Delicious
Digg
Facebook
Twitter
Yahoo!
Technorati
អៀរ៉ង់-កូរ៉េខាងជើង -
អត្ថបទចុះផ្សាយនៅថ្ងៃ អាទិត្យ 02 កញ្ញា 2012 -
ព័ត៌មានទើបកែប្រើលើកចុងក្រោយ ថ្ងៃ អាទិត្យ 02 កញ្ញា 2012
ទីក្រុងព្យុងយ៉ាង និងទីក្រុងតេហេរ៉ង់ចាប់ដៃគ្នាសហការផ្នែកវិទ្យាសាស្រ្ត
មជ្ឈមណ្ឌលនុយក្លែអ៊ែរនៅ Bouchehr ក្នុងប្រទេសអ៊ីរ៉ង់
AFP/ATTA KENARE
កូរ៉េខាងជើង និងអៀរ៉ង់បានចុះហត្ថលេខាលើកិច្ចព្រមព្រៀងមួយស្តីពីកិច្ចសហប្រតិបត្តិការផ្នែកវិទ្យាសាស្រ្ត និងបច្ចេកវិទ្យា។ ពិធីចុះហត្ថលេខានេះត្រូវបានធ្វើឡើងនៅក្នុងទីក្រុងតេហេរ៉ង់ បន្ទាប់ពីជំនួបកំពូលនៃចលនាមិនចូលបក្សសម្ព័ន្ធ និងដោយមានវត្តមានលោកប្រធានាធិបតីអៀរ៉ង់ Mahmoud Ahmadinejad និងមនុស្សខ្លំាងទី២របស់កូរ៉េខាងជើងលោក Kim Yong-nam។ ក្រុមអ្នកសង្កេតការណ៍បានសម្តែងក្តីបារម្ភយ៉ាងខ្លំាងចំពោះព័ត៌មាននេះ។ គួរជម្រាបជូនថា តាមពិតទៅ កូរ៉េខាងជើង និងអៀរ៉ង់បានជាប់សង្ស័យពីបទបានលួចផ្តោះប្តូរផ្នែកបច្ចេកវិទ្យានុយក្លេអ៊ែរ និងកំាជ្រួចអន្តរទ្វីបជាមួយគ្នាអស់ជាច្រើនឆ្នំាកន្លងមកហើយ។
កូរ៉េខាងជើង និងអៀរ៉ង់ដែលត្រូវបានលោកអតីតប្រធានាធិបតីអាមេរិក George W.Bush ចាត់ទុកជាប្រទេសសភាវៈអាក្រក់បានបង្ហាញជាផ្លូវការនូវឆន្ទៈធ្វើសហប្រតិបត្តិរួមគ្នា។ បើយោងតាមព័ត៌មានចុះផ្សាយដោយកាសែតអៀរ៉ង់ ទីក្រុងព្យុងយ៉ាង និងទីក្រុងតេហេរ៉ង់បានចុះហត្ថលេខាលើកិច្ចព្រមេព្រៀងមួយស្តីពីកិច្ចសហប្រតិបត្តិផ្នែកវិទ្យាសាស្រ្ត និងបច្ចេកវិទ្យា។ ផ្អែកតាមកិច្ចព្រមព្រៀងនោះ ប្រទេសទំាងពីរគ្រោងនឹងធ្វើការផ្តោះប្តូរគ្រឿងបរិក្ខារវិទ្យាសាស្រ្ត និងការបញ្ជូនឲ្យគ្នាទៅវិញ ទៅមកនូវបច្ចេកវិទ្យាផ្នែកព័ត៌មាន និងថាមពល។
តាមពិតទៅ ក្រុមអ្នកឯកទេសផ្នែកការសាយភាយនុយក្លេអ៊ែរបានសម្តែងក្តីបារម្ភជាយូរយារណាស់មកហើយ ពីកិច្ចសហប្រតិបត្តិការរវាងកូរ៉េខាងជើង និងប្រទេសអៀរ៉ង់។ កាលពីឆ្នំា ២០១១ អ្នកវិទ្យាសាស្រ្តអាមេរិកំាងម្នាក់ឈ្មោះ Siegfried Hacker បានទាញសញ្ញាអាសន្នថា អ្នកជំនាញនុយក្លេអ៊ែររបស់កូរ៉េខាងជើង និងអៀរ៉ង់បានសហការគ្នាល្អណាស់ និងបានបំពេញបន្ថែមឲ្យគ្នាទៅវិញ ទៅមកនូវបច្ចេកវិទ្យាពាក់ព័ន្ធនឹងនុយក្លេអ៊ែរនេះ។
យ៉ាងណាក៏ដោយ ការដែលកូរ៉េខាងជើង និងអៀរ៉ង់បានបង្ហាញជាផ្លូវការនូវឆន្ទៈធ្វើសហប្រតិបត្តិរួមគ្នានាពេលនេះ ជាសញ្ញាថ្មីមួយទៀតដែលប្រទេសទំាងពីរចង់បង្ហាញពីការប្តេជ្ញាចិត្តរបស់ពួកគេក្នុងការមិនព្រមចុះញ៉មនៅចំពោះមុខគំនាបរបស់សហគមន៍អន្តរជាតិ។ សហគមន៍អន្តរជាតិដែលបានទាមទារឲ្យប្រទេសទំាងពីររំសាយចោលទំាងស្រុងនូវកម្មវិធីនុយក្លេអ៊ែររបស់ខ្លួន។ ដោយឡែក សម្រាប់ទីក្រុងព្យុងយ៉ាង កិច្ចព្រមព្រៀងជាមួយទីក្រុងតេហេរ៉ង់ពេលនេះគឺជាសក្ខីកម្មមួយដើម្បីប្រាប់ពលរដ្ឋរបស់ខ្លួនថា កូរ៉េខាងជើងមានសម្ព័ន្ធមិត្តនៅលើឆាកអន្តរជាតិ គឺមិនមែននៅឯកោទេ៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ