Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ ចន្ទ 04 កុម្ភៈ 2013 -
ព័ត៌មានទើបកែប្រើលើកចុងក្រោយ ថ្ងៃ ចន្ទ 04 កុម្ភៈ 2013
តើពិភពលោកមើលមកសម្តេចព្រះបាទ នរោត្តម សីហនុ ក្នុងអត្ថន័យយ៉ាងដូចម្តេច?
សម្តេចម៉ែ និងព្រះមហាក្សត្រ នរោត្តម សីហនុ គោរពព្រះបរមសពសម្តេចឪ
© Reuters
ការសោយទិវង្គតរបស់អង្គសម្តេចឪ សម្តេចព្រះបាទ នរោត្តម សីហនុ បានធ្វើអោយមានចំណាប់អារម្មណ៍នៅទូទាំងប្រទេស និងទូទាំងពិភពលោក។ តើពិភពលោកមើលមកសម្តេចព្រះបាទ នរោត្តម សីហនុ ក្នុងអត្ថន័យយ៉ាងដូចម្តេច?
សម្តេចព្រះបាទ នរោត្តម សីហនុ ប្រសូតនៅថ្ងៃអង្គារទី៣១ខែតុលាឆ្នាំ១៩២២ នៅរាជធានីភ្នំពេញ យាងចូលទិវង្គតនៅថ្ងៃទី១៥ខែតុលាឆ្នាំ២០១២ ហើយត្រូវបានប្រជាជាតិខ្មែរទាំងមូលថ្វាយព្រះភ្លើងនៅថ្ងៃចន្ទទី៤ខែកុម្ភៈឆ្នាំ២០១៣នេះ។
ចាប់តាំងពីការយាងចូលទិវង្គតមក ប្រជានុរាស្ត្រខ្មែរ មេដឹកនាំអង្គការធំៗ មេដឹកនាំបរទេសជាច្រើនបានផ្ញើរសារមកកាន់ប្រទេសកម្ពុជាដោយនិយាយលើកសរសើរពីគុណូបការៈរបស់អង្គសម្តេចឪ ក្នុងពេលដែលព្រះអង្គនៅមានព្រះជន្ម។
ពីតំប់អឺរ៉ុប លោក Francois Hollande ប្រធានាធិបតីនៃសាធារណរដ្ឋបារាំង បាននិយាយថា ៖ «ខ្ញុំដឹងអំពីទំនាក់ទំនងដ៏ខ្លាំងក្លា និងជាប្រវត្តិសាស្ត្ររវាងព្រះអង្គ និងប្រទេសបារាំង។ តាមរយៈព្រះអង្គទំនាក់ទំនងរវាងប្រទេសទាំងពីរបានរួមចំណែកធ្វើឲ្យប្រទេសជាតិ និងប្រជាជនយើងទាំងពីរកាន់តែខិតជិតគ្នា។ សម្រាប់មនុស្សភាគច្រើន ព្រះអង្គគឺជានិមិត្តរូបនៃនយោបាយអាស៊ីមួយដែលលើកតម្កើងនូវសមភាព និង ការពារអធិបតេយ្យភាពនៃ ប្រជាជាតិនានា។ ទ្រង់គឺជាអ្នកការពារដ៏ក្លៀវក្លានូវវប្បធម៌ហ្វ្រង់កូហ្វូនី ភាសា និងសិល្បៈនៃប្រទេសប្រើប្រាស់ភាសាបារាំង ព្រមទាំងទស្សនៈ ពហុសាសន៍នៃទំនាក់ទំនងអន្តរជាតិ»។
|
ងាកមកមើលប្រទេសមហាអំណាចចិនវិញ លោក Hu Jintao ប្រធានាធិបតីនៃសាធារណរដ្ឋប្រជាមានិតចិនបញ្ជាក់ថា ៖ «ព្រះអង្គគឺជាមហាមិត្តរបស់ប្រជាជនចិន។ ព្រះអង្គតែងតែបានប្តេជ្ញាបង្កើននូវមិត្តភាពរវាងចិន-កម្ពុជា និងបានជំរុញមិត្តភាពនេះឲ្យកាន់តែជិតស្និទ្ធថែមទៀតជាមួយ ថ្នាក់ដឹកនាំចិនជាច្រើនជំនាន់កន្លងមក។ ក្រោមព្រះរាជយកព្រះទ័យទុកដាក់របស់ព្រះអង្គ និងកិច្ចខិតខំប្រឹងប្រែងរបស់ភាគីទាំងពីរ មិត្តភាពរវាងចិន-កម្ពុជា បានចាក់ឫសយ៉ាងជ្រៅ និងទទួលបាននូវលទ្ធផលជាផ្លែផ្កាជាលំដាប់។ វិភាគទានយ៉ាងធំធេងរបស់ព្រះអង្គដើម្បី អភិវឌ្ឍទំនាក់ទំនងរវាងចិន-កម្ពុជានឹងចារជាប់ក្នុងប្រវត្តិសាស្ត្រជាអមតៈ»។
ចំពោះមហាអំណាចសេដ្ឋកិច្ចជប៉ុនវិញ លោក Yoshihiko Noka អតីតនាយករដ្ឋមន្ត្រីនៃប្រទេសជប៉ុនបានថ្លែងថា ៖
«ក្នុងវិស័យទំនាក់ទំនងជាមួយប្រទេសជប៉ុន ព្រះអង្គបានកសាងគ្រឹះ នៃទំនាក់ទំនងមិត្តភាពរវាងប្រទេសយើងទាំងពីរសម្រាប់អនាគតដោយព្រះអង្គបានធ្វើព្រះរាជកិច្ច តាមរយៈ ការយាងមកបំពេញ ព្រះរាជដំណើរទស្សនកិច្ចជាផ្លូវរដ្ឋនៅប្រទេសជប៉ុន នៅឆ្នាំ១៩៥៥ ហើយ បានយល់ដឹងយ៉ាងជ្រាលជ្រៅជាទីបំផុត អំពីវិភាគទានរបស់ប្រទេសជប៉ុនក្នុងដំណើរការស្វែងរកសន្តិភាពនៅប្រទេសកម្ពុជា»។
សម្រាប់លោកស្រី Yingluck Sinawatra នាយករដ្ឋមន្ត្រីនៃព្រះរាជាណាចក្រថៃ លោកស្រីបានគូសបញ្ជាក់ថា ៖ «ភាពជាអ្នកដឹកនាំដ៏វិសាមញ្ញ ភាពក្លៀវក្លា និងព្រះរាជបញ្ញាញាណរបស់ ព្រះអង្គ គឺជាគំរូធ្វើឲ្យព្រះអង្គមាន ព្រះរាជ តួនាទីដ៏សំខាន់បំផុតក្នុងការដឹកនាំប្រទេសកម្ពុជាឆ្លងកាត់ស្ថានភាពប្រឈម និង ភាពមិនច្បាស់លាស់ក្នុងអតីតកាល រហូតដល់ភាពជោគជ័យ និងវិបុលសុខជាតិនាពេលបច្ចុប្បន្ន»។
គុណបំណាច់របស់អង្គសម្តេចឪបានធ្វើឡើងចំពោះប្រទេសសិង្ហបុរីដែរ លោក Lee Hsien Loong នាយករដ្ឋមន្ត្រីសិង្ហបុរីបានថ្លែងរម្លឹកថា ៖ «សិង្ហបុរីនឹងមិនអាចបំភ្លេចនូវតួនាទីដ៏សំខាន់ របស់ព្រះមហាវីរក្សត្រដែលបានទ្រទ្រង់មិត្តភាពស្ថិតស្ថេររវាងប្រទេសទាំងពីរ។ កម្ពុជា គឺជាមិត្តភក្តិ ដ៏ជិតស្និទ្ធរបស់សិង្ហបុរី ហើយយើងចងចាំដោយដឹងគុណថា កម្ពុជាជាប្រទេសទីមួយដែលទទួលស្គាល់សាធារណរដ្ឋថ្មីរបស់យើង ក្នុងពេលសិង្ហបុរីបានទទួលឯករាជ្យនៅឆ្នាំ១៩៦៥»។
ប្រទេសជិតខាងវៀតណាម លោក នាយករដ្ឋមន្រ្តី Nguyen Tan Dung បានគូសបញ្ចាក់ថា ៖«ប្រទេសវៀតណាមបានបាត់បង់នូវ មហាមិត្តដែលជួយឧបត្ថម្ភដ៏មានតម្លៃ និងចែករំលែកចំណងមិត្តភាព ដ៏ស្អិតល្មួតក្នុងអំឡុងការតស៊ូដ៏លំបាក ដើម្បីឯករាជ្យជាតិ ក៏ដូចជាក្នុងបុព្វហេតុ ការកសាងជាតិ និងការអភិវឌ្ឍនៃប្រទេសនីមួយ។ សម្តេច នរោត្តម សីហនុ នឹងស្ថិតនៅក្នុងការចងចាំជានិច្ចរបស់បក្ស រដ្ឋ រដ្ឋសភា រដ្ឋាភិបាល និងប្រជាជនវៀតណាមចំពោះការរួមចំណែកដ៏ធំធេងរបស់ព្រះអង្គ»។
សម្រាប់អង្គការអន្តរជាតិវិញ លោក Ban Ki-Moon អគ្គលេខាធិការអង្គការសហប្រជាជាតិ បានបញ្ជាក់ថា ៖ «កេរដំណែលរបស់អតីតព្រះមហាក្សត្រនឹងអនុញ្ញាតឲ្យព្រះរាជាណាចក្រកម្ពុជា បន្តឈានមុខក្នុងដំណើរការផ្សះផ្សាជាតិ រួមទាំង ការបន្តប្តេជ្ញាចិត្តចំពោះយុត្តិធម៌»។
សម្រាប់សហគមន៍និយាយភាសាបារាំងវិញ លោក Abdou DIOUF អគ្គលេខាធិការ
អង្គការអន្តរជាតិហ្វ្រង់កូហ្វូនី បាននិយាយថា ៖ «ព្រះអង្គគឺជានិមិត្តរូបរបស់អង្គការ អន្តរជាតិហ្វ្រង់កូហ្វូនីចំពោះកិច្ចការដែលព្រះអង្គបានបំពេញប្រកបដោយភាពស្វាហាប់ ដោយក្តីសាទរ និងដោយមិនចេះនឿយហត់។ ការសោយទិវង្គតរបស់ព្រះអង្គគឺជាការបាត់បង់ដ៏ធំធេងសម្រាប់អង្គការអន្តរជាតិហ្វ្រង់កូហ្វូនី និងសម្រាប់បុព្វហេតុដែលយើងបាននិងកំពុងបំពេញ»។
ទាក់ទងទៅនឹងវិស័យវប្បធម៌ លោក Kishore Rao នាយកមជ្ឈមណ្ឌលបេតិកភណ្ឌពិភពលោកផ្នែកវប្បធម៌បានថ្លែងបញ្ជាក់ថា ៖ «ព្រះករុណាសម្តេចព្រះបាទ នរោត្តម សីហនុ តែងមានទំនាក់ទំនងយ៉ាងជិតស្និទជាមួយអង្គការយូណេស្កូដែលធ្វើឲ្យសម្រេចបាននូវសមិទ្ធផលធំៗ ដូចជា យុទ្ធនាការដើម្បីរក្សាការពារប្រាសាទអង្គរវត្ត និងការចុះក្នុងបញ្ជីបេតិកភណ្ឌពិភពលោកនាឆ្នាំ១៩៩២»៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (4)
Politca game " devide and conquer"
Just a grain of salt perhaps related to the above statement. Cambodia must be cautious about political game “divide and conquer” that Cambodia has been nightmare in the past with "the communist the western bloc".
តើ កូរ៉េខាងជើង
តើ កូរ៉េខាងជើង មានចំណាប់អារម្មណ៏យ៉ាងណាដែរ ???????????????
Cambodia lacks transparency
Cambodia has been and still is a country that lacks of transparency whether it is in politics, history and governance. Some big guys were able to turn black elephants into white elephants and vice versa. Cambodian citizens have been, still are and will still be politicized to believe what is white while the black sides were either deleted from the history books or just been told not to remember.
Remember that the reason that History is used to teach students is not only to make them aware about the past but also to let them know what to repeat and what to avoid in the future. History is not a fictional, but factual book.
Thanks the worlder leaders continue support our Cambodia
I agreed with the above speech of our world leader; Our King Sihanouk is a good CEO and a good mentor for our currently local leader. I am really expect a few worlds of him before dead is still a live in our leader's head and in their daily practice. Cambodian people wants peace, development, and great achivement in the country and as well as in Asia and in the world. I do pray to GOD help bring China, Korea, France, Signapore, Indonesia, Japan and some of lion countries in Asia still continue support our currently country leaders and try to help us go away from the gambling of wastern and eastern country. King Sihanouk did help lots in your country and the world, so please kindly help guide and take care his 3 sons (King Sihamoni, Hun Sen and Ranarith); Ehm! I hope Ranarith will return back soon in the table with King and PM, and then work as a good team and working hard together to bring Cambodia more growth up. The outcome of them will keep Sihanouk well eye closing and the world will proud on them.
Sorry, this is only my personal view
ប្រតិកម្មជុំវិញអត្ថបទនេះ