រុស្ស៊ី-ស៊ីរី -

អត្ថបទចុះផ្សាយនៅថ្ងៃ ពុធ 11 កក្កដា 2012 - ព័ត៌មានទើបកែប្រើលើកចុងក្រោយ ថ្ងៃ ពុធ 11 កក្កដា 2012

ម៉ូស្គូទទួលជាលើកទី១គណៈប្រតិភូនៃ“ក្រុមប្រឹក្សាជាតិស៊ីរី”

លោកAbdel Basset Sayda គណៈប្រតិភូតំណាងឲ្យភាគីប្រឆាំងនៅស៊ីរី ថ្លែងទៅកាន់អ្នកកាសែតនៅខាងក្រៅនៃក្រសួងការបរទេសរុស្ស៊ីបន្ទាប់ពីបានជួបសន្ទនាជាមួយលោក Sergei Lavrow នៅម៉ូស្គូថ្ងៃ១១កក្កដា២០១២

REUTERS/Sergei Karpukhin

ដោយ កែវ ឆាយា

គណៈប្រតិភូនេះ តំណាងឲ្យភាគីប្រឆាំងនៅស៊ីរី ថ្ងៃពុធនេះធ្វើកិច្ចចរចាជាមួយលោករដ្ឋមន្ត្រីការបរទេសរុស្ស៊ី Serguei Lavrov ជុំវិញដំណើរបំពេញតាមផែនការសន្តិភាពរបស់លោកកូហ្វ៊ីអាណាន់ជាបេសកជនពិសេសរបស់អ.ស.ប.និងសម្ព័ន្ធអារ៉ាបខាងរកដំណោះស្រាយឲ្យវិបត្តិនៅស៊ីរី។

សេចក្តីរាយការណ៍របស់ កែវ ឆាយា

ស្តាប់ (02:37)

11/07/2012

នាកិច្ចចរចាថ្ងៃនេះ ជាមួយគណៈប្រតិភូ“ក្រុមប្រឹក្សាជាតិស៊ីរី” ដឹកនាំដោយលោក Abdel Basset Seida ជាប្រធានក្រុមប្រឹក្សានេះផ្ទាល់ លោករដ្ឋមន្ត្រីការបរទេសរុស្ស៊ី Serguei Lavrov អំពាវនាវរដ្ឋាភិបាលស៊ីរីនិងគ្រប់តែក្រុមទាំងអស់នៃភាគីប្រឆាំង ឲ្យចាប់ផ្តើមសំវាទនឹងគ្នាទៅហើយក្នុងសំវាទនេះ គឺសាមីភាគីស៊ីរីខ្លួនឯងដែលត្រូវកំណត់វាសនាខ្លួន។

ប្រមុខការទូតរុស្ស៊ី កត់សម្គាល់ថា ទីក្រុងម៉ូស្គូចង់យល់ដឹងតើធំធេងយ៉ាងណាទស្សនវិស័យ ខាងបង្រួបបង្រួមគ្រប់តែក្រុមប្រឆាំង ដើម្បីឈរលើមូលដ្ឋានធ្វើសំវាទជាមួយរដ្ឋាភិបាល ដូចដែលមានប្រមើលដោយផែនការសន្តិភាពរបស់លោក កូហ្វ៊ីអាណាន់ ជាបេសកជនពិសេសរបស់អ.ស.ប.និងសម្ព័ន្ធអារ៉ាបខាងរកដំណោះស្រាយឲ្យវិបត្តិនៅស៊ីរីផែនការដែលត្រូវបានអនុម័តទៅហើយដោយក្រុមប្រឹក្សាសន្តិសុខអ.ស.ប.។

លោក Serguei Lavrov គូសបញ្ជាក់ថាដោយគាំទ្រផែនការនេះ រុស្ស៊ីបង្ហាញឲ្យឃើញពី ភក្តីភាពឥតល្អៀងចំពោះភាពចាំបាច់ត្រូវតែបញ្ឈប់អំពើហិង្សាក្នុងរូបភាពណាក៏ដោយបញ្ឈប់ដោយគ្រប់តែភាគីទាំងអស់ហើយឆ្លងទៅធ្វើសំវាទដោយមានការចូលរួមទាំង រដ្ឋាភិបាលស៊ីរី ទាំងគ្រប់ក្រុមប្រឆាំងទាំងអស់រួចក្នុងដំណើរប្រព្រឹត្តទៅនៃសំវាទនោះ គឺជាតិស៊ីរីខ្លួនឯងផ្ទាល់ដែលកំណត់វាសនាប្រទេសខ្លួន ដោយផ្តើមពីការសម្របយោបល់គ្នាទៅលើទ្រង់ទ្រាយនិងរយៈពេលពន្យារទៅនៃដំណាក់អន្តរកាល។

ថ្លែងទៅលោក Abdel Basset Seida ប្រធាន” ក្រុមប្រឹក្សាជាតិស៊ីរី” ប្រមុខការទូតរុស្ស៊ី មានប្រសាសន៍ ៖ ម៉ូស្គូឲ្យតម្លៃដល់លទ្ធភាពនៃការជួបសន្ទនាជាមួយគណៈប្រតិភូរបស់លោក នៅចំនាទីទទួលខុសត្រូវនេះសម្រាប់ប្រទេសស៊ីរី។ ព្រមជាមួយនេះ ម៉ូស្គូក៏ប្រាថ្នាយល់ឲ្យបានច្បាស់តើចលនាប្រឆាំងនៅស៊ីរីស្ថិតក្នុងសភាពការណ៍យ៉ាងណាដែរតើ“ក្រុមប្រឹក្សាជាតិស៊ីរី” មានទំនាក់ទំនងយ៉ាងណាដែរជាមួយក្រុមឯទៀតនៃភាគីប្រឆាំងនៅក្រៅប្រទេសនិងជាពិសេសជាមួយក្រុមប្រឆាំងផ្ទៃក្នុងប្រទេសតែម្តង។

លោក Abdel Basset Seida ប្រធាន”ក្រុមប្រឹក្សាជាតិស៊ីរី”ពីចំណែកខ្លួន បានវាយតម្លៃខ្ពស់ ដល់ទំនាក់ទំនងមិត្តភាពដែលចាក់ឫសជាប់រវាងរុស្ស៊ីនិងស៊ីរី ដោយសង្ឃឹមថា ទំនាក់ទំនងនេះនឹងបន្តរីកផុសផុលទៅទៀត។ តាមប្រសាសន៍គាត់ បញ្ហាមួយ ដែលភាគីប្រឆាំង ចង់បំភ្លឺសម្រាប់ខ្លួនតើអ្វីដែលកំពុងប្រព្រឹត្តទៅនៅស៊ីរី។ វាមិនមែនរឿងខ្វែងគំនិតគ្នា រវាងប្រជាជននិងរដ្ឋាភិបាលទេ។ រឿងដែលមានគឺជាបដិវត្តន៍ ក្នុងន័យពិតនៃពាក្យនេះ។ ប្រជាជនស៊ិរី ប្តេជ្ញាខ័ណ្ឌបញ្ចប់ជាមួយរបបពុករលួយ ហើយចល័តទៅមុខតាមមាគ៌ាប្រជាធិបតេយ្យ៕