌាឲ្យផលិតរួមគ្នាជាយន្តហោះដឹកជញ្ជូនធុនស្រាលIL-112
រុស្ស៊ីស្នើឥណ្ឌាឲ្យផលិតរួមគ្នាយន្តហោះដឹកជញ្ជូនធុនស្រាល IIYushine112
RFI/Keo Chhaya
សំណើនេះលើកឡើងដោយ លោកឧបនាយករដ្ឋមន្ត្រីរុស្ស៊ីទទួលបន្ទុកខាងឧស្សាហកម្មយោធា Dmitri Rogozine ក្នុងសម័យប្រជុំលើកទី១៨នៃគណៈកម្មការអន្តររដ្ឋាភិបាលឥណ្ឌា-រុស្ស៊ីនៅក្រុង New Delhi នារសៀលថ្ងៃចន្ទទី១៥តុលាម្សិលមិញ។ បច្ចុប្បន្ន រុស្ស៊ីនិងឥណ្ឌា កំពុងស្រាវជ្រាវផលិតរួមគ្នា គឺយន្តហោះប្រភេទបែបនេះដែរ ប៉ុន្តែធ្ងន់ជាងក្រោម ឈ្មោះថា MTS សម្រាប់តម្រូវការនៃកងអាកាសរៀងៗខ្លួននិងសម្រាប់នាំចេញផងដែរ។
លោកឧបនាយករដ្ឋមន្ត្រីរុស្ស៊ី Dmitri Rogozine ដែលធ្លាប់ធ្វើជាតំណាងអចិន្ត្រៃយរបស់រុស្ស៊ីអស់ជាច្រើនឆ្នាំប្រចាំនៅទីស្តីការបក្សសម្ព័ន្ធអូតង់ ដោយបំផុសមកនូវសំណើថ្មី គូសបញ្ជាក់ថា យន្តហោះធុនស្រាលដែលឈ្មោះពេញរបស់វា គឺ IIyushine -112 អាចដឹកសម្ភារៈដល់ទម្ងន់តែ៦តោន។ ប៉ុន្តែ វាជាយន្តហោះដែលឥណ្ឌាកំពុងត្រូវការ។ ឯកសារ បច្ចេកទេសសមស្របមានត្រៀមបានទៅហើយដោយភាគីរុស្ស៊ី។ គោលដៅដែលចោទ គឺផលិតយន្តហោះនេះរួមគ្នា ដោយរុស្ស៊ីនិងឥណ្ឌា ហើយបន្ទាប់មកនាំវាទៅកាន់ទីផ្សាររុស្ស៊ី ទីផ្សារឥណ្ឌានិងទីផ្សារប្រទេសទី៣។
ជាការកត់សម្គាល់នៅលើផ្លូវនេះដែរ កាលពីថ្ងៃសុក្រកន្លងទៅ “ក្រុមហ៊ុនរុស្ស៊ីខាងផលិត យន្តហោះដឹកជញ្ជូន” បានចុះកិច្ចសន្យាជាមួយក្រុមហ៊ុនឥណ្ឌា Hindustan Aeronautic Limited ដើម្បី ចាប់ផ្តើមដំណាក់ទី១ នៃការផលិតយន្តហោះប្រភេទដូច IIyushine ប៉ុន្តែធ្ងន់ជាង ក្រោមឈ្មោះ ថា MTSឬ Multi-Role ប្រើបានច្រើនយ៉ាង សម្រាប់តម្រូវការនៃកងអាកាស របស់ម្ខាងៗ។ ជាការរំលឹក ស្របនឹងកុងត្រាចុះកាលពីខែឧសភា គូភាគីសម្រេចថានឹងផលិតយន្តហោះនេះ ឲ្យបាន២០៥គ្រឿងសិនដែលពីក្នុងនោះ ១០០គ្រឿង គឺកុម្ម៉ង់ទិញដោយកងអាកាសរុស្ស៊ី , ៤៥គ្រឿង គឺគ្រោងទិញដោយ កងអាកាសឥណ្ឌានិង៦០គ្រឿងសម្រាប់នាំចេញទៅក្រៅ។
កិច្ចព្រមព្រៀងជាមូលដ្ឋានស្តីអំពីការផលិតយន្តហោះ MTSឬ Multi-Role ត្រូវបានចុះតាំងពីខែកញ្ញាឆ្នាំ២០១០ម៉្លេះ។ ឯកសារនេះ តម្រូវឲ្យគូភាគីបញ្ចូលវិនិយោគទុនក្នុងទឹកប្រាក់ ៣០០លានដុល្លារអាមេរិកទៅក្នុងគម្រោងដែលមានហើយផលិតវានៅរុស្ស៊ីផងឥណ្ឌាផង។
យន្តហោះ MTS ឬ Multi-Role នឹងធ្វើការហោះហើរជាលើកដំបូងគឺក្នុងឆ្នាំ ២០១៧។ យន្តហោះ MTS ឬ Multi-Role អាចដឹកសម្ភារៈដល់២០តោន អាចហោះឡើងនិងចុះចតដោយប្រើ ផ្លូវប្រវែងខ្លីជាងធម្មតា។ វាអាចពង្រីកល្បឿនវាដល់ ៨០០គ.ម.ក្នុង១ម៉ោង ហើយអាចហោះដល់ចម្ងាយ ២.៥០០គ.ម.។
ក្នុងកងអាកាសឥណ្ឌា យន្តហោះដឹកជញ្ជូនធុនថ្មី ម៉ាក MTSឬ Multi-Role នឹងចូលខ្លួនទៅជំនួសយន្តហោះម៉ូដែលចាស់ ដែលប្រើកង្ហារ អាធុន Antonov-32 ផលិតតាំងពីជំនាន់សូវៀត៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ