អង្គការសង្គមស៊ីវិល អាស៊ាន ជួបប្រជុំលើកសំណើទៅកាន់រដ្ឋាភិបាល
ខណៈដែលរដ្ឋាភិបាល នៃបណ្តាប្រទេសសមាជិកអាស៊ាន នឹងជួបប្រជុំក្នុងកិច្ចប្រជុំកំពូលអាស៊ាន លើកទី២១ និងកិច្ចប្រជុំកំពូលពាក់ព័ន្ធជាច្រើនទៀត ចាប់ពីថ្ងៃទី១៥ ដល់ថ្ងៃទី២០ ខែវិច្ឆិកា នៅទីក្រុងភ្នំពេញ គឺក្រុមសកម្មជនអង្គការសង្គមស៊ីវិល មកពីបណ្តាប្រទេសអាស៊ាន ក៏បានជួបប្រជុំ ជាច្រើនក្រុមផងដែរ។
ចុះផ្សាយនៅថ្ងៃ៖
កិច្ចប្រជុំរបស់សកម្មជនអង្គការសង្គមស៊ីវិលទាំងនោះ បានចាប់ផ្តើមប្រជុំជាបន្តបន្ទាប់ ចាប់តាំងពីថ្ងៃអាទិត្យ ទី១២វិច្ឆិកា ដែលមានឈ្មោះថា វេទិកាប្រជាជនអាស៊ាន ព្រមទាំងមានគម្រោងដើរហែញ្ញត្តិ ទាមទារឲ្យមានការគោរពសិទ្ធិមនុស្ស ក្នុងតំបន់អាស៊ាន ពិសេសនៅកម្ពុជាផងដែរ។
នៅថ្ងៃទី១៥វិច្ឆិកានេះ ក្រុមសង្គមស៊ីវិល និងប្រជាជនអាស៊ាន បានជួបប្រជុំជាច្រើនកន្លែង នៅភ្នំពេញ លើកឡើងពីបញ្ហារំលោភបំពានសិទ្ធិមនុស្សនានា បញ្ហាពលករចំណាកស្រុក បញ្ហាដីធ្លី និងបញ្ហាបោះឆ្នោត ជាដើម ដើម្បីដាក់ក្នុងញ្ញតិ្ត ជូនរដ្ឋាភិបាលអាស៊ាន ដោះស្រាយ។
ក្រុមសង្គមស៊ីវិល ក៏បានអះអាងថា គម្រោងជួបប្រជុំតាមកន្លែងឯកជនមួយចំនួន នៅទីក្រុងភ្នំពេញ ក៏ត្រូវបានលុបចោលទៅវិញ នៅពេលដែលរដ្ឋាភិបាលកម្ពុជា បានបដិសេធនូវការអនុញ្ញាតឲ្យមានការរៀបចំព្រឹត្តិការណ៍ វេទិកាប្រជាជនអាស៊ាន នៅពេលនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ