ជប៉ុនផ្តល់ជំនួយដល់កម្ពុជាជាង ៥៣ លានដុល្លារ សម្រាប់ស្តារប្រព័ន្ធធារាសាស្ត្រ
នៅថ្ងៃចន្ទទី ១៥ សីហានេះ រដ្ឋាភិបាលជប៉ុន បានផ្តល់ជំនួយឥណទាន ចំនួន ៤.២៦៩ លានយេន ដែលស្មើនឹង ៥៣,៣ លានដុល្លារអាមេរិក ដល់រដ្ឋាភិបាលកម្ពុជា ដើម្បីអនុវត្តគម្រោងកែលម្អ និងស្តារឡើងវិញប្រព័ន្ធធារាសាស្ត្រ និងរំដោះទឹកខាងលិចទន្លេសាប។
ចុះផ្សាយនៅថ្ងៃ៖ កែប្រែថ្ងៃទី៖
ក្នុងពិធីចុះហត្ថលេខា នៅព្រឹកថ្ងៃចន្ទ លោក ហោ ណាំហុង រដ្ឋមន្ត្រីការបរទេស បានលើកឡើងថា ជំនួយរបស់រដ្ឋាភិបាលជប៉ុនពេលនេះ នឹងត្រូវប្រើប្រាស់ក្នុងការអភិវឌ្ឍន៍ប្រព័ន្ធធារាសាស្ត្រ ស្តារប្រឡាយ ដែលជាមូលដ្ឋានសំខាន់បំផុត សម្រាប់ការផលិតស្បៀងអាហាររបស់កម្ពុជា ពិសេសការបង្កើនការផលិតស្រូវ ឲ្យបានកាន់តែច្រើនឡើង។
នៅព្រឹកថ្ងៃចន្ទ ក្រៅពីជំនួយស្តារប្រឡាយទឹក ជប៉ុនក៏បានផ្តល់ជំនួយឥតសំណងដល់កម្ពុជា ចំនួន ៥៥,៧ លានយេន ដែលស្មើនឹងប្រមាណ ៧ សែនដុល្លារអាមេរិក សម្រាប់កែលម្អសម្ភារៈសិក្សារបស់ដេប៉ាត់តឺម៉ង់ ទេពកោសល្យធនធានរ៉ែ និងភូគព្ភសាស្ត្រ នៃវិទ្យាស្ថានបច្ចេកវិទ្យាកម្ពុជា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ