Delicious
Digg
Facebook
Twitter
Yahoo!
Technorati
លីបង់-ស៊ីរី -
អត្ថបទចុះផ្សាយនៅថ្ងៃ ព្រហស្បតិ៍ 16 សីហា 2012 -
ព័ត៌មានទើបកែប្រើលើកចុងក្រោយ ថ្ងៃ ព្រហស្បតិ៍ 16 សីហា 2012
ប្រទេសលីបង់ចលាចល ដោយហេតុតែសង្គ្រាមស៊ីវិលនៅស៊ីរី
បក្បពួករបស់Modak នៅលីបង់
Reuters
ជនជាតិស៊ីរីជាច្រើនសិបនាក់បានបាត់ខ្លួននៅក្នុងប្រទេសលីបង់។ ពួកគេត្រូវបានក្រុមអ្នកកាន់សាសនាអ៊ីស្លាមនិកាយChiiteនៅលីបង់ដែលជាអ្នកគាំទ្ររបបស៊ីរីរបស់លោកបាស្ហា អាល់អាសាដចាប់ធ្វើជាថ្នូរ។
សង្គ្រាមស៊ីវិលនៅស៊ីរី បាននិងកំពុងបន្តដរចូលមកដល់លីបង់ដែលជាប្រទេសជិតខាង។ នៅក្នុងប្រទេសនេះដែលបានឋិតនៅក្រោមអនុត្តរភាពរបស់ប្រទេសស៊ីរីចំនួន៣០ឆ្នាំ ពួកអ្នកកាន់សាសនាអ៊ីស្លាមនិកាយChiite គាំទ្ររបបរបស់បាស្ហា អាល់អាសាដ រីឯពួកអ្នកកាន់សាសនាអ៊ីស្លាមនិកាយSunnite កាន់ជើងពួកបះបោរស៊ីរី។
គឺនៅក្នុងបរិបទនេះហើយ ដែលកាលពីថ្ងៃពុធទី១៥សីហាម្សិលមិញ ពួកអ្នកកាន់សាសនាអ៊ីស្លាមនិកាយChiiteមួយក្រុមដែលគេហៅថាបក្សពួករបស់Mokdad បានចាប់ធ្វើជាថ្នូរជនជាតិស៊ីរីជាច្រើនសិបនាក់។ ពួកចំណាប់ខ្មាំងទាំងនេះដែលសុទ្ធសឹងជាអ្នកគាំទ្រពួកបះបោរស៊ីរី ត្រូវបានចាប់ខ្លួននៅគ្រប់ជ្រុងជ្រោយនៃប្រទេសលីបង់ ជាអាទិ៍នៅតាមជាយក្រុងបេរូត(Beyrouth)។
តាំងពីម្សិលមិញមក ប្រជាពលរដ្ឋលីបង់ភិតភ័យ លែងហ៊ានចេញទៅណាមកណា ដ្បិតពួកអ្នកកាន់សាសនាអ៊ីស្លាមនិកាយchiite ឯទៀតៗនៅលីបង់បានប្រកាសគាំទ្រសកម្មភាពរបស់ពួកMokdad។ មិនតែប៉ុណ្ណោះ ពួកMokdad ថែមទាំងបានគំរាមថា នឹងលបចាប់ខ្លួនពួកអ្នកនយោបាយលីបង់ណាដែលហ៊ានគាំទ្រពួកបះបោរនៅស៊ីរី។
នៅចំពោះមុខស្ថានភាពតានតឹងបែបនេះ បណ្តាប្រទេសក្នុងតំបន់ដូចជាអារ៉ាប៊ី សៅអ៊ូឌីត (Arabie Saoudite) កាតារ(Qatar) និងអេមីរ៉ា អារ៉ាប់រួម(Emirats Arabes Unis) ជាដើម បានអំពាវនាវឱ្យជនជាតិរបស់ពួកគេចាកចេញជាបន្ទាន់ពីប្រទេសលីបង់៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ