ឥណ្ឌា -

អត្ថបទចុះផ្សាយនៅថ្ងៃ អង្គារ 06 មីនា 2012 - ព័ត៌មានទើបកែប្រើលើកចុងក្រោយ ថ្ងៃ អង្គារ 06 មីនា 2012

បក្សសមាជចាញ់ឆ្នោតនៅUttar Pradesh

Le parti du Congrès est 4e alors que le dépouillement des bulletins de vote touche à sa fin. A Lucknow, le 6 mars 2012.

Reuters/Pawan Kumar

ដោយ តាន់ ហ្សង់-ហ្វ្រង់ស្វ័រ

លទ្ធផលបណ្តោះអាសន្ននៃការបោះឆ្នោតសភាមួយភាគដែលបានប្រព្រឹត្តទៅនៅក្នុងរដ្ឋចំនួន៥នៃប្រទេសឥណ្ឌា ទើបតែធ្លាក់មកដល់។ វាបង្ហាញឱ្យឃើញនូវបរាជ័យនៃគណបក្សសមាជដែលជាគណបក្សកាន់អំណាចសព្វថ្ងៃ នៅក្នុងរដ្ឋចំនួន៤ ជាពិសេសនៅUttar Pradesh ដែលជារដ្ឋក្រីក្រនិងមានប្រជាជនច្រើនជាងគេ។ ការបោះឆ្នោតនៅរដ្ឋUttar Pradeh គឺជាការធ្វើតេសមួយសម្រាប់ស្ទង់មើលប្រជាប្រិយភាពរបស់គណបក្សសមាជ ពីរឆ្នាំមុនការចូលមកដល់នៃការបោះឆ្នោតសភាទាំងស្រុង។

សេចក្តីរាយការណ៍របស់ តាន់ ហ្សង់-ហ្វ្រង់ស័រ

ស្តាប់ (01:13)

06/03/2012

តាំងពីដើមមក ការបោះឆ្នោតនៅក្នុងរដ្ឋUttar Pradeh តែងតែត្រូវបានគេតាមសង្កេតមើលយ៉ាងល្អិតល្អន់ ពីព្រោះលទ្ធផលសំឡេងឆ្នោតនៅក្នុងរដ្ឋមួយនេះស្តែងឲ្យឃើញនូវនិន្នាការ នយោបាយរបស់ពលរដ្ឋឥណ្ឌាមុនពេលចូលមកដល់នៃការបោះឆ្នោតសភាទូទៅនៅទូទាំងប្រទេស។ នេះ គឺមកពីនៅក្នុងរដ្ឋមួយនេះ មានប្រជាជនរហូតដល់ទៅ២០០លាននាក់ ពោលគឺស្មើនឹងចំនួនប្រជាជននៃប្រទេសប្រេស៊ីលមួយទាំងមូល។

Uttar Pradesh គឺជាទីដែលគណបក្សសមាជមិនដែលទទួលបានជោគជ័យសោះអស់រយៈពេល២២ឆ្នាំកន្លងមកហើយ។ ដូចគ្នាអ៊ីចឹងដែរ លើកនេះគណបក្សសមាជទទួលបានតែ២៩អាសនៈប៉ុណ្ណោះក្នុងចំណោមអាសនៈទាំងអស់ចំនួន៤០៣។

ម្ល៉ោះហើយ លទ្ធផលបោះឆ្នោតនៅUttar Pradesh នេះអាចជាសញ្ញាអាសន្នមួយសម្រាប់រដ្ឋាភិបាលបច្ចុប្បន្នរបស់លោកManmohan Singh ដែលចេញមកពីគណបក្សសមាជ និងដែលកំពុងធ្លាក់ប្រជាប្រិយភាពខ្លាំង ដោយសារតែអំពើពុករលួយបន្តបន្ទាប់គ្នា នារយៈពេល១៨ខែចុងក្រោយនេះ។ វាក៏ជាសញ្ញាអាសន្នមួយដែរសម្រាប់Rahul Gandhi ដែលគណបក្សសមាជចង់ឱ្យឈរឈ្មោះជាបេក្ខជនប្រធានាធិបតីនៅឆ្នាំ២០១៤ខាងមុខនេះ។ ជាសញ្ញាអាសន្នសម្រាប់Rahul Gandhi ពីព្រោះលោកបានចុះទៅធ្វើយុទ្ធនាការឃោសនាបោះឆ្នោតនៅរដ្ឋUttar Pradesh ផ្ទាល់តែម្តង៕

tags: ឥណ្ឌា