Delicious
Digg
Facebook
Twitter
Yahoo!
Technorati
រុស្ស៊ី-តាហ្ស៊ីគីស្ថាន -
អត្ថបទចុះផ្សាយនៅថ្ងៃ សុក្រ 05 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ សុក្រ 05 តុលា 2012
លោកពូទីនផ្តើមទស្សនកិច្ចផ្លូវការ រយៈពេលពីរថ្ងៃនៅតាហ្ស៊ីគីស្ថាន
លោកប្រធានាធិបតិតាហ្ស៊ីគីស្ថាន Emomali Rakhmon និងលោកប្រធានាធិបតីពូទីន
RFI/Keo Chhaya
ជាលទ្ធផលទស្សនកិច្ចនឹងមានចុះកិច្ចព្រមព្រៀងមួយចំនួន ស្តីអំពីទំនាក់ទំនង រវាងរុស្ស៊ីនិងតាហ្ស៊ីគីស្ថានដែលជារដ្ឋឯករាជ្យថ្មីស្ថិតនៅតំបន់អាស៊ីកណ្តាល តំបន់ដែលតាំងពីជំនាន់សូវៀតមកជាដែនឥទ្ធិពលរបស់រុស្ស៊ី។សំខាន់ជាងគេសម្រាប់រុស្ស៊ី គឺឯកសារឆ្ពោះទៅពង្រឹងមូលដ្ឋានទ័ពរុស្ស៊ី នៅលើដែនដីតាហ្ស៊ីគីស្ថានដើម្បីប្រឈមនឹងពួកភេរវនិយមតាលីបង់នៅអាហ្វហ្កានីស្ថានក្រោយពីទ័ពអាមេរិកាំងក្នុងឆ្នាំ២០១៤នឹងដកចេញពីប្រទេសនោះទៅប្រទេសដែលមានព្រំដែន ជាប់ផ្ទាល់នឹង តាហ្ស៊ីគីស្ថាន។
គូរកត់សម្គាល់ថាថ្នាក់ដឹកនាំរុស្ស៊ី ដែលសម្រេចចិត្តបំពេញទស្សនកិច្ច នៅប្រទេសនេះ ឬនោះ លុះណា មានឯកសារទ្វេភាគី ត្រៀមទុកជាស្រេច សម្រាប់ទទួល ការចុះហត្ថលេខា។ មិនតែប៉ុណ្ណោះ ទស្សនកិច្ចលោកប្រធានាធិបតីរុស្ស៊ី ពូទីន នៅ តាហ្ស៊ីគីស្ថាន លើកនេះ គឺធ្លាក់ចំកាលបរិច្ឆេតខួប គម្រប់៦០ឆ្នាំ នៃលោក ប្រធានាធិបតី តាហ្ស៊ីគីស្ថាន Emomali Rakhmon នៅថ្ងៃទី៥តុលានេះតែម្តង ដែលអាយុ២ថ្ងៃបងលោកពូទីន ដ្បិត លោកប្រមុខរដ្ឋរុស្ស៊ីផ្ទាល់ នឹងប្រារព្ធខួប៦០ឆ្នាំរបស់ខ្លួនដែរ នៅថ្ងៃខានស្អែកទី ៧តុលា។
កម្មវត្ថុនៃកិច្ចចរចាកំពូលទ្វេភាគីថ្ងៃនេះ គឺអំពី ការពង្រីកសហប្រតិបត្តិការ វិស័យ នយោបាយ យោធាសេដ្ឋកិច្ច ថាមពល មនុស្សធម៌។ ពិតជា ប៉ះទៅលើវិស័យទាំងនេះ ដែលនឹងមានចុះ កិច្ចព្រមព្រៀងសមស្រប។ បន្ទាប់មក រដ្ឋបុរសប្រទេសទាំងពីរនឹងធ្វើសេចក្តីថ្លែងការណ៍ ទៅកាន់ ពួកអ្នកកាសែត។ រួចមក លោកពូទីន អមដំណើរដោយ លោក Rakhmon នឹងអញ្ជើញ ទៅធ្វើអធិការកិច្ច នៅ” មូលដ្ឋានទ័ពរុស្ស៊ីទី២០១” ដែលស្ថិតនៅលើដែនដីតាហ្ស៊ីគីស្ថានតាំងពីឆ្នាំ២០០៤មក សម្រាប់អំឡុងពេល១០ឆ្នាំ គឺត្រូវអស់សុពលភាព នៅឆ្នាំ២០១៤។
ក្នុងចំណោម ឯកសារចុះថ្ងៃនេះ មានកិច្ចព្រមព្រៀងមួយ ដែលចែងអំពីការពន្យារវត្តមាននេះ សម្រាប់៣០ឆ្នាំទៀត រាប់ពីឆ្នាំនេះទៅគឺរហូតដល់ឆ្នាំ២០៤២។ ខ្លឹមសារនៃកិច្ចព្រមព្រៀងនេះ គឺថា ” មូលដ្ឋានទ័ពរុស្ស៊ីទី២០១” មានភារកិច្ច ជួយពង្រឹង និង ការពារ ឯករាជ្យរដ្ឋតាហ្ស៊ីគីស្ថាន ក៏ដូចជាសម្រាប់បម្រើផលប្រយោជន៍របស់រដ្ឋរុស្ស៊ី នៅតំបន់។
តាមដែល BBC កត់សម្គាល់ មូលដ្ឋាននេះ ជាមូលដ្ឋានយោធាធំបំផុតរបស់រុស្ស៊ី នៅក្រៅពី ព្រំដែនរុស្ស៊ីនិងជាអង្គភាពទ័ពរុស្ស៊ីមួយ ដ៏មាំមួននិងខ្លាំងបំផុត ប្រចាំនៅតំបន់អាស៊ីកណ្តាល។ ”មូលដ្ឋានទ័ពរុស្ស៊ីទី២០១” ជាមូលដ្ឋានទ័ពជើងគោក រាយនៅតាមទីក្រុងបី របស់ តាហ្ស៊ីគីស្ថាន
ពោល គឹរដ្ឋធានី Douchanbe និងក្រុង២ទៀត គឺក្រុង Kouliab និង ក្រុង Kourgan-Tioube។
យោធារុស្ស៊ី ដែលឈរជើងនៅទីនោះ សរុបទៅ មានចំនួន ៧.៥០០នាក់។ ថ្នាក់ដឹកនាំរុស្ស៊ី តែង ថ្លែងថា មូលដ្ឋាននេះ ដើរតួសំខាន់មិនគ្រាន់តែសម្រាប់ប្រឈមនឹងពួកភេរវនិយមតាលីបង់ នៅអាហ្វហ្កានីស្ថាន ជិតខាងប៉ុណ្ណោះទេ តែក៏ប្រឈមនឹងចរាចរណ៍គ្រឿងញឿន ដែលរមែង ហូរចេញមកពីប្រទេសនោះ៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ