ប៉ាន់ រិទ្ធី និងវ៉ាន់ ណាតទទួលសញ្ញាប័ត្របណ្ឌិតកិត្តិយស នៅទីក្រុងប៉ារីស
ចុះផ្សាយនៅថ្ងៃ៖
ស្តាប់ - ០៩:០៥
ក្នុងពេលដែលសាលាក្តីខ្មែរក្រហមកំពុងត្រៀមប្រកាសសាលក្រមចុងក្រោយលើឌុច មេគុកទួលស្លែង និងត្រៀមបើកទទួលសំណុំរឿង ០០២ នៅទីក្រុងប៉ារីស កាលពីថ្ងៃអង្គារមុននេះ សកលវិទ្យាល័យបារាំង ប៉ារីសទី ៨បានប្រគល់សញ្ញាប័ត្របណ្ឌិតកិត្តិយសដល់លោកប៉ាន់ រិទ្ធី និងលោកវ៉ាន់ ណាត។ ត្រូវបានអន្តរជាតិទទួលស្គាល់ច្រើន តាមរយៈកុនឯកសារ “ស ២១ ម៉ាស៊ីនសម្លាប់របស់ខ្មែរក្រហម” លោកប៉ាន់ រិទ្ធី បានដើរនាទីសំខាន់ក្នុងការផ្ទេរការចងចាំដោយបន្តផលិតភាពយន្តឯកសារ ជាច្រើនរឿង ដែលរឿងចុងក្រោយនិយាយពីឌុចនៅក្នុងក្រចកសេះរបស់តុលាការខ្មែរក្រហម។ វ៉ាន់ណាតវិញ ជាជាងគំនូរដែលបានផលិតផ្ទាំងគំនូរបង្ហាញពីគុកសួរចម្លើយ ស ២១។ លោកវ៉ាន់ណាត បានដើរតួសំខាន់ក្នុងកុនឯកសារស២១ ដែលក្នុងនោះលោកបានប្រឈមមុខផ្ទាល់ ជាមួយអតីតជនដៃដល់ក្នុងគុកទួលស្លែង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ